| سيدي بلعباس | |
 | |
| الايدارة | |
البلاد : 
| |
| بلديه : سيدي بلعباس | |
| لّكود پوستال : 22000 | |
| لعمدة : محمد مهدي | |
| سكان | |
| السّكان : 212 935 | |
| كثافة تاعها : 23 سكان/كم² | |
| الجوغرافييا | |
| مساحة تاعها : 9 150,63 كم² | |
| خط طّول (لوجيتيود) : 35° 11′ 38″ | |
| خط لّعرض (لاتيتيود) : 0° 38′ 29″ | |
| (ألتيتيود) لعلا على لّبحر : 483 | |
| لمواقع | |
 | |
سيدي بلعباس
editسيدي بلعباس[1] سموها تاني بلعباس اللي هي بلاصة جاية في سيدي بلعباس و هي سونتغ تاعهاو مركز تجاري تاعها و صناعي واللي جاية بعيدة على وهران[2] ب 80 كيلو. لمدينة فيها 212.000سكان وعلى هاذاك تنعد اكبر مدينة حضرية في لغرب مورا وهران[2]. سيدي بلعباس جاية جنوب وهران وبعيدة عليها ب 82 كيلو و شمال شرق تلمسان[3] ب 87 كيلو و جنوب شرق معسكر[4] ب 93 كيلو.
لموقع لجغرافي
editلمدينة تتكشف على واد مكرةو واد صارنو (اسم لول تاع سيڨ) سيدي بلعباس[5] جاية وسط سهل متموج واسع وعالي ب 500 متر وجاية بين جبال تسالة ف شمال وجبال الضايا ف لجنوب. جبال تسالة تقسمها على سهول مليتا وتليلات. سيدي بلعباس عندها موقع إستراتيجي لانو عندها بلاصة جاية ف لجنوب يجو ليها الرحالة لبلاصة هاذي كاينة من عام 1835 قبل لإستعمار.
لكليما تاعها
editلكليما تاعها: سيدي بلعباس[6] فيها سخانة بزاف فالصيف و شوية برد فالشتا وثلج يطيح خطرات.
تصاوير سيدي بلعباس
edit-
تصويرة من الطيارة تاع سيدي بلعباس. -
وسط المدينة تاع سيدي بلعباس. -
ليكول تاع لفنون الجميلة تاع سيدي بلعباس.
.jpg)
-
لا صال دي فات و لابوسط ف بلدية بن باديس. -
جاردن بيبليك ف بلدية بن باديس: في يامات لخمسينات -
بلاصة خضرا ف بلدية بن باديس. -
جامع حمزة بن عبد المطلب ف بلدية بن باديس .
.png)
تقدم تاعها
editلاصل تاع لكلمة
editمدينة سيدي بلعباس[1] سماوها على واحد مسلم كان يقرب لولاد ولاد الرسول صلىالله عليه وسلم وڨعد ف لمغرب لعربي باش ينشر كلمة الله .
تاريخها
editسيدي بلعباس[1] كانت بكري معروفة بالفلاحة كان فيها بزاف اراضي في تسالة وكانت معروفة بالڨمح وزراعة. ف لقرن 11 كان فيها بزاف سكان قبايل بني هلالو كان فيها بزاف مرابطين شرم بوزيدي كان الشفيع تاع لمدينة مات ف 1780 ودفنوه تحت الڨبة في بلعباس.
.svg)
الكارطيات
editالكارطيات لي فيها بزاف ونصهم مسميينهم على الولية : سيدي عبد القادر جاية في بلاصة سموها الكامپو سيدي عمار قريبة لسيدي لجيلالي سيدي محمد فالڨرابة سيدي ياسين و سيدي لعربي بوعزة جنوب بلعباس سيدي لمختار في فوبورچتيار هاذا والي يجو لناس يزورو. سيدي بلعباس فيها هضبة كانو فالاستعمار يعسو منها السكان لأصليين وكانو يشوفوهم ڨاع شا يديرو.
لكومارس تاعها
editلمدينة هي مركز تاع تجارة وصناعة يصنعو فيها اللبن،الصبابيط ولماشينات تع لفلاحة فيها تاني وزين تاع ليليكتروميناجي سموه ENIE يصنعو فيه تليفيزيونات ولفريجيدارات
لورث تاعها
editسيدي بلعباس[7] فيها التراث ولآثار لي خلاتو فرانسا ف لإستعمار ومبعد عاودو بناوهم و سڨموهم. سيدي بلعباس فيها بلاصة سموها سيدي محمد بن علي يروحو ليها لناس يتنزهو وفيها تاني غابة سموها لوزا[7] .
لادب تاع بلعباس
editفي 1912 لكاتب لألماني إرنست جونغر سكن في مدينة سيدي بلعباس[7] وشارك مع لأجانب باش يحكي لمغامرة تاعو ووصف سيدي بلعباس في كتاب لألعاب لإفريقية لي هو ألفو عام 1936.
لغنا
editسيدي بلعباس[7] كان فيها ڨروپ سموه راينا راي منهم : لعازف جلالطي لطفي. لمغني جيلالي رزق الله و جيلالي عمارنة.
تربية
editسيدي بلعباس فيها كثر من 6جاميعات وفيها 400كلاصة و 55 مدرج
ناس لمعروفين في بلعباس
edit- فريد داز زاد عام 1967،رسام و مصور وباحث ومؤسس جمعية البصمة للفنون التشكيلية تاع لرسم.فريد داز واحد مالفنانين اللي تميزو بالفن مدة 34 عام في سيدي بلعباس وف دزاير ڨاع پاسكو بسبتو سيدي بلعباس رجعت مدينة معروفة بالفن.
- محمود عبد الغني: زاد عام 1936،موسيقي يضرب لڨيطارا ولعود،لعب مع بزاف لي ڨروپ كيما (الصاديمية) وألف بزاف مسرحيات كيما (الجحيم) (ليالي الموت) .
- بودرة بلعباس:زادت في بلعباس عام 1925 طبيبة جراحة و ساهمت في مكافحة السرطان.
- مصطفى علال:زاد في 23/02/1925 ومات في 28/12/2011 في سيدي بلعباس،عالم بيولوجيا وفارماسيان،كان رئيس تع عمدة سيدي بلعباس (1965-1967)وكان رئيس لول تع APW في سيدي بلعباس.
- جيلالي عمارنة:شونتار تع ڨروپ راينا راي،زاد في سيدي بلعباس عام 1952.
- لطفي عطار:عازف تع ڨيطارا في ڨروپ راينا راي ،زاد في سيدي بلعباس عام 1952.
- محمد بجاوي:وزير الشؤون لخارجية لجزائري،كان وزير لعدل و سفير تع دزاير في فرنسا زايد في سيدي بلعباس عام 1929.
- محمد بن عيسى امير: وزير لعدل و تدريب تع لخدمة وكان رئيس ديوان لمحاسبة زايد في سيدي بلعباس عام 1926.
- پيار بن كمون: زاد في سيدي بلعباس عام 1931،شخصية ارليسانية ،مات في 8 ديسمبر 2016 في داكار.
- مهاجية بوشنتوف: من ولاية سيدي بلعباس،رئيسة تع لمركز ا ثقافي في فرنسا.
- شارل بريكار (1867-1952)جنرال فرنساوي وزايد في سيدي بلعباس.
- ألبرت كامي كاتب فرنساوي راح لسيدي بلعباس باه يقري في ليسي لاپيرين.
- مارسال سردان :بوكسار فرنساوي زاد في سيدي بلعباس عام 1916.
- هونوراتو سردان:مؤسس سيرك "هونوراتو" زاد في آليكانت1865 ومات في سيدي بلعباس 1924.
- عبد القادر جريو:ممثل ومخرج افلام زاد في سيدي بلعباس.
- بريجيت جيرود:كاتبة فرنسية زادت في سيدي بلعباس عام 1960.
- غاستون جوليا:عالم تع رياضيات زاد في سيدي بلعباس عام 1893.
- قدور نعيمي:كاتب مسرحي ومخرج زاد غي سيدي بلعباس عام 1945.
- ليلي لعباسي:شونتار ويعزف على لكمان زايد في سيدي بلعباس فلقرن 20.
- بلعيد لاكارن:زاد في سيدي بلعباس عام 1940،كان حاكم كأس لعالم تع لهاند بال عام 1982.
- محمد الطيبي لعربي:كان وزير تع لفلاحة وثورة لزراعية في وقت بومدين كي كان رايس تع دزاير.
- جون فرونسوا لاريو:زاد في سيدي بلعباس عام 1956،كان عضو تع ليكيپ تع البالو في فرنسا 1982.
- جيلالي ليابس : وزير التعليم تاع الجاميعات والبحث العلمي مات عام 1993.
- كادار مهدي:كاتب صحفي زاد عام 1942في سيدي بلعباس.
- قاد مراد : اسمو لحقاني قدورممثل وكوميدي فرنساوي ،زاد في سيدي بلعباس عام 1964.
- علي سلام: مؤسس نادي تاع لبالو في مدينة سيدي بلعباسUSMBA .
- عمار تو: كان وزير الصحة و دكتور فلإقتصاد.
- ادموند سولال(1982-1971)طبيب جينيكولوڨ واستاذ يقري فالميدسين في فرنسا،كان مومبغ في لاكاديمي تع الطب زاد في سيدي بلعباس.
- روني فيفاني:كان رئيس تع لمجلس ف لحرب لعالمية لولا 1862.
- روني جوسترابو:(1917-2013)كان رئيس بلدية سيدي بلعباس بين 1947-1953.