ستوكهولم هي العاصمة نتاع السويد و أكبر مدينة فالبلاد.ستوكهولم هي مقر الحكومة و البرلمان و مقر اقامة الملك كارل غوستاف . مدينة ستوكهولم فيها 538 1517 نسمة كبيرة على 290 بلدية سويدية يبلغ عدد سكان ستوكهولم يعني مقاطعة ستوكهولم2063945 نسمة. المساحة تاعها 6600 كم مربع . جاية قريبة لبحر البلطيق هاذي المدينة تبنات على شحال من جزر عند مصب بحيرة لامار.
| ستوكهولم | |||
 | |||
| الايدارة | |||
| البلاد : السويد | |||
| الولاية : ستوكهولم | |||
| الكود تاع التيليفون : +(46) | |||
| الديموغرافيا | |||
| السوكان : 517 538 1 سوكان فل (2016 [1]) | |||
| الكاثافة : 716 3 سوكان/كم² | الجوغرافييا | ||
| الايحداثيات : 59 ° 19 '46 شمالاً ، 18 ° 04 '07 شرقًا | |||
| المساحة : 41400 هكتار = 414.00 كم 2 | |||
جغرافيا:
ستوكهولم جاية على الساحل الشرقي للسويد منجيهت بحر البلطيق. المدينة نفسها تمتد على رباطاعش جزيرة كامل جايين جزء من ارخبيل ستوكهولم مما تخلي الما عنصر شامل و تمثل ثلاثين بالمئة من مساحة المدينة و بنفس المساحات الخضراء تاع المدينة . سبعة و خمسين جسر يربط المناطق ببعضها. تاست المدينة على جزيرة ستادشولمين الصغيرة(وين جايا جاملا ستان وين جايا البلدة القديمة) من بعد طورت للشمال حيث الي راهي ضروك نورمالم و اوسترمالم و جنوبا باتجاه سوديرمالم. الارخبيل المهم الي فيه قريب 24.000جزيرة, هو بلاصة للاسترخاء عندو شعبية لسكان ذيك البلاصة, الي يبغو يروحو ليه في عطلات نهاية السمانة و ايام الاربعاء مور الظهر على الربعة.
جو ستوكهولم:
جو ستوكهولم هو من النوع القاري .علاجال خط العرض الشمالي و المسافة النسبية من المحيط الاطلسي.الشت تاعو بارد و الصيف معتدل و خطرات سخون.و هذا علاجال الاختلاف الكبير في طول اليوم لخاطرش ينقلب فالصيف يولي(ثمنطاعش ساعة في اليوم)و ينقلب فالشتا (ست سوايع في اليوم)درجة الحرارة يالي في ستوكهولم ما تهبطش على ستة و ثلاثين درجة مئوية وفالشتا تلحق حتى ناقص اثنين و ثلاثين درجة مئوية .بصح من عام1987-1986 ما هبطتش من تحت ناقص خمسة و عشرين درجة.تخرج الشمس فالعام الف و ثمنمية و ثلاثين ساعة.
الاحياء الرئيسية:
الجزء الرئيسي من ستوكهولم فيه احياء بزاف و جاية كامل تاع تحواس. البلدة القديمة، جملا ستان الي جاية في جزيرة ستادشولم فيها بزاف زنيقات ضيقين، و كاين بزاف بلايص مهمين كيما القصر الملكي ومتحف نوبل، والكنيسة الألمانية، ستورشريكان أو بيت النبلاء. ديورجاردن، وحدة من جزر ستوكهولم، تجمع بين البلايص الي تجبدالسياح . كاين متحف فاسا ، سكانسن ، متحف الشمال ، ومتحف أبا ، وحديقة غرونا لوند الترفيهية وحديقة كبيرة. سوديرمالم هي بلاصة حيوية بزاف فيها قاوي النوادي الليلي مارياتوريت هو بلاصة شعبية، وفان كاين الكنائس. ومن الأحياء الباينة لخرى نورمالم أو أوسترمالم أو كونغشولمن أو سكيبشولمين.
تاريخ ستوكهولم:
بداية ستوكهولم:
أانذكرت ستوكهولم اول مرة عام 1252. كانت هاذي المدينة غير جزيرة صغيرة من جملا ستان (المدينة القديمة). اسسها بيرجر يارل باش يحمي السويد من غزو الأساطيل تاع الخارج وباش يحبس عمليات السلب والنهب الي ولات في هاذي المدن سيغتونا على بحيرة مالارين. المبنى اللول هو حركة الملاحة البحرية الي كان يسيطر بقوة بين بحر البلطيق وبحيرة مالارين.كان كان ياثر عليه ماغنوس لادولاس، زادت زدهرت ستوكهولم في علاقاتها التجارية مع لوبيك باه تولي جزء من الرابطة الهانزية. في 1270، وصفت ستوكهولم كمدينة حقيقية، وفي 1289، ولات صح أكبر مدينة في السويد.يرجع أول تقدير موثوق لحجمه إلى القرن الخامس عشر. يجمع ما يقرب من ألف أسرة من خمسة إلى ستة آلاف نسمة. في عام 1349 ، شهدت المدينة حلقة من الطاعون الأسود المدمر.
اتحاد كالمار:
حتى عام 1419 علنت ستوكهولم عاصمة السويد. موقعها الاستراتيجي وزيد الثقل نتاعها الاقتصادي خلالها بلاصة مهمة في العلاقات بين الملوك الدنماركيين لاتحاد كالمار وحركة الاستقلال السويدية في القرن الخمسطاعش . شافت بزاف معارك ، منها معركة برونكهبرغ الي غلبت فيها ضد ملك الدنمارك كريستيان الأول من ستين ستوره في 1471، وحمام الدم ستوكهولم كان في عام 1520 قادها كريستيان الثاني من الدنمارك، باش يوضع حد لاتحاد كالمار. فترة فاسا: في عام 1521، دخلت غوستاف فاسا ستوكهولم باش يمثل بداية عهد جديد للسويد. المدينة كبرت و متدت من ستودشولم على سوديرمالم ونورمالم.و في عام 1600، ولا فيهاعشرة آلاف نسمة.
1600-1800:
في القرن السباطاعش، ولات ستوكهولم المدينة الأوروبية الكبيرة قاع. بين 1610 و 1680، زاد عدد سكانها ستة أضعاف. لادوغاردسلاندت، الي سموها ضروك أوسترمالم و جزيرة كونجشولمين ولاو تابعين للمدينةفي 1628 ، تدفقت الفاسا في ستوكهولم. موراها بوقت قصير ، دارو القواعد الي تعطي ستوكهولم احتكارًا للتجارة بين التجار تاع الخارج والأراضي الإسكندنافية. في ذاك الوقت ، بناو شحال من القلاع والقصور ، من بينهم بيت النبلاء (ريدارهوست) والقصر الملكي في القرن الثمنطاعش. مور الحرب الشمالية ، الي على جالها ادمر جزء كبير من المدينة ، شافت ستوكهولم تباطؤ في نموها. وما زالت تحتفظ بدورها كعاصمة سياسية للسويد ، وتحت حكم غوستافوس الثالث السويدي ، تؤكد تفوقها الثقافي. الأوبرا الملكية هي مثال جيد للهندسة المعمارية في هذاك الوقت.
1800-1900:
كي بدا القرن التساطاعش ، خسرت ستوكهولم قاوي من النفوذ الاقتصادي. او ولات نورشوبنغ المدينة الصناعية الرئيسية في البلاد ، او ولات غوتنبرغ ميناءًا رئيسيًا علاجال موقعها على بحر الشمال. في النص الزاوج من القرن ، رجعت استوكهولم دورها الريادي اقتصاديًا و خرجت صناعات جديدة ، او رجعت مركزً مهمًا للتجارة والخدمات ، فضلاً عن البوابة الرئيسية للسويد.
سكانهاكانو يامنو بشكل كبير بالهجرة. في نهاية القرن ، ربعين بالمئة من النساء ولدت و جابت اطفال . من بعد بدات الأحياء بالتطور خارج حدود ستوكهولم ، في الريف وعلى الساحل. وفي هذا الوقت فان ، زادت المدينة من دورها المركزي في التعليم والثقافة ، وفتحو بزاف من الجامعات ، كيما معهد كارولينسكا.
القرن العشرين:
فالقرن العشرين ، عاودت ستوكهولم بتأهيل بزاف عيباد من وسط المدينة ، والي كانت تتألف من شوارع ضيقة ومتشابكة شكلت مشكلة مع زيادة حركة المرور. ممبعد السلطات البلدية منعت تجديد المباني وشراء بلاصة قريبة من المحطة المركزية، اوتورقات في سارجال تورج، في النصف الأول من هذا القرن. من عام 1945 إلى عام 1967 ، دمرو المنطقة وعاودو بناوها ، مع شوارع واسعة للمشاة وناطحات السحاب.
في نهاية القرن ، ستوكهولم رجعت مدينة جديدة وعالمية ومتقدمة بزاف في المجالات التكنولوجية. في عام 1923 ، اتحولت حكومة البلدية إلى فندق المدينة الجديدة. و بناو مترو ستوكهولم من عام 1950 ، وأصبح حي كيستا ضروك مركزً مهمً للتكنولوجيات الجديدة. ثقافة ستوكهولم: عاصمة السويد، ستوكهولم هي موطن لكثير من الأماكن الثقافية الرئيسية في السويد، من بينها المسارح والمتاحف ودور الأوبرا. في ستوكهولم وجوايهها، وهما المواقع الي كاينة في قائمة التراث العالمي لليونسكو، وقصر دروتنينغولم ومقبرة سكوجسكيركوجاردن. كانت ستوكهولم فان عاصمة الثقافة الأوروبية في عام 1998. متاحف ستوكهولم:
ستوكهولم عندها قريب مائة متحف. بعض هذه المتاحف ، الي كانت باطل ، ولات في معظمها تخلص باش تدخل. أشهرها متحف فاسا ، سكانسن ، المتحف التاريخي ، متحف أبا ، متحف الفن الحديث ، المتحف الوطني للفنون الجميلة ، المتحف السويدي للتاريخ الطبيعي ، متحف الشمال أو متحف ستوكهولم للموسيقى.
الموسيقى الكلاسيكية:
كاين في ستوكهولم زوج فرقات مشهورين: أوركسترا رويال فيلهارمونيك في ستوكهولم وأوركسترا السيمفونية للراديو السويدي. استضافت العاصمة السويدية ثلاث نسخ من مسابقة الأغنية الأوروبية.
الاحداث:
استضافت ستوكهولم مؤتمر الإسبرانتو العالمي مرتين في عامي 1934 و 1980 ، حيث لم كل منهما قريب 2000 مشارك في كامل السمانة.
رياضة: كانت ستكهولم موطنًا للألعاب الأولمبية الصيفية لعام 1912 ، وزيد إلى ستاد الأولمبي ، جلوبين وروسوندا ، وكاين ساحات هامة للعب كرة القدم والهوكي على الجليد والاندفاع. أندية كرة القدم الرئيسية في المدينة هي هاماربي جورجاردنز اف و فوتبال اب، وايك سولنا. وكاين بزاف من المسطحات المائية يفضل ممارسة التزحلق على الجليد في الشتاء. ستكهولم هي بلاصة لبطولة التنس التي تندار في أوائل أكتوبر في البلايص المبلعة. استضافت ستوكهولم أيضا ، في عام 1990 ، أول ألعاب الفروسية في العالم. ممبعد ولات ستوكهولم "العاصمة الأوروبية للرياضة" لعام 2002. يستضيف مضمار سباق سولفالا ، على الأطراف الشمالية الغربية من ستوكهولم ، سباقًا تنافسيًا كل يوم أحد في ماي ، يجمع أفضل الخيول في العالم لحدث بطول 1،609 متر. هذا هو اليتلوب (سباق النخبة). أول أربعة من كل مباراة نصف نهائية يتقابلو ما بعد الظهر للنهائي الكبير.
اقتصاد:
جاي المقر الرئيسي لأكثر من 40٪ من المشاريع السويدية في ستوكهولم، المركز الاقتصادي والمالي من السويد. ستوكهولم عندها بعض شركات التكنولوجيا الفائقة، مثل إريكسون، الكترولوكس واسترا زينيكا. منطقة كيستا هي وحدة من المراكز الأوروبية الأكثر ديناميكية لتكنولوجيا المعلومات والاتصالات. ولات السياحة نشاطً مهمً لمدينة ستوكهولم في السنوات الأخيرة بحيث كان هناك سبعة ملايين زائر سنويًا. وفقا لمؤشر التنافسية العالمي للمعرفة لعام 2008 ، ولات مدينة ستوكهولم هي المنطقة الأوروبية الوحيدة من بين الاقتصادات العشرة الأولى في العالم الي تعتامد على المعرفة ، و رجعت في المرتبة الساتة.
التعليم: كاين في ستوكهولم 16 مدرسة وجامعة ، من بيناتهم مدرسة ستوكهولم للأعمال ، ومعهد كارولينسكا ، وجامعة ستوكهولم ، والمعهد الملكي للتكنولوجيا. فوق من هكا،أعدادهم تتوسع ، كيما بان في جامعة سودرتورن فالجوايه الجنوبية (فلمينغزبيرغ). كاين الأكاديميات الملكية فان في ستوكهولم ، كيما الأكاديمية الملكية للعلوم السويدية والاكاديمية السويدية ، والي ولات تدي كل عام جائزة نوبل.