رشيد نكاز.
زاد في فيلنوف سان جورج في فرنسا ، والديه هجرو من الجزاير و سكنو في فرنسا ، باباه أصلو من الغرب في الجزاير نيشان في شلف بصح مه من بجاية. زاد في حي شعبي في بلاصة سموها فال دو مارن بصح كان يقرا غاية ماشي كيما لوخرين ليهجرو من بلاد لبلاد ، كان يقرى التاريخ و الفلسفة في جامعة السوربون ، أسَسْ هو و صاحبو فرانساوي و وحدوخرى مهاجرة لفرنسا سموها نادية << هيا فرنسا >> ، و هي جمعية تخدم على تسجيل الناس بشكل ألي في اللوائح تاع إنتخابات. سڨم صوالحه في السياسة في 2006 و لونصا روحه باش يترشح للانتخابات تاع فرنسا في 2007 بصح باش يقبلو دوصي تاعو ليق يلم 500 سينياتور بلي راهم قابلين و راهم معاه و يدعمو فيه رياسة تاع البلديات. أيا تاڨ يلم 521 من عند رياسة تاع بلديات بصح بعد من السباق لخطرش مطاڨش يكمل 500 رجع هذا شي لضغوط صرات للي كانو يدعمو فيه و مدعموهش كيما وعدوه ڨال تاني بلي وينما كان داير الحملة تاع الانتخابات دخلو و خونولو ميكرو لي كان فيه نيميرو تاع رؤساء البلديات و دار موراها انتخابات تشريعية في 2007 كان داخل في حزب باسمه و ما فوتاوش عليه بزاف. و من بعد بدل حزب رشيد نكاز اسمه الى " التجمع الاجتماعي الديمقراطي "و دار الانتخابات البلدية و فوتاو عليه كتر من 5 بالمية تاع بلدة اورلي. في افريل 2011 ترشحه للانتخابات الرئاسية الفرنسية في 2012 ، بصح ما فاتش الانتخابات التمهيدية في وسط الحزب الاشتراكي حصلو فيه بلي شرا صوت عمدة بلدية على جال مرشحة تاع حزبه ، و حصلو فيه الرشوة و رفدوه حقو معاه في مارس 2012
-دعم الحرية عدل
من بعد ما دارو قانون تاع ممنوع يديرو نقاب برا و كون يديروه عندهم بروصي و من لي بداو يطبقو في هاد القانون تاع ميديروش النقاب رسل نكاز لڨاع كوميساريات تاع للبوليس يتطوع فيها بلي هو لي غادي يدفع ڨاع الغرامات على نسا لي يلبسو نقاب في فرنسا و بلجيكا بصح فرنسا عرفت بلي كاين لي غادي يخلص على نسا لي يديرو نقاب أيا خمت باش ديرونجيهم بالاستجوابات . [4]
-ترشحه للانتخابات الرئاسية الجزائرية 2015 عدل
في 2013 علم نكاز على نيته فالترشح للانتخابات الرئاسية الجزائرية في 2015 دار في حملته بزاف افكار منها: يبدل العاصمة لجلفة الداخلية قلع لارمي دار جيش متين دار حسبة مليون للعايلات القليلة يسمح في شهريته يلا ربح و رشيد نكاز سمى روحه مرشح الشباب و التبدال و ما يقبلش يدخل في اي حزب فالساعات اللولا من صبحية ٥ مارس علن نكاز بلي فشل باش يحط دوسيه ها الشي خلاه يخرج مالجري على الرئاسة، وڤال بلي لوطو لي كان كاين فيها توقيعات مين كان مع خوه مصبهاش، و هذا لي خلاه ما بجمعش توقيعات بزاف في الوفت الزايد لي زادهولو مجلس الدستور.[6]
-ترشح للانتخابات الرئاسية الجزائرية عدل (2019)
ديكلارا بالترشح تاعو للانتخابات الجزائرية2019 وبدا يجمع في الاستمارات باش يحط دوسي الترشح إلى الرئاسيات 2019 وكان يروح يزور المدن الجزائرية باش يلم الدعم من عند الأنصار و الفضوليين كان مستغل وسائل التواصل الاجتماعي باش يلم الأنصار هذا لي خلا سلطات تلقي عليه القبض شعال مل مرة مين يكون دير حملة تاعو باش يجمع الاستثمارات و مع تالي فرضو عليه يڤعد بسيف عليه في دارو في ولاية شلف. [7]