Wp/arq/جامع كتشاوة

جامع كتشاوة هو جامع تاريخي و هوجزء من أتراث لجزايري مصنفينو مع لقصبة تاع دزاير و هوّا رمز لتاريخ أدزاير لعاصمة تبنى فل 1436 وف لقرن ثمنطاعش تبدل بزاف فلوقت تاع لحكم تاع أداي حسان وزاد تبدل ف لقرن تسعطاعش ممبعدما تصادر فل 1932 باش يخصصوه للعبادة لكاثوليكية ف لوقت تاع لستعمار وليسماوها كاتدرائية سان فيليب و بقى هاد لسم حتى لستقلال أدزاير فل 1962 وف هادا أتاريخ عاود رجع جامع مرة وحدوخرة وصنفاتو ليونيسكو مع لقصبة لمدينة أدزاير بلّي هُما تراث عالمي و لّواجهة تاع لجامع دارّها لمهندس لفرنّساوي ألبرت بالو.

التاريخ تاع الجامع

الفترة تاع العوصور الوسطا

التاريخ تاع تأسيس الجامع هو موضوع تاع بزّاف فاراضيات ،تبنى فل 1436 و هادا على حساب ميريام باشا،جامع كتشاوة تبّنى من قبل فلقرن سّطاعش وكيما عاودو هيكلوه و وسّعوه فل 1794 على حساب ماڨال ڨولفان، تاريخ هاڏ المبنى تاع ضروك هو 1794. و اللي تبنى على المّكان القديم تاع الصلاة بصح و على حساب ڤمريش، تاريخ المبنى هو ،1612 قبلما يتعاود البنيان تاعو فل عام 1794. و جامع كتشاوة لّول تاع مدينت` دزاير، بناتو قبيلة روبي فل 1436.

الفترة تاع الوصاية الجازايرية

العقد اللّول تاع الحابوس لي أكّد الوجود تاع هاذ الجامع كان ب التاريخ تاع 1612. هاد العقد بيّن المكان الأصلي تاع الجامع في بلاصت ما نڨولو الهضبة تاع لماعز نڨولو كتشاوة.

بلان تاع كاتشاوة ف 1842

بل هدرة تاع التُرك، هاذ الجامع طاح ولا تهاوى بلاك ڨريب وحد زوج قرون. و هاد المبنى الموهم اتّبنى فل عام ،1613 تحت وصاية` الحكم العثماني، وهاد المرة ثاني طاح، و ملبعد الجامع تعاود تبنى فل 1794، فل وقت تاع الحكم تاع الداي حاسان لي خلاه ب الشكل تاع ضروك، و الصالة الكبيرة تاع الصلاة لي فوڨها غطا مقبّب ولي سڨم هادي اللرض المايلة. وهاد الصالة تاع الصلاة المتربّعة على مساحة تاع حداعشن ميترة و خمسين، فيها جيهة خارجة ب قُبّة كبيرة و عندها ثمنية جوايهْ و ضاير به زوج كولوارات كيفكيف مع جامع دزيري وحدوخر لي هوا جامع علي بتشين. هاد الكولوارات مقابلة المحراب و لي فيه بزاف بلايص مغطية بقبُب صغيرة مسنودة ب بِيليّات عريضة و هادي هيا الهنداسة الكاملة تاعو، بصح قليل وين نصيبو في شمال فريقيا، جامع بقبّة كبيرة فل وسط، و هاد الستِيل تاع التُرك.

الفترة تاع الستعمار الفرنساوي كاتيدرالية تاع سان فيليب

نكملو مع الوصاية تاع دزاير لجامع صادرو أدوك روفيڨو و هاذ الحقوق بسباب الإتفاقية تاع 4جويلية 1830 ولي سنياها بورمونت فل وقت تاع لوصاية الجزايرية السكان ما قبلوش هاذ الشي، حتا الدقيقة التالية، يعني الإتفاقية باش يدّو هاذ البنيان و نضّمو موقاومة و ف هاد الوقت بدات جا الِإندار تاع موقدم الجمعية الدينيّة تايبية لي عاودت جمعت السكان ،أدوك روفيغو عطا الأوامر باش يّدّو الجامع فل 17 ديسمبر 1831، ربعالاف مسلم تلمّو داخل المبنى و الدخلَّة لل منى بل قوة خلّطت الحالة و خلّفت بزاف الضحيّات من المسلّمين. من 1832 الجامع ولّى المكان اللوّل تاع العبادة الماسيحيّة و لي جا من تحوال تاع الجامع العثماني، لبابا ڨريڨوار السطاعش، كان تلميد تاع الكليزيّة و رجع ب رُتبة تاع كاتيدرال. الجامع كانو خيروه على جال هنداستو المليحة كمشروع ترميم و كانو يسيّو باش يرجعوه كيما كان، و كان ف واجد السنين الوسطانيّن تاع 1830. فل 1839 و كلما يسترجعوه يديرو قتيراحات مفصّلة باش يرمّموه وهاد المشروع تاع الترميم و المعاودة و معا ڨاع هادوك الديراسات و الوسايل، بصح فشل القباش البلاصة تاعو ضيّقة بزاف، و ما تضمنش دخلة ساهلة، و هاد الشي ما يوالمش ل كاتيدراليّة. الجامع كان عندو بزاف طابع روماني، الواجهة تاعو ڨريب كامل معاودة و خصصو لو زوج براج بسّكاليات فاخمة كيما لي ف قصر` الشتا تاع حاسان باشا، الموهندسين هارو رومان وممبعدُو فرود سيّرو الخدمة من 1845 حتا ل 1860 و ف التالي بالو كمّل هاذ المعاودة و الزواق تاعو فل 1890. التسڨام تاع البوابة سمحت باش توري ٲثار قديمة كيما لفوسيفيسة الرومانية القديمة و بزاف رسومات خارجة من الحيط و خزان تاع الماء لي يخزّنو ب طاريقة مليحة. نرجعو الترميمات و اللي هيا مركّزة على باش يبدلوه كامل ويعاودو يبنوه. و البصمة المعمارية تاع لواجهة داية من الستيل تاع موريسك لي لازمة فلخ دمة تاع داك الوقت.بصح ف التالي تاع القرن تسعطاعش، ما سمحوش بل الستقرار تاع المبنى و المقيوم تاعو فات المفيوم تاع بنيان جديد. نكملو مع الحجز تاع المبنى، ولي المفتي تاع الجامع خبّر أدوك روفيڨو و ڨال لو الجامع تاعنا راح يبدل العبادة بصح ما راحش يكون المعلم تاع لإله لواحد بزاف آيات قرآنية مشبحة أصّالة تاع الصلاة و كانت محفوظة كي شغُل برهان على الريسالة تاعها و لي تلاقات معا الحاماس تاع العتيقاد و الطاعة تاع الإلاه. و الحال أنو فل ،1909 بانتْ فاراضيّة تاع العدو ولا نقدرو نڨولو مونافس على ٲساس ٲنو الكاتيدراليّة راح تكون بنيان جديد تبنى في بلاصت لبنيان القديم.

لمعاودة تاع الجامع من مور الستقلال

الكليزيّة تاع سان فيليب بقات تخدم لل كاتدراليّة تاع مدينة` دزاير حتى الستقلال فل 1962، وين عاود رجع جامع، الوزير الجازايري تاع لحابوس ورايس تاع الأساقفا ديكلاراو مع بعض خبر عام مشترك بيناتهم. أوّل صلاة جوموعة إحتفاليّة مشهورة كانت في 2 نوفمبر 1962، و هاد الصلاة، صلّاوها فوڨ قبور مخفية تاع ٲساقفة. ٲرغن لي ستقر فل 1929 و كان تحطّم ولا راح في هاديك الدقيقة ومنها جراس كبير صنعو بوردان إيني فل 1868 ولي تبرعو بيه بعد 1963 لل موصلى بروتان السبعة المقدسين وهاد المكان مشهور للحج اسلامي مسيحي في فرانسا و رجع ل دزاير و اتبلاصى فل بُرج تاع الجراس تاع الكليزية الخورانية لسوڨ لقديم وفي 18 ٲكتوبر 1974 و اللي درجوه ف موضع القصبة تاع دزاير، ولي سجلاتو ليونيسكو فل ليستة تاع الموروث العالامي في عام 2008، و الأعمال تاع الدعم داروها باش يحبسو الحالة لي وصلت ليها البراج تاع الواجهة. فل بداية تاع 2015، الخدمة تاع الترميم و تدعيم تكلفت بيها الواكالة التركية تاع المعاونة و تنظيم تيكا وهكا تعاود تفتّح ف التالي تاع 2016.

لوصف تاع جامع كتشاوة

جامع كتشاوة كان فل أصل كاتيدرالية ماسيحية، المخطط تاعو داي أشكل تاع مبنى روماني مستطيل ولي هو من جيهتو داي شكل ليسوعي مع ساحة كنيسة عريضة مغطية بغطى مقبب وفيها كولوارات فل جوانب ما عندهمش أهمية كبيرة،جناح لكنيسة خارج شوية يفوت على قُبة بيضاوية يغطي كُلش. لواجهة تاع لكنيسة لقوطية هي واجهة متْناسْقة فيها زوج براج تاع لجرس و لفكرة تاعهم جايبينها من مئذنة تاع لعصر لمملوكي في مصر ،وهاذو لبراج جايين فلجوانب وهُما متشابهين و متقابلين بلاما ننساو لوسط تاع لكنيسة فيه ساحة و كولوار بثلاث زنيقات و شي ليشفناه فهاذ لمخطط هو خليط بين لّمسة أشرقية و لّمسة أرومانية لبيزنطية وهاذ يعني أنو لختيار تاعهم لي خلاهم يخَرْجُو مخطط جديد يجْمَع بين لقوطية ليكونتْ لواجهة وشرق فديكور تاع لبراج تاع لأجراس وذاتْ تاعو رومانية بيزنطية وعكس شي لينڨال في بزاف كتوبا هو شْبَابْ. لكنيسة تبنات بطريقة لجامع لقديم وحمام حسان باشا،وليوم شي لأصلي ليبقى هو لأعمدة من أدخْلة تاع ساحة لجامع لقديم ولباقي صنعة فرنساوية ولتاريخها من1844ل1878.

لجامع فلمجال تاع لمدينة

كتشاوةتحدد فلقصبة تقليديا لمكان تاع لمقايضة ولقوة تاع لمدينة دزاير فلحق سيكتور ركز على بزاف قصور كيما دار حسان باشا ليجاي فلوسط تاع لجامع و لي ولا قصر شتا لقديم للحاكم لعام فلوقت تاع لستعمار ولقصر تاع ريس هاذا ثاني سيكتور تاع دار سلطان لخديم ولا قصر لجنينة لقصر لقديم تاع داي قبل 1817 ولي ولا تابع لدار لعزيزة روماني فلوقت تاع لستعمار لقصبة تملك كارطي فيه ستيل مورسك نموذجي مع زنيقات ملوية لي ڨلع ولا قطع تنظيم لمدينة لستعماري لداير بيها لكفاءة تجارية تاع لكارطي وزنيقات دايرين بجامع كتشاوة وهما لمقر تاع سوڨ لي فيه بزاف نواع تاع سلعة.