Wp/arq/تاريخ الدراپو نتاع دزاير

الدراپو نتاع دزاير

لعلام نتاع دزاير ( بالعربية علم الجزائر و بالقبايلية اناي ادزايري) فيه زوج بوندات جايين كيف كيف فالطول و فالعرض جيهة خضرة و جيهة بيضا فالهوا ، و فيه فالوسط هلال حمر داير على نجمة فيها خمس جوايه ، الي ترمز للاسلام . شحال من اصدارات حابين يبدلو لعلام تاع درك و يرجعوه كمالة 1920 ولا وسط عام 1930؛ فات على شحال من فورم فالحركة الوطنية الجزايرية قبل ما يولي على هاد الشكل . رجع ادرابو الرسمي نتاع جبهة اتحرير الوطني ( لافالان ) و نتاع الحكومة المؤقتة للجمهورية الجزايرية ( جيبيارا ) وقت الحرب 6فالدزاير مبعد نتاع الدولة لجزايرية لمستقلة عام 1962. ميزاتو لمعينا في ليموتيف و نسب نتاعو عتارف بيهم لقانون 63-145 في 25 افريل 1963.

سامبوليزم

لخدمه لمفصله نتاع لعلام لجازايري

لعلام يمثل القيمة تاع التراث الثقافي تاع دزاير ، كاين بزاف تفسيرات للعناصر تاوعو ، مالك شبال قال بلي لخضر يمثل الاسلام و لبيض يمثل الصفاء . بيار لوكس وارم قال بلي لخضر و لبيض يمثلو الرايات اللوالة تاع الاسلام في عصرالنبي محمد عليه الصلاة و السلام. الهلال و نجمة يرمزو للضو ادايم و دوري . خالد مرزوق قال بلي لجيهة لخضرة تمثل لخضار ( لرض و لفلاحة) .لبيض يمثل سلام . لهلال لحمر و نجمة لحمرة هوما رموز تاع لمسلمين . انجمة سيرتو تمثل لاركان لخمس تاع لاسلام . بنجامان ستورا يقول فلاصل لي كولار ثلاثة تاع ادرابو يمثلو ثلث بلدان تاع لمغرب و اتحاد شمال افريقيا.

لمعنى لي شايع بزاف هو انو لعلام يلخص لمعايير تاع المبراطورية العثمانيةو الإمارات تاع الجزاير ؛ و هو جاي ملعلام تاع الأندلس .يمثل عصر التقدم فالمغرب .

لوصف نتاع لعلام

دستور نتاع دزاير يعرف لعلام نتاع دزاير بهاد الطريقة : "لعلام و النشيد الوطني نتاع دزاير هو رمز لفوتوحات نتاع ثورة اول نوفمبر 1954.ويعتبر حاجة مقدسة مكانش لي لازم يتوشيهم و لا يبدل فيهم ،لانها ترمز للثورة لجبارة نتاع اول نوفمبر ولانهم رموز اسيادة لوطنية للجمهورية لجزايرية ولعلام نتاع دزاير فيه ثلث الوان لخضر و لبيض و لحمر ". لون لخضر لازم يكون تركيبة كيف كيف نتاع تخلاط نتاع الوان بين لصفر ولزرق على حساب لخريطة نتاع الرود على طول لموجة نتاع 5,411 و 600 على لموقف نتاع اطيف لعادي. لازم يكون لون لحمر نقي ما فيه حتى خلط نتاع الوان وحدوخرا لازم يكون لون اولي صافي من اللون لزرق و لصفر كيما بينا فالرسم لي لفوق ولازم يكون على طول لموجة 6,562 و موقع نتاع 285في اطيف لعادي . طول لمستطيل نتاع لعلام لازم يكون يساوب مرة و نصف لعرض نتاع لارتفاع نتاع لعلام . لمستطيل نتاع لعلام لازم يكون مقسوم على زوج نصاص كيف كيف ،النص لي فيه الون لخضر لازم يكون من لجيهة ادخلانية نتاع الرمح والنص لي فيه الون لبيض لازم يكون فلجيهة لي من برا نتاع ارمح. نجمة نتاع خمسة ريوس لازم تكون مپلاصية في دويرة نصف لقطر نتاعها لازم يكون يساوي ثمن لارتفاع نتاع لعلام ،وتكون مپلاصية كامل فلخلفية لبيضة نتاع لعلام ،زوج نقاط من انجمة لازم يكونو مايلين فلجيهة نتاع لقوس وزوج نقاط مايلين فلجيهة لي مقابلتها و نقطة لخامسة تكون لفوق . لازم نصف لقطر نتاع ادويرة لي جاي برا من لهلال يكون يساوي لربع نتاع لارتفاع نتاع لعلام ، ونصف لقطر نتاع ادويرة لي من داخل لازم يكون يساوي لخمس نتاع لارتفاع نتاع لعلام ، كاين زوج نقاط فلهلال لي لازم تبعهم باش ترسم لقوس لكبير ,لازم يكون قد لعبر نتاع خمس ستات محيط نتاع ادويرة لي من برا ويكون فلاكس نتاع ادويرة لي ترمي لبرا من وسط لمستطيل .

لپروتوكول

ليوم لعلام نتاع دزاير تلقاه في كامل لمؤسسات نتاع ادولة ونتاع لعسكر حتى في اديار و لباطيمات نتاع اشعب ، وتلقاه يرفرف فان في كامل لمقاعد نتاع لمنظمات لاقليمية ولعالمية ، وزيد بزيادة على هذا في كامل لمباني لي فيها مكاتب جزايرية في كامل لعالم . لعلام نتاع دزاير ديما حاضر فلاحتفالات ارسمية ،في لاعياد لوطنية ،في حفلات تكريم شخصيات لوطنية و مختلف لعابين في مختلف رياضات ، وتلقاه حاضر في تظاهرات نتاع لبالو في اوروپا و لعالم كامل . في دزاير الدولة لجزايرية بيها بشعبها كاين نهارات فلعام وين يكون لازم و اجباري على كل عايلة جزايرية انها تخرج لعلام نتاع دزاير من فوق سكانيها و من بالكوات نتاع باطيمات نتاوعها ومن كامل مبانيها ليوم لاول هو اول نوفمبر من كل عام لي هو عيد ميلاد اندلاع ثورة اول نوفمبر لي كاتت نهار لثنين من عام 1954. وليوم زاوج هو يوم 5 جويلية من كل عام لي هو عيد لاستقلال لي كان نهار لخميس 5 جويلية 1962 بزيادة على هذا كاين قانون في دستور نتاع دزاير لقانون لعوقوبات يقول بلي اي واحد يقطع لعلام ولا يوسخو يحكم عليه بلحبس من خمس سنين حتى لعشر سنين و هذا لقانون جاي فالمادة 160 من قانون لعقوبات.

لانحرافات

لألوان تاع لعلام و رموز تاوعو جايين فان في رموز لوخرين تاع دزاير كيما سلاح فيه لهلال و نجمة تاع لعلام . بزيادة على هذا لجيش لجزايري يستخدم ارموز لوطنية للرايات تاوعو كيما تاع لبحرية و لماتريال ميليتار.و فان لأ كثرية تاع لحزاب اسياسية يديرو لعلام ولا لأ لوان تاوعو، و سيرتو جبهة التحرير الوطني اديمقراطي ( اراندي ) لي هي لحزاب لي تحكم . و كاين بزاف مدن فان دايين هدو ارموز تاع اعلام.اطوابع لبريدية هي فان فيها. بصفة عامة ، لعلام يرمز للنضال تاع لجزايريين على بلادهم، و يبقى ديما رمز محترم ( لحرية لي وجدوها ) في عيون اشعب لجزايري.

لمغرب لوسط

تقرير نتاع تاريخ لعلامات نتاع دزاير يمدلكم بديطاي لمجموعة نتاع لعلامات نتاع كامل لكيانات سياسية لي حكمت دزاير .

فلعصور لوسطى، دزاير كان عندها بزاف رايات تاع اسلالات لبربرية ( ازيانيةو لحفصية و بزاف سلالات ) لي كانو يحكمو في هداك لوقت .بلفضل تاع شحال من ممصدر ، نقدرو نفرقو ضربة وحدة بين بعض اثوابت كيما لهلال و لأ لوان لحمر، لبيض و لخضر .

وصاية نتاع آلجي

لبورتولون نتاع النهضة لي لازم يربط لعلامات نتاع لبحرية باش تمثل وصاية آلجي تبدلو فيه لي مودال بزاف كانت فيه خطوط جاية واقفة وقاوية وجاية في بزاف الوان ،فلحقيقة لعلام هذا في لوروپ كان يمثل لقراصنة لبربر وكانت لجزاير لعاصمة عندها جيهة كبيرة من لبحر لبيض لمتوسط وكانت دايرة شراكات مع لقراصنة منها طايفة نتاع الريس بلعربية طائفة الرؤساء ،كانت تدي كلش تلقاه وتعتابرو كيما الجهاد كونتر لي باتو نتاع المسيحيين والنص لكبير من لغنايم هذيك كان يروح للخزينة نتاع دزاير. كانت حرب معايير بعلماوات مختالفة كيما لعلام نتاع لبحرية لي يجي باين من بعيد على هذاك كانو في بزاف وقات يهبطوها. لالبوم نتاع جون بونموت 1705 كان فيه تقرير يقول بلي لعلام نتاع الداي كانو يخدمو بيه بزاف في لي باتو وكان كيما لاشارة في وسط لبحر صعيب باش تلقاها وكانو فان يخدمو بيه فلارض باه يبينو بلي راهم في احتفالات .و من بعد الراية نتاع الداي داتها فرنسا 1830 في لجزاير لعاصمة و داوها كيما كادو لفرانسا و جابها لوتونو ايبي كادو ل فيكتور هوڨو و مازالت الراية هاذيك لحد الان معروضة في متحف فيكتور هوڨو