Wp/arq/جامع لكبير تاع دزاير

الجامع الكبير هوا جامع جاي ف مدينة` دزاير، بناه المرابط يوسف ٳبن تاشفين فل 1097، وتصنف كا صرح تاريخي .ألصالة تاع الصلاة بلا قبّة فل وسط ،و البيليّات لاصقة معا قواس كبيرة، المحراب مزوّق ب عمايد و رخام. و المأدانة جاي فوڨها كيشغل عمود ولا سارية فايتة فيها ثلاث بولات خارجة تاع زّواق. اللوان تاع برّة ما همش أصليين، نزادو فل 1836 لأعمدة تاع رخام فتالي تاعها مزوقة بنقوش ولا زخرفة نباتية وهاذ لجامع جا في بلاصت لجامع تاع أسيدة لي كان فوڨ بلاصة فيها شهداء لي ترماو فساس ولا لقاعدة تاعو فل 1830. وما عندوش بزاف ملي عاودو فتحو لقرمود لحمر تاع سطَح ولي كان مرولي ومبلع مليح،تبنى لجامع بلحجر ولبريك و لقرمود و لوح ولهيكل تاعو ثاني من لوح ،أزواق تاعو أدخلاني دايرينو من رّخام و لوح. لجامع لكبير جاي فطريڨ تاع لبحر وهو لجامع لقديم بزاف فدزاير. لجامع لكبير تاع دزاير ولجامع لكبير تاع تلمسان ولجامع لكبير تاع ندرومة هما لأ ضرحة وحدهم تاع مملكة لمرابطين لي لي بقات حتى وقتنا هاذا. بعد لمقاطعة تاع لعملية لأنتخابية ،لجامع كان هو سّياج تاع بزاف مواجهات بين لقوى لي تحكم و لإسلاميين،لإعلان فل20 جانفي 1992 قانون يمنع أتجمُعات فلبلايص تاع لعبادة لي يحرضو على لعنف ولفتنة فلجوامع في بزاف بلادات.فل 24 جانفي أدْخَل لجيش بقوة وتيرا على بزاف غاشي و طاحو بزاف موتى.

أتوثيق

على لمنبر

بسم الله الرحمن الرحيم٭أتم هاذ لمنبر في أول شهر تاع رجب من عام 490 لذي عمل محمد.

أصفيحة تع رّخام

فهاذ أصفيحة تاع رّخام لبيض مبلاصية فلحيط حد أدخّلة تع لمئذنة نْكْتب فيها :بسم الله الرحمن الرحيم وصلي الله على سيدنا محمد لما تمم أمير لمسلمين أبو تاشفين أيّده الله ونصره منار لجزاير في مدة أولها يوم لأحد أسابع عشر من ذي لقعدة من عام 722 وكان تمامها في غرة رجب عام 723 ناد لمنار لمذكور بلسان حاله لحال .أي منار حاله الحسن كحالي أقام أمير لمسلمين تفاحا كساني حسنا وتمم بنياني وقابلني بدر سماء وقال لي عليك سلامي أيها لقمر ثاني فلا منظر يسبي نفوس لمنظري ألا فنظروا حسني وبهجة تيجاني فزاد نصر الله فول لوائه رفيقا له نال و جيشا له ثاني.

الهنداسة المعمارية تاعو

هاذ لجامع لبلان تاعو دايرينو لعرب ،يرمز لفن لعمارة أدينية تاع لمرابطين وهو لجامع لكبير كامل ولقديم كامل فدزاير،لمبنى تاعو مستطيل وبزاف عريض وعميق و مغطي في زوج جوايه بلقرمود كيما ڨاع لجوامع تاع لمرابطين وكاين كولوار مبني بلأعمدة لاصقة فساحة وهاذ لكولوار فيه ثلاث دخلات جايين فلحيط من لجيهة ليسرا،أساحة جاية بطول و دايرين بيها بزاف كولوارات بلأعمدة ولي باين كيشغل مستطيل و بزيادة فيه دخّلة فلجنب و مقسمة لحداعش جناح جايين متعامدين مع لحيط لقبلي .لأقواس توازي لمحراب و تتناوب مع لقواس باش تقاوم تكسار وهي متعامدة معها و راكّزة على بيليات مستطيلة و شكل تاعها صليبي . حد لأقواس لمكسرة ليتصيبوها فضريح دخلاني للمرابطين دارو بلاصة عريضة وأديكور تاعها عندو شكل جديد تاع لقواس ،وطورو هاذ لقواس لمدورة فلمغرب ،لي لأندلوسين خدمو بيها فلجامع لكبير٭ كوردو٭ ونوعوها ستخدمو أقواس بخمسة و تسعة وحداعش تاع لفوصوص ،ودخّلو فلمباني تاعهم أدينية تدّرج تاع لقواس ليتقطع بتتابع تاعهم ،لمتانة تاع لبيليات ولأناقة تاع لقواس ليجاوزت لحد تاع تكسار أعطات للجامع لكبير لبساطة وتناسق. سقيفة لوسطانية بزاف عريضة و هي شابّة بهاذ لقواس لي فيها هذاك تقطاع تاع لفصوص لي يعطي أشكل تاع ظفيرة لي توصّل للمحراب ولي تعاود تجّدد يلصق بزوج أعمدة صغيرة حلزونية طالعة مع لقوس لقوطي لمزوَق بلجصّ وليسموه عجينة لمرمر وهاذ أزواق يجي خارج،وباش يحولو لمحراب دارولو رّودْ وثاني باش يستحفظو على أصّالة تاع صلاة لمحراب تاع لجامع راه محفوظ ضروك فلمتحف لوطني للفن لإسلامي وهو لقديم كامل فدزاير . فزاوية ليسرا مزال كاين باب لجنينة مع بزاف شنابر مخصصة باش تخدم لإمام ولمئذنة لوضعية تاعها فلمبنى كاينة عند أزيانين ولمساحة تاعها كوانات مستطيلة وأقواس مفصصة و رخام زرق وبيض من وقت أترميم تاع لفترة لإستعمارية.

مقالات مرتبطة

لجامع لكبير تاع ندرومة. لجامع لكبير تاع تلمسان. لمرابطين. زيانين.