بينيلوكس ( بالهُلندية بينيلوكس المتحدة بلفرانساوية اتحاد البينيلوكس ) اختصار سماوات تاع ثلث بلادات في لوغتهم الأصلية : لابالجيك، لاهولند، ولوكسمبورڨ هو اتحاد، فلأصل الاقتصادي، بين بلجييكا، هولاندا، و لوكسمبورڨ. هاذو الثلث مملكات دستورية المتجاورة الكاينة في أوروبا الشرقية بين فرنسا ولالمان. تاحدو فتالي تاع الحرب العالمية الزاوجة باش يديرو كيان اقتصادي في وجه البلادات اللي مجاورينهم و اللي كبار. لسم تاع بينيلوكس يستعملوه ليوم بطريقة عامة باش يقصدو المجموع تاع هاذو الثلث بلادات صوا جغرافيًا، ثقافيًا، سينيمائيًا ... الكتبة تاعو مرات تكون غالطة بلفرانساوية يكتبوها بل اكسون فوق ل e بصح الاملاء و النصوص الرسمية مايكتبوهاش بل اكسون. الميساحة تاع البينيلوكس هي ربعاوسبعين ألف وستمياوخمسين ماتر كاري و ثمنياوعشرين مليون ساكن. من جيهت الجغرافيا؛ البينيلوكس تقريبا يطابق المملكةالهولندية المتحدة كيما كانت تكزيزتي بين 1815 (مؤتمر فيينا) و 1839 (لستيقلال تاع لابالجيك).