Wp/arq/قابسة تاع كتاتبي | سميّة تاعهُ = دحمان لحراشي | تصويرة = dahman.jpg | علوان تاع تصويرة = | لسميّة لحقّانيّة = عبد رحمان عمارني | لقولة = | خدايمهُ = مغني تع شعبي | تاريخ تاع لزيادة = 7 جويلية 1926 | بلاصة تاع لزيادة = في لبيار لي جاية فدزاير | تاريخ تاع لوفاة = 31 أوت 1980(كان في عمرو 54 سنا) | بلاصة تاع لوفاة = عين لبنيان ( لجزاير) | شتا يستعمل = لمندول ,لبانجو,كانون ,ألتو,تار,دربوكة ولپيانو. | لوغة = | لحركة تاع لفنّ = موسيقى مخلطة بين لعربية و لاندلسية | طبَع تاع لفنّ = شعبي | شيعات = | لكتابات تاعهُ لكبار = }}
عبد رحمان عمارني لي هو معروف باسم دحمان لحراشي هو مغني ومؤلف موسيقي وفاني مترجم جزايري للموسيقى شعبية , زاد ف 7 جويلية 1926 ب لبيار لي هي حومة ف دزاير ومات ف 31 أوت 1980 ف عين لبنيان لي جاية حدا( دزاير) ,والديه من لبربر تع شاوية لي لاصل تاعهم من خنشلة. كمال وليد دحمان لحراشي لي هو فان مؤلف موسيقى ومترجم تع شعبي, حيا لغنا تع باباه بعدما مات.[1]
حياتو
editدحمان لحراشي هو من أصل شاوي من لقرية تع جلال لي جاية في ولاية خنشلة ,باباه سكن فدزاير ف1920 ورجع ميوزين تع لجامع لكبير , وبعدما زاد دحمان لي هو عبد رحمان رحل كي هو كي دارهم لي فيها 11 طفل لبيلكور لي جاية في طريڨ مارت ومن ثما سكنو فلحراش ومن ثماك دحمان ولاو يسموه دحمان لحراشي[2] ٠
مسيرتو لفنية كمغني جات من تجربتو شخصية تع الحياة ونلقاو في غناه لي مكتوب بلجزايرية مترجم ڨاع صوالح لي متخليهش يروح للخارج. بدا لغنا بكري بالبانجو ومبعد بدا يتٙبع في لمغني تع شعبي خليفة بلقاسم لي مات ف1951 و بحيث أنو شد عليه كيفاه يغني. كي لحڨ في عمرو 16 نسنة ولا يترجم فلغنا نتاع هذا لمغني لي هو خليفة بلقاسم. دحمان الحراشي خدم كوغدونيي ومبعدها خدم روسوفار فترامواي في لالين لي جاية بين دار لمربعة وباب الواد وهذا قاع كي كانت شهادة تع لقراية في جيبو بلا ما ننساو بلي كان يضرب مليح لبانجو وهاذ شي خلا لمغنين تع شعبي لمتوال 1940 يستفادو من خدمتو كيما: لحاج منور, شيخ بورحلة , شيخ لعربي لعنابي,عبد لقادر عوشالة وسورتو شيخ لحسناوي لي غنا معاه وللاول مرة فلقهوة تع لفنانين لي جاية ف طريڨ شارون فپاري وهدا شي كان ف1952.
ف1949 راح للمدينة وسكن في ليل ومبعد سكن في مارساي ومبعد مع تالي سكن في پاري لي هي لبلاصة لي ڤاع موخرش منها, قعد شعال من سنا وهو يغني بلبانجو فلغنا شعبي وهذا فلقهاوي تع لمغرب لعربي لي جايين فليڥيل تع فرنسا.موراها عرف ديكالاج لي كاين بين لحقيقة تع لغربة ولكناش تع لمغرب لعربي لي فيه لملحون لي مكتوب بين لقرن 16 و 17.
دحمان لحراشي لي هو مؤلف موسيقي غنا بطريقتو لغنا تع شعبي ودلو موسيقي شعرية جديدة, غناه يهدر على ڨاع شتا شاف في لمجتمع تاعو وبكلام رزين لي فيه معنى ولي كامل لمجتمع تع لمغرب لعربي يقدر يفهمو.
فحرب لاستقلال عمر ديسك تاعو لاول مرة عند باتي ماركوني ولغنية لي دارها يسموها لبهجة لبيضة ما تحول لي معنتها دزاير لبيضة جامي لبريق تاعها يروح منها ودار فاني لغنية تع كيفاش ننسى بلاد لخير.
دحمان لحراشي لي هو فلاصل فنان , مودارنيزا لغنا تع شعبي بريڨلاج لي دارو بين لبانجو و لمندول وبين لايقاع ولحركة وهد شي ڨاع لي هو دارو خلاه يكون مختلف شوية على لموغنيين لوخرين لي يغنو شعبي.كناش لي فيه غناه ولي هو كاتبهم فيه 500 غنية. كلامو رزين ولحن لي دايرو في غناه خلا شعب كبير يبغيه.بلا ما ننساو بلي كان دايمن يدير لكينايات في نصوص تع غناه باه يزيد فلمضمون تاعهم. لافوا تاعو غنى بيها شعال من غنية ولي هدر فيها على لوٙحش تع لبلاد, على لغبينة تع لي يكون بعيد على بلادو , على صحبة ,على لفاميلا , على حبو لكبير للبلاصة لي زاد فيها, على لمشاكل تع لي يعشقو في بعضاهم, على لحياة كي تنڨلب, على لاستقامة , على زيور فتربية بلاما ننساو بلي كريتيكا ليماهمش امنيين والمنافقين, ولي بلخف ينساو لخير ,ولي معندوش نية.
ڤاع لمجال لفني تاعو دارو في فرنسا وتعرف على لي كيما هو فلمهرجان تع لموسيقى تع لمغرب لعربي لي ندار مع لبداية تع 70 في لاڨيلات ونقدرو نڨولو بلي لجيل جديد تع لجزاير عرف دحمان لحراشي روطار بلا ما ننساو بلي غنا ڨدام شعب في لاصال تع لاطلس لي جاية فدزاير وفماك وين دار حالة وهذا متوال1974 . موراها خلا 3 تسجيلات تع غناه كان معمرهم عندو فتليفيزيون لجزايري ومبعد غنا لغنية تع صحا دحمان كيما فيلم فتيليفيزون وهذي لغنية تورناها قبل ما تصرا لأكسيدو لي مات فيها ولي كانت ف31 أوت 1980 فعين لبنيان٠[3]
غناه
editيا رايح هي واحدة من غناه لمعروفة و لي تهدر على لي رايح للخارج , كي خرجت مع لاول دارت حالة في فرنسا وهدا ف 1773, هدي لغنية عاود دارها رشيد طها. بلا ما ننساو بلي لغنية لاصلية لعالم ڨاع سمعها وترجمت بشعال من لونڨ بصح شتاهي بقاو محافظينلها على لحن تاعها.
- زوج حمامات
- شاداني نخالطو
- دس سرك
- لي فات مات
- يارايح
- يالحجلة
- ماك ماك
- لي يدي حق ناس
- نجوم فليل
- نسيبك
- ساعفني ونساعفك
- غير لبارح
- ما يدوم غير صح
- ياليام علاش لغدر
- نجوم فليل
- مازال لحلال يبان
- أنا هوايا ما يروح
- دنيا تضاحك وتباكي
- من صغري وأنا فالهول
- مازال نسمع ونشوف
- يالبغادني أفني
- دير حسابك وقراه
- لي يزرع ريح
- يا نكارة لملاح
- لي حاب سلاحو
- ياقصي
- لي مولو بالهوا
- سهرت لليل
- نحبو نجوم
- مازالني معاك نقاصي
- يامندرا ياربي
- لي ما بغا يبغيني
- ياناس لحب فناني
- اه يا بشر
- وين سعدي
- شوفو للواد
- لحراكة وسكن
- هاديك لغمزة
- انت هو سبابي
- لى كانك عوامة
- ما بيني وبينك غير لخير
- ربي بلاني بطاصة
- لوسمك
- أنا همي يكفيني
- خلي في قلبك يا فلان
- ناس لحومة
- غزالي
- قالو صابر ينال
- رايي هو سبابي
- خلوني من رايي
- قيس لكابل متغيس
- ساعفني ونساعفك
- غير لبارح
- غاب عليا حبيب قلبي
- مايحس بالجمرة
- يالبهجة لباهية
- الي يدي حق ناس
- يا حسرة على لغرام
- علاش يا بنادم
- يا دزاير
- قلبي يتألم
- شار الله يالحباب
- نسر ما يتربى
- خديم رجال
- لحل اهرب عليا
- سقسي على لي يسقسي عليك
- زمان مع تالي دالة
- لحق عليه نور
- كل زاوش يلغا بلغاه
- قابلوني ربع رياح
- روح ونساني
- رد بالك يا وليد الناس
- اعذروني يالحباب
- غرو بيك العديان
- ما عرفت علاش
- انتي راحتي
- نديرها في عينيا
- لخبر يجيبوه توالا
- حاسبني ولا خود غرك
- لازم سماح بيناتنا
- اصانت وافهم
- لولف صعيب
- مازالنا حايين
- يا ربي يا ستار
- راح الليل
- سيدي ربي واش ڤال
- اكتبت برية
- لي يدي حق ناس
- قلبك قصيه
- صباح لخير
- شهدو عليك لعباد
- نشا لله مازال يا حبابي
- قيس قبل ما تغيس
- زهيت مع حبابي
- لى تبغي نيدلك
- شوفو لحباب لجافيين
- يالمقنين لزين
- وين هوما حبابنا
- والله ما دريت
- يا حليلو لي معندوش لكتاف
- لي راح ووالى
- علاش يا قليل لخير
- لعبد لمغيار
- دنيا بالوجوه
- علاش مافيك نية يالهدرة لهواوية
- لوكان جا لكلام
- وين حبابي
- الله يهدي ما خلق
- بلاد لخير
- رايي زهوني
- مايكون الا خاطرك
- لبهجة لبيضة
- عليك راني ممحون
- لي يزرع لريح
- يا نكارة لملاح
- يالي يحب صلاحو
- ياقاسي
- الي مولو بالهوا
- سهارت ليل
- غابو نجوم
- شحال عييت
- الي تصيبو
- يا ويه لي غفل
- يا سايلني
- يا طير لقفص
- جرب قرب
- لي ماهو ليك
- مدها يجرالو
- أزوخ مايزيد فروجلا
- كل واحد يلعب في لعبو
- من تهوى روحي وراحتي
- دير حسابك ما تدخل في حساب ناس
- قولي واش جابك ليا
- من صابني نكون
- شوفو لزمان
- نطلب لعفو
- لوقت صعيب يا خويا
- راه باين
- شد في حرمك يا فلان
- يامن درا يا ربي
- شحال جريت
- مواهلا داك لمشموم
- جرت معاك لهموم دحمان لحراشي
- ات معاك لهموم
- عباد اليوم صعاب
- يرحم الي مات وخلا
- خد ما أتاك الله
- انتا انتا لي بنيت لفخة
- بيني وبينك الحاسدين
- حسبتك من اهل الخير
- قطعت البحور
- خدها من عند شيباني
- حلفت باليمين لكبير
- ما جاب عليك مداح
- كيفاش راه
- اذا تبغي نطلعو نهار
- ضر خاطيني مڤواه
- سقسيني وسقسي لي شايف
- شحال وانا مساعفك
- هاجو عليا لشواك
- خليني نرتاح
- ما بقات لڤسرة وزهو
- بشرني بالخير فالحياة
- علاش ما جيتي يا لالة
- أنا مولو هوا
- طلة وحد لغزالة
- أنا لغرام داني
- علاش رجعت براني
- ڤولي وعلاش
- قلبي بغاك
- اصنت غير للكلام
- ناس غير بالفعايل تزوخ
- خلاص أنا وياك
- الله يهديك ايدلي
- واش يصبر خاطري
- أنا شعال ديت معاك
- لڤمري
- علاش قلبك تعمر غبينة
- عييت نصبر في ڤلبي
شوف فان
editلمراجع
edit- لجزاير لمداولة,نيميرو981, من 2 حتى 8 أوت 1984.
- لجزاير لمداولة ,نيميرو 1234, من 8 حتى ل14 جوان 1989.
- ثورة لافريقية,نيميرو 1332, 15 سبتمبر 1989.
- ثورة لافريقية ,نيميرو 1357, من 2 حتى ل 8مارس 1990.
- لحشية تع الجزاير ,30 أوت 1993.
- لوفق,30 أوت 1995.
لمراجع
editالمراجع
editWp/arq/Reflist}}
- ↑ Le soir، فوزييا معروف « Kamel El Harrachi, chanteur « J’apporte un nouveau souffle au chaâbi » » .
- ↑ حياة دحمان لحراشي ڢيتامين دي زاد، حياة دحمان الحراشي.
- ↑ دحمان لحراشي مات بصح مازال حي بغناه، لمغني شعبي لمعروف.