Wp/arq/شاب مامي

شاب مامي محمّد خليفاتي و لشاب مامي، موغنـّي تع الـراي مَشهور فدزاير و فلعالَم، زايَد ل 11 جويّه 1966، ف حومة كرابا الـواد، غرب مدينة سعيدة.

عيشتـهُ

بان للـخطره للولة عام 1982، ف موسابقه، ب تمتالهُ تع غـُنيه معروفه، الـمرسَم. بين 82 و 86 سجّل قريب عَشر كاسيطات، ب مابين 100.000 ل 500.000 بيعه.

عام 85 شارَك ف فيستيفال تاع راي ف بوبيني مع خالَد، فاضيله و صحراوي. عام 91 سجّل ف لوس أنجلس الالبوم "Let Me Raï"، بصّح ما نجحش فيه علاجال حرب لـخليج، لي كانت صاريه ف ذاك الـقيس، و لازم عليه يـستنىّ حتا ل 94 باش يـنشهر ب غنيتهُ، سعيده.

قاضيتهُ مع شرَع

ف نوفمبْر 2005 جاتو شكوه من عَند فرانساويّه كان يـخرُج معاها، تخدم صوّاره تع صحافه فل وساط تع الـراي. تهماتهُ بلي حَب يطيّح لها طفل لي جابهُ معاها، بل خشونيّه (ضرب،...) مور ما رفضت تـطيّحهُ فل سبيطار. فل 3 جويّه 2009، حكمت عليه دار شرَع تع بوبيني ب 5 سنين حَبس بلا خروج ، علجال لـخطيّه لي داَرها.