Wp/arq/أم كلثوم

'أم كلثوم' ولاّ أم كلسوم و اسمها الكامل ام كلثوم ابراهيم السيد البلطاجي هي مغنية وفنانة مصرية زادت في شرم الشيخ (مصر) نهار 30 ديسمبر 1898 وماتت نهار 3فيفري 1975 فالقاهرة. يعيطولها «كوكب الشرق» وبعد ما ماتت ب40سنة زادو الناس عرفوها كثر ولات من بين اهم الفنانات فالعالم العربي ومن كثرة ما شاركت في بزاف اعمال خيرية و عاونت بزاف ناس حتى سماوها مطربة الشعب.

أم كلثوم
لقبها = كوكب شّرق
اسمها تاع صّح = فاطيمة ابراهيم سّيد لّبلطڤي
ولادتّها = 30 ديسمبر 1898 طماي زهايّره (مصر)
موتها = 3 فيڥريّي 1975 (76 سنه) فلّ قاهره في (مصر)
خدمتها = موغنّيه ، موسيقيا و مومثله
حياتها = 1898-1975

حياتها الشخصية

زادت فاطمة في عائلة سامبل في دوار يسموه طماي الزهايرة في بلاصة السنيلاوين محافظة الدقهلية الخديوية المصرية بويها الشيخ ابراهيم امام و مؤذن في جامع في دوار تاعهوم مها فاطمة المليحي قاعدة في الدار دابزت مصادر تاريخ ازديادها الدقيق كاين لي قال زادت في 30ديسمبر 1898 او كاين لي قال في 4 ماي 1908 او هذا واش كاين في سجل مواليد المحافظة عاشت العائلة في دار صغيرة من طوب او كانت الخلصة قليلة كان بويهوم يجيب الدراهم من خدمة في اعراس كانت حالتهم صعيبة بزاف بصح هذا ما منعهومش باش يقرو بنتهوم او علموها الغناء ظهرت الموهبة تاعها او علموها تجود قرآن او قالو بلي حفظاتو من قلبها او سمعت بلي بويها علم خوها غناء كان يديه معاه للاعراس كي سمع بويها واش تعلمت من عندو نخلع او قلها ارواحي تغني معانا بدات تغني كي كان في عمرها 12 او كان بويها يديها معاه باش تغني معاهوم كانت تغني او هي لابسة كسوة تاع ذراري كي سمع بيها قاضي قالو عندك كنز لازم تحافظ عليه, بدات ناس تهدر على ام كلثوم او كانت خدمتها هي خلصة وخدوخرة في دار بصح رجعت هي لي جيب خلصة مليحة لدارهوم عرف بويها كي رجع وليدو شيخ او هو بذاتو في بطانة بنتو, خطرة كانت راكبة في مشينة تغني حتى سمعها ابو علا او هي ماكانش علابالها بلي هو كان في عامة ... فما عرف باباها الشيوخة زكريا احمد و بو العلا محمد جاو للسنبلاوين باش يحيو ليام نتاع رمضان ،وبزاف يسيفو عليه حتى قنعو باباها باش يروح للقاهرة عام 1922م ،كانت هاذيك هي الخطوة الولى في مشوارها الفني ، حيات حفل في الاسراء و المعراج في القصر نتاع عز الدين يكن باشا و عطاتها مولات القصر خاتم نتاع ذهب و دات أم كلتوم 3 جنيهات حق تعبها .

الحياة الفنية

رجعت للقاهرة باش تستقر في 1921 وكانت تغني في مسرح البوسفور في ميدان رمسيس بلا فرقة موسيقية وغنت على مسرح حديقة الازيكة واشتهرت بقصيدة وحقك نتا المنى والطلب وهذي اول اسطوانة ليها خرجت في نص العشرينات وتباع منها 18 اسطوانة وتعلمت ام كلثوم من امين المهدي الاصول تاع الموسيقى و ثان تعلمت عزف العود على يد امين المهدي ومحمود الرحمي ومحمد القصبحي .وفي 1923 غنت في حفلات كبار،وغنت في حفل جاوليه مطربات كبار وعلى راسهم منيرة المهدية ولي كانت تلقب بسلطانة الطرب ،وتلاقات في نفس العام بالموسيقى مخمد عبد الوهاب للمرة الاولى مرة بحفلة دارها في بيت جدو بكر خيرت في عام 1924 تعرفت على احمد رامي بسبة ابو العلا في وحدة مالحفلات لي غنت ام كلثوم فيها الصب تكشفه عينيه كان احمد رامي حاضر بعد ما رجع من اوروبا ،فحسب روحو لقى الهدف تاعو .بصح البداية تاع الصح كانت كي سمعها مخمد القصبحي في العام نفسو ،تعرفت ام كلثوم على طبيب الاسنان يبغي الموسيقى وهو احمد صبري النجريدي الاول لي لحن لام كلثوم اللحن الخاص ليها،والالحان تاعو فيها الزخارف الموسيقية بشكل مبالغ لي خلا ام كلثوم تكمل معاه بكري اول فرقة موسيقية في ذاك العام بدات مع محمد القصبحي في اعداد ام كلثوم في الفن صنع لها فرقة تاعها الخاصة و اول تخت موسيقي يكون في بلاصة لبطانة تاع المعممين لي كانت معاها،كي بدات روز اليوسف والمسرح هجوما صاعقا على بطانتها.هدا لي خلا باباها يسمح في الدور تاعو كمنشد و يخرج هو والشيخ خال. موراها بعام تقريبا نحات ام كلثوم العباءة وبانت في زي تاع المصريات هدا مور وفاة الشيخ ابو العلا لي خلا تاثير روحي وكان مرشد تاعها في عالم الطرب كان معروف في اوائل القرن 20 باش يقدمو قصائد بعينها بصرف النظر على تفرد واحد منهم بيها،وكانت المباراة بينهم تبان في كيفاش يادوا نفس القصيدة .وهكا غنات ام كلثوم قصيدة (اراك عصى الدمع)مرة من الحان السنباطي،ووحدوخرا من الحان عبده الحامولي عام 1926 في عام 1928 تغني مونولوج (ان كنت اسامح وانسى الاسية) باش تحقق الاسطوانة اعلى المبيعات وقتها ويبان اسم ام كلثوم بقوة في نفس العام لي لحنت فيه ام كلثوم غنية (على عيني الهجر ) بنفسها لنفسها ...! وفي 31ماي 1934 مور فتح الاذاعة المصرية كانت ام كلثوم لولا لي غنات فيها

التعاون مع السنباطي

في عام 1935الفت ام كلثوم من الحان ملحن شاب رياض السباطي او فسر السباطي لحن ام كلثوم ما يقارب 40عاما او كان قريب يكون هو ملحن تاعها وحيد في خمسينات موراها بعام لحنت اغنية (يا ريتني كنت النسيم )و كانت اخر تجربة وتجربة لولى اغنية (على عيني الهجر )عام 1928 في عام 1934 دارت اول نقابة للموسيقى و قعدت في هذا منصب 10سنين ,في عام 1946كتبت 3 قصائد من الحان السنباطي و كلمات احمد شوقي غنت (سلوى قلبي )لي دات بعد سياسي اللي تقول : و ما نيل المطالب بالتمني و لكن تؤخد الدنيا غلابا . كان ذلك بعد ما كملت الحرب العالمية الثانية و تجي الامبراطورية بريطانية تعطي استقلال تام لمصر و الفت قصيدة (ولد الهدى)و يجي طلب من القيصر بتغيير كلمة الاشتراكيون لي تقول "الإشتراكيوننتا امامهم لولا دعاوي القوم و الغلواء " كان هذا في عصر ظهور التيار اليساري اللي كان ما يتوافقش مع اتجاهات قصر و لا رغبات الملك الا انهم قالو ملزمش يغيرو كلمة. اروع ما لحنت في المديح النبوي نهج الردة في سنة 1966 الفت من الحان رياض السنباطي قصيدة الاطلال من كلمات الشاعر ابراهيم التاجي و كان غناء تاع هذي غنية مورا عام من غنية تاع انت عمري من الحان محمد عبد الوهاب و كان ردة فعل السنباطي على خدمة تاع عبد الوهاب انت عمري الذي حقق نجاحا كبيراً و اثبت السنباطي قدرة تاعو على تلحين القصائد التي تكتب بالفصى وحقق نجاح بزاف.

ثورة يوليو

ثورة كاملة كانت في مصر او تعاملت بعدوانية مع كل واحد كان ضد الملك السابق, فقد تم منع اذاعة اغاني ام كلثوم من اذاعة نهائيا و طردوها من منصب لي كانت فيه باعتبارها مطربة العهد... هذا ما كانش قرار تاع مجلس قيادة الثورة بصح قرار فردي دارو ضابط مشرق على اذاعة. بالرغم من ان ام كلثوم غنات للجيش المحاصر في الفالوج اثناء حرب فلسطين غنية تاع (...)ذاك جيش لي كان فيه عبد الناصر و انور السادات, الا انهم اعتبروها ضد الثورة لقيباش عطاوها قلادة تاع صاحبة العصمة و غنات للملك اكثر من مرة عام 1932 في حضور الملك فؤاد اغنية (..)وصل الوضوع الى جمال عبد الناصر شخصيا, الذي الغى هذا القرار او قالو بلي وصلو هدرة هو :مصطفى امين في سبتمبر 1952 و على اثر مداوزة عل منصب تاع نقيب تم الغاء انتخابات النقابة و تم تعيين محمد عبد الوهاب نقيبا على الموسيقيين او على هذا جات مساعدة تاع بعض ضباط احرار لعبد الوهاب يقول لام كلثوم قرار اعتزالها الصاغ احمد شفيق ابو عوف. اللي داوه الى مجلس القيادة الثورة راح ليها عبد الناصر و عبد الكريم عامر و صلاح سالم باه يقولولها بدلي رايك او اثر فيها هذا شي بزاف و اكتشفت بزاف صوالح او عجبتها, عبد الناصر او موقف تاعو ظهر هذا شي في غنيتها لي تقول (....)عرفو ممبعد بلي غلطو في حق ام كلثوم و الثابت ان ثورة عطاتها دافع معنوي قوي او كانت رئيسة تاع لجنة لي ختارت السلام وجهة جديدة ليها. وافقت ام كلثوم على نشيد وطني لي دارو عبد الوهاب بصح الدكتور حسين فوزي قال بلي نشيد منقول من اسطوانة موسيقار التشكي... بعد ما زاد فيه شوية. في 19سبتمبر1952 دارو لجنة الموسيقى العليا اللي كان اعضاء تاعها السنباطي او عبد الوهاب و في عام 1953 داروه عضو في جمعية مارك نيوتن العلمية نفس الجمعية لي كان فيها داويت ايزنهاور وونستون تشرشل و تيودورروزفلت و غير العام هو 8 جوان مات خوها خالد الي نورمالمو يكون صييت العايلة .

مرض

في 1954م نقصت أم كلثوم بروڤرام نتاع الحفلات تاع الموسيقا والسبب كان مشاكل في صحتها كانت تاعني منها ، و النواضر الكحل اللي كانت ديرهم كامل لوقات بسبب مرض الغدة الدرقية اللي وصلها الى جحوض عينيها وكان السبة باش حبست التمثيل ب 6افلام برك .

زواجها

فـ 1954 تزوجت أم كلتوم بـ د.حسن السي الحفناوي و بقاو مع بعض حتى ماتت .

قليل وين تصرى

فـ 29 اكتوبر 1956 غنات ام كلتوم نشيد صلاح جاهين " (والله زمان يا سلاحي ) الي كان نشيد نتاع قومي .جابولها كمال الطويل وحد الليلة جاتها في راسها و حفظت النشيد على ضو الشمعة .. و كي حبت تسجلوا في الاذاعة في شارع الالشريفين كامل الموسيقيين عارضولها خافو من اسرائيل اذا تضرب محطة الإذاعة وكامل هذا الشي قررت باش تسجل النشيد . مسلسل رابع العدوية : فـ ذيك الفترة نتاع الخمسينات غنات (مصر التي في خاطري) و (أنشودة الجلاء )و(هسيبك للزمن ) و شاركت في مسلسل في اذاعة لي هو رابع العدوية كانت تغني في المسلسل كيما :(غنية ( على عيني بكت عيني )،(لغيرك ما مددت يدا) (يا صحبة الراح) ،(حانة الاقدار )،(الرضا و النور)،عرفت الهوى منذ عرفت هواك).. هاذو هوما الغنيات الي داروهم في الفيلم (رابع العدوية ) كانت فيه البطلة و عاودو الفيلم و كانت البطلة نبيلة عبيد وعلى حساب ما قالت مجلة نيوز ويك عام 1956 : صوت ام كلتوم هو الصوت المخير اللي ما تبانش مولاتو في الشرق الأوسط زيد بالزيادة المجلة وصفتها ملكة بلاد العرب الستينات : فـ الستينات كانت عايشة ام كلتوم في وحد بيريودة زاهية بزاف ، في الصح الخمسينات تاني كانت مليحة صوف غير الكلب تاعها عض وحد الراجل و من بعد خرجتها الحكومة براءة و من بعد كتب شاعر العامية حمد فؤاد نجم قصيدة نتاع (كلب الست) . ما فاتتش هاذي الضربة بلا بلبلة و عارضو الشويخة نتاع الجامعة نتاع الحقوق على قرار الحكومة و داروه كيشغول تدلاق لام كلتوم وقالو بلي هاذي القضية نوصلوها لجورنان نتاه الاهرامات الولى . أم كلتوم و بليغ حمدي : كملت ام كلتوم عام 1959 بغنيتها الرقيقة هجرتك لكتبهالها احمد رامي و لحنها العبقري رياض السنباطي و فتحت مع عام الستين بغنيتها المشهورة انت فين و الحب فين و لهذي الغنية قصة معروفة و الي هي في وحد اللقاءات بينها وبين محمد فوزي الي عندو شركة مصر فون قبل ميأمومها ، عرض عليها باش تسمع تلحين لملحن شاب يعجبو بزافة، و كان هذاك الشاب هو بليغ حمدي ، وكانت نيتو باشةكتسمع الغنية بزاف رايحة تقلو اعطيلي نغنيها وهدي الغنية كانت رايحة تغنيها وحد المطربة ، و من هذا التاريخ بدا بليغ حمدي يلحنلها في كل عام غنية وحدة .كملت عام 1961 بغنية هو صحيح الهوى غلاب ، يموت بيرم صاحب الغنية قبل الحفلة الي تغني فيها هذي القصيدة و يموت بعد شهر واحد زكريا احمد الي لحن اغنية و صديق بيرم الوفي وفي 14 فيفري بعدما كملت مشاكلو مع ام كلتوم بطريقة ودية . و ملمؤكد في الستينات كانت بداية التحول في حياة ام كلتوم رغم ان في هذي الفترة غنات اشهر اغانيها ، في حين كاين الي قال انها الفترة الوحيدة الي مغناتش فيها بزاف غير اغاني قليلة بصح لازم نكونو عادلين في هذي الفترة و حتى الفترة الي فاتت كان لها صدى حتى لقبوها بأيقونة مقدسة في حياة كل مصري ، حتى كتب جودون جسكيل في مجلة لايف : راهو صاري تغيير في حياة ناس المشرق بمختلف المستويات و الاعمار و حتى العقائد مرة فكل شهر و دايما على العشرة تاع الليل مانصيبو حتى واحد برا ، ولا فالقهوة تاع دار البيضاء حتى طابلات تاع القهوة ومنسيبوهمش و حتى فبغداد المرفهين يخلو التجارة تاعهم و حتى المثقفين يسمحو فالكتوبة تاعهم و هذا الشي كامل على جال باش يسمعو إذاعة تاع القاهرة باش يسمعو ام كلتوم. وفي عام 1969 ادا وسام الاستحقاق فالرتبة الاولى ، فتح التلفزيون كيما فتحت الاذاعة و حتى قبل 26 عام ، وفي عام 1962 غنات اغنية انساك الي لحنها زكريا احمد قبل باه يموت امبعد زاد كمل اللحن بليغ حمدي فكتبها مأمون الشناوي ، واالصح انو مامون الشناوي سيا با يتعاون معاها شعال من مرة كان اولها اغنية الربيع الي راحت لفريد الاطرش و كان المشكل بينهم يشد مامون الشناوي بكلمات و يشد ام كلتوم باه تبدل الكلمات و هدي المرة مامون قبل بطلب ام كلتوم و اعلن فوزها. مورا الفاجعة : سمعت ام كلتوم خبر الفاجعة مصر في جوان و خصارة العصكر المصري بزعاف و الحزن هي كيما ڤاع المصاروة في ذاك الوقت غصبت و كانت مع الوالا اللي دارو بزاف ملحفلات في مصر و برا باش تمد دراهمها لناس الي شاركت في الحرب و غنات غنيتها المشهورة ( صبحت عندي موكحلة) و غنات تاني (حبيب الشعر) لعبد الناصر كي رجع مرة وحدوخرا . الغناء فيفرنسا: في ليلتي الإثنين 13 و لاربعا 15 نوفمبر 1967 غنات ام كلتوم فوق المسرح الاولمبيا المسرح المخير في هذاك الوقت و كانو هاذوك هوما زوج حفلات الي دارتهم برا لبلاد تاع العرب و حدة من هاذوك الحفلات كانت فوق المسرح الاولومبيا بقات كيما الكاشي في ريصان الي جاو حضرو على شعال من عام كيما ڤال جان ميشال بوريس هو مدير من مدرا الاولمبيا في ذاك الوقت بلي 3 مغنيين بقاو سماواتهم محفورين هنا في الاولمبيا :ام كلتوم ،أديت بياف ، جاك برال . موتة عبد ناصر : كملت بيريودة تاع الستينات بموتة جمال عبد الناصر فـ 28 سبتومبر 1970 و كانت هذاك الوقت تغني في وحد الحفلات في الروس كي رجعت لمصر غنات (رسالة الزعيم) ألفها نزار قباني و لحنها رياض السنباطي فـ1970 ترثيه مورا كي مات .

سيرتها

الشباب تاعها

ام كلثوم زادت 30ديسمبر 1808 في شرم الشيخ في مصر تربات في عايلة زوالية عندها 2خاوتها وهي البنت الثالثة ختها الكبيرة فايتتها ب10سنين وخوها خالد بعام.امها سموها فاطمة الملجي ما تخدمش و باباها الشيخ ابراهيم السيد البلطاجي كان امام باه يعاون روحو ويعيش ولادو كان يغني الاناشيد الديتية فلعراس فلفيلاج الصغير ليكان عايش فيه. ام كلثوم عاشت مع العايلة تاعها فوحد الدوار صغير سموه السينبيلاوية جاي حذا النيل.

بدات تغني ودات هاذي الموهبة من باباها كي كان ينشد ڨدامها وكانت تحفظ الغنا وتعاودو كيشاف باباها بلي عندها موهبة وسمع صوتها عجبو وطلب منها تزيد تقرا على الفن وتتعلم الغنا كانت صغيرة بزاف كي بدات الموهبة تاعها تبان، باباها قصلها شعرها كيما الذكورة باه يدخلها تغني فلمناسبات كيما المولد حتى كتشفها الفنان الشيخ ابو العلا محمد ووحداخر يلعب البالون سموه زكري°ا احمد .هاذو زوج طلبو منها تروح معاهم للقاهرة كي ولا في عمرها 6سنين قبلت تروح ومن فما بدات حياة جديدة

النجاح تاعها

أم كلثوم 1965

زوج اجتماعات بدلولها حياتها الاول كان معا احمد رامي شاعر كبير عطاها 137غنية وورالها الادب تاع القور واللقاء الزاوج كان معا محمد قسبجي لي فتحلها قصر المسرح العربي و هاذا الشئ زادها نجاحات كبيرة اولها (خيانة الحب في عينيه) عام 1932 هاذا المسرح منوع لي يبدا الجولة تاعو من الشرق دمشق, بغداد, بيروت, طرابلس و تونس.

الموت تاعها و جنازتها

من عام 1967 بدات ام كلثوم تعاني من الكلاوي وفي جانفي 1973 دارت الحفلة التالية تاعها في قصر النيل. التعيارات لي دارتهم في لندن ماجابوش نتيجة كيكان راجلها يتبعها فالماريكان استفادت شويا من الدوا و الطبا تاع لهيه. مبعد دخلت مصر قبضتها كريز و دخلت السبيطار. ماتت ام كلثوم نهار 3 فيفري 1975 عند الفجر. الجنازة تاعها داروهالها فالجامع تاع عمر مكرم فالقاهرة هاذا الجامع معروف بكثرة المسلمين لي فيه.

الصوت تاعها و كي دير تغني

هي معروفة بزاف بصوتها القوي وغناها على الدين, الحب والدولة المصرية عندها بزاف اعمال صعيب باه نحسبو شحال و وين غنات. ام كلثوم تعلمت تغني من صغرها كيما كانت تحفظ القران و هاذا الشي سمحلها باه تحسن صوتها.

دراهمها ورزقها

شارل ديغول سماها السيدة وماريا لاس سماتها الصوت لي ماكانش كاين كيفو ,في مصر فاشرق الاوسط ام كلثوم ولات اكبر فنانة وموسيقية وحتى يومنا هاذا ;كانت تلعب دور قريب خيالي مابين الشباب تاع مصر وهي معروفة فاني في اسرائيل . وبزاف في فلسطين بين اليهود و العرب ,و الكسيطات تاوعها كانو يتباعو قريب مليون كاسيطة فلعام.

في2001الحكومة المصرية فتحت متحف سماتو كوكب الشرق فذكرى تاع ام كلثوم,هاذاك المتحف كان فيه قيمة فنية وشخصية كبيرة بزاف لام كلثوم كيما نواظرها تاع الشمس و خيمارها وفاني تصاويرها و تسجيلات الصوت و بزاف صوالح واحداخرين جابوهم من الارشيف.

شوية من خدمتها

• يا الكروان 1926

• تفكرني 1939

• الكل فالحب 1941

• زعفت وكان 1949

• دليلي 1955

• حب ايه ايه 1960

• ننساك يا سلام 1961

• حيرت قلبي معاك 1961

• ليل الزمان 1962

• طوف و شوف 1963

• سيرة الحب 1964

• للصبر حدود 1964

• بعيدة عليك 1965

• امل حياتي 1965

• فكروني 1966

• حديث الروح 1967

• هاذي ليلتي 1968

• الف ليلة و ليلة 1969

• ليلة حب 1973

أفلامها

• 1936: وداد تاع احمد بدر خان

• 1937: نشيد الامل

• 1940: دنانير تاع احمد بدر خان

• 1947: فاطمة تاع احمد بدر خان

الشكر و الثناء

البواق ابراهيم معلوف هدالها البوم كامل عام 2015 سموه كلثوم .