الحرز هو كل شيء لي الانسان تبانلوا يحميه من خواطر الحياة. الحرز موجود في كل ثقافات العالم, اكون رسم ولى رمز ديني (عين، يد، خاتم سليمان, تمثيل إله) ولا كتيبة (دينية) ولى مادة (نباتية، حيوانية، معدنية كيما حجرة ولى جوهر...) و يستعملوهم بعدة طرق و أشكال ( في الصياغة كيما خاتم سنسلة مسايس, فوق اللباس ...).
بزاف لحروز جاو مديانات، كيما الخامسة (قرطاج) و العين (مصر الفراعنة)، الصليب (المسيح)، خاتم سليمان (إسلام، مسيحية، يهودية)... الحرز يعتبروه قادر يحمي الناس (خاصتاً الدراري الصغار) و تاني الاشياء (دار) والاماكن (مدينة، حي، منطقة...).
العديد من الناس تعتبر الحرز خرافة.
رمز ديني edit
في كل وقت و كل منطقة تع العالم كانوا كاينين رموز ,تمثل الاديان, و يستعملوها الناس لحماية رواحهم. .
الخامسة edit
الخامسة (تافسوت بالأمزيغية) رمز مشهور في شمال إفريقيا، يستعمل لي إبعاد "العين" و "السحر" و لحماية منهم. الخامسة رمز قديم، كان موجود عند البونقيين في العصور القديمة.
في الاديان التوحيدية، الخامسة ولات تمثل حوايج مختلفة، لليهود تمثل 5 كتب التوراة، و للمسلمين كانت تمثل 5 أركان الاسلام أو 5 صلوات أو أهل الكساء (النبي محمد، فاطمة، علي، حسن و حسين).
_-_(%D9%85%D8%AC%D9%88%D9%87%D8%B1%D8%A7%D8%AA_%D8%AA%D9%88%D9%86%D8%B3%D9%8A%D8%A9_%D8%AA%D9%82%D9%84%D9%8A%D8%AF%D9%8A%D8%A9_(%D8%AE%D9%85%D8%B3%D8%A9_-_Bijoux_traditionnels_tunisiens_(Khamsa).jpg)
العين edit
في الديانات المصرية القديمة، العين كانت تع الإله حروس الصقر, تحمي من الامراض و من "العين لي تضر" (الحسد أو الشيطان), و نلقاوهى في عدة ثقافات (الإغريق، الرومان، المسلمين).
النجمة edit
النجمة الخماسية أو السداسية رمز نلقاوه في عدة أديان كيما الهندوسية، اليهودية (نجمة داود) و الاسلام و اليهودية و المسيحية (خاتم سليمان).
سبع خواتم edit
هومى 7 رموز تمثل ايات من التوراة، الانجيل و القران (فيها خاتم سليمان).هاد الرموز السبعة مستعملة في الحروز المكتوبة عند الروحانيين المتصوفين كيما فسرها المختص تع القرن 13م أحمد البوني.
كتيبة دينية edit
كل الاديان في العالم و التاريخ ستعملت معتقداتها المقدسة باش تحمي روحها من خواطر الحياة، و طورو في كل الثقافات الحروز المكتوبة ,يخدمها متدينين مختصين, وين كانو يكتبوا كلمات و أسامي إلهية أو نبوية أو غيرها المقدسة، بش يلبسوهم الناس عامتاً في سناسل أو مكتوبين فوق قشهم ولى حتى يوشموهم فوق لحمهم. و زيدتاً على الكتيبة المقدسة، كانوا إيرسمو في هاد الحروز رموز لي تمثل دينهم.
مادة edit
الحرز يقدر اكون مادة لي الانسان مدلها قيمة لحمايته من الأمراض و الاضرار،كانو يستعملوا الحجر، ولى قطع من النبات و الحيوانات.
حجر edit
يد الضربان edit
كانوا النسا لي ارضعوا بكري في الجزائر، يلبسوا يد ضربان في سنسلة، بش اكون عندهم لحليب و باش ابعدوا لعين.[1]
المرجان edit
المرجان حيوان بحري يشبه الحجر، كان مستعمل في بزاف الثقافات باش ابعد العين و السحر.
بايط تع لحروز edit
لحروز كانوا إخبيوهوم داخل بايط تع الفضة، الذهب ولى الجلد, و إعلقوهم في سنسلة.
.png){kind=link}
المراجع edit
- ↑ Catalogue descriptif illustré des principaux ouvrages d'or et d'argent de fabrication algérienne - Lafferière - 1900