Wp/arq/أمستردام

< Wp‎ | arqWp > arq > أمستردام


أمستردام و يعيطولها الناس لي يسوكنو فيها أدام. هي المدينة لي فيها بزاف سوكان و ثانيك هي الكابيتال تاع لاهولند. أمستردام فيها ڤريب 840000 نسمة، هذي الولايه تلم ڤريب 1350000 ساكن، بلاصة حضارية فيها كثر من 2300000 ساكن. و هي من التجمعات الحضارية تاع راندستاد لي فيها كثر من 7 ملاين نسمة.

أمستردام
KeizersgrachtReguliersgrachtAmsterdam.jpg
Amsterdam - Rijksmuseum - panoramio - Nikolai Karaneschev.jpg
الايدارة
البلاد : لاهولند
الولاية : أمستردام
الكود البوسطال : 1000-1109
الكود تاع التيليفون : +(31)
الديموغرافيا
جنتيلي : الأمسترداميات و الأمستردميون
السوكان : 840 486 سوكان فل (2016 [1])
الكاثافة : 3832 سوكان/كم²
الجوغرافييا
الايحداثيات : 52 ° 23 'شمالا ، 4 ° 54' شرقًا
المساحة : 21،933 هكتار = 219.33 كم 2
الموقع الجوغرافي
Netherlands relief location map

أمستردام هي مقاطعة في شمال لاهولند. سمها جاي من سمية الهولندي لقديم أمستلريدام، أصول سمها: السد(دام) على امستل و ثاني هي قرية قديمة للصيد مبعد طورت بزاف في العصور الوسطانية حتى ولا الپور تاعها ملي پور المعروفين فالعالم في وقت العصور الذهبية. دي والين هو الكارطي القديم فالبلدية، في وسط الولاية القديمة كاين القصر الرئيسي للسد لي هو قصر ملكي، بناوه فالقرن سبطاعش وهي رمز تاع أهمية هاذي المدينة. ڤييوم لول سكن فيها عام 1815 في جويي 2010. الكارطي ڤراكتنڤورديل (عندو حدود مع قنوات هيرنڤراشت و كيزرزڤراشت و برينزنڤراشت)لي كاين فل القايمة تاع اليونسكو للتراث تاع العالم ڤاع. في هاذي البلاصة كاين بيجيناج المعروف. ساحة فيها غير الباطيمات التارخية لقديمة من وقت 1528 و ثاني فيها الكنيسةأنجليكانية.

أمستردام هي وحدة من المراكز الاقتصادية الكبيرة في هولندا و وحدا من المراكز المالية الاساسية في اوروپا، البيراوات تاع بزاف شريكات تاع الخارج كيما (فيليبس وأكزونوبل وإنج و تومتوم) جايين في لاڥيل و واداخرين عندهم بيراوات أوروپية كيما (نيتفليكس و اوبر و تسلا)جايين في أمستردام. و هي ثاني العاصمة تاع الثقافة تاع لبلاد، كيما نشوفو المتاحف المعروفة لي دايرة بالمتحف ميزيپلان: متحف تاع الدولة ريجكس و ستيديليك و ڢان جوخ يزوروهم بزاف . أمستردام هي من المدن تاع العالم لي فيها الحياة هايلة، مجلة فوريس الماريكانية كانت لولا في 2016. ڤاع التنقلات تاع المدينة من خلال ربطاعشن خط تاع طرامواي تمشيها أپي ولا بل بيسكلات. المدينة معرفة ثاني بدي والين <<الكارطي لحمر>> لي هو الرئيسي فيها، و ثاني بالقهاوي المرخصة لي يبيعو الكييف لي يعاون فالتقدم السياسي تاع لاهولند.


أصل التسميةEdit

تشهدالسمية تاع مصطلح <<أمستردام>> غير بالكتيبة تاع ضروك فالقرن الخمسطاعش. نكتب اسم لمدينة لي شافت نمو حضاري كبير م القرن الثناعش ببزاف طرق فهذا الوقت لي فات: {Aemstelredam، Aemstelredamme، Amestelledamme فل 1275، Amestelredamme فل 1285، Amstelredam، Amstelredamme}. كاين بزاف أنواع تاع الكتبة تاع ’’أمستردام‘‘ ف القرن السبطاعش و ثمنطاعش.

الاسم الأصلي تاعها يعني السد ( السد باللغة الهولندية) من لارض « erd » ولا « ered » الوسط المستمر تاع الكلمة) على نهر كان يسموه أمستل. ديروي ومولون يڤولو كاين فرضية وادوخرا حاطينها فالپور بفضل السد لي جاي فالجنوب الغربي تاع خليج زويديدي السابق. مقسمة الاسموات الجغرافية عشوائيا Ame / stelle / dam ، hglukn المعنى اللول تاع Ame هو <<مجرى تاع ما ولا واد حلو>> ، المعنى الزاوج تاع Stelle هو الساحة تاع الپور لي نصنعت كي طلعت لرض ، الثالثة Dam لي تعني السد و ثانيك حماية السكان. في هاذ البلاصة الافتراضية المدينة مزال تحافظ عل المعنى الڤريب ’’سد نهر الپور‘‘.


علام شعار النبالة:Edit

 
Wapen van Amsterdam

الطبقة اللولا تاع السلاح فيها << دوڤال لي عندها رڤبة تاع رملة محملة بثلث جناحات تاع دراهم>>. هما سلاح لي حاربو بيه. أصول تاع النبالة ماهيش باينة مليح، بصح الوؤرخين يڤولو أنو شعار النبالة تاع لافامي پيرسيجن لي كانو يملكو مساحة كبيرة تاع لرض فالمدينة. واحد الجون پيرسيجن كان ثانيك "سيد أمستيلدام" من 1280 إلى 1282 (نصيبو نفس ليكولار و نفس الاشكال عل شعار النبالة للمدينة تاع أودر-أمستل و أمستلفين لي كانو ملك تاع عائلة پيرسيجن ). و ثانيك يعتاقدو هاذوك المؤرخين حاسبين أنو الفرقة الكحلة في مركز شعار تاع النبالة تمثل نهر أمستل (كيما راه الحال في بزاف المدن لوخرا تاع لاهولوند كيما في دالفت و في دوردريتشت وين يقوم القطاع المركزي بتخريج التيار الرئيسي تاع المدينة). الصليب تاع سان أندري لي مثل الكلمات الثلاثة تاع شعار المدينة. التقاليد الشعبية تشوف ف هذوك ثلاث صليب تهديدات للمدينة: الما و النار و الطاعون. في 1489 كتاسبت المدينة الصغير التجارية الحق في اضافة التاج تاع االامبراطورية تاع الرومان المقدسة لشعار النبالة. هو تفضيل عطاه الابراطور ماكسيميليان اللول باه يشكر سكان المدينة عل الوڤفة لي وڤفوها معاه و دعموه. هذا التاج يبان ثانيك (في شكل ڤريب من غودولف الزاوج ) فوڤ Westerkerk وحدا مل الكنيسات المعروفة ول المشهورة فل المدينة. تحت الامبراطورية اللولا، أمستردام هي وحدا من المدن المليحة ولي مسموح فيها على هذا النحو ، بتقديم طلب لشعار النبالة إلى السلطة الجديدة: مبدلينها كي زادو << شاف دوڤال مكلفينو بثلث نحلات تاع ذهب >> هي لماركا لي جاية فالڥيستات تاع السلاح للمدينات المليحة فالامبراطورية.


التاريخEdit

التأسسيس و التنمية فالعصور الوسطانية

لمرة لولا لي الو فيها <<أمستردام>> فالورق التاريخية ترجع لعقد فلورن الخامس عد تاع لاهولوند مل 1256 ل 1296 . هاذي الورقة يسموها <<الاعفاء من ضريبة تاع أمستردام>> ( Tolprivilege van Amsterdam )ف تاريخ 27 أكتوبر 1275 عفات وحد ميات سكان تاع << سد أمستل>> ميخلصوش ليزامپو عل التجارة تاع المنتجات ف المقاطعة تاع لاهولوند و عل الپون تاع السد عل نهر أمستل، بناوه فل 1270. صنفو السكان بالاتينية بسم <<« homines manentes apud Amestelledamme(حرفيا الناس لي يسكنو ڤريب للسد تاع أستل). فشوية تاع عوام هاذ الكلمة طورت في شكلها التالي أمستردام ’’Aemsterdam‘‘ ، كيما يبان فل كتبة 1327. في هاذا الوقت مولاتش قرية تاع صيد برك متعلقة ب الاسقف تاع إيتخاخت . وكيما شفنا هاذ الاعفاء يخلي الامسترداميون عندهم المنافسة فالتجارة الخارجية و خلى أمستردام تولي مركز التجارة اللولة ف لاهولوند و دارت الاسس تاع الثروة و تاع القوة فالمستقبل. السوڤ تاع أمستردام دا اسم تاع لاڥيل مل 1300 حتى ل 1306، بلاك من أسقف إيتخاخت ڤي ديفنز و ولات بلاصة هامة ف القرن ربطاعش علاجال الپور تاعها لي طور عل الدمراك ’’Damrak‘‘، ف التحت ڤاع تاع السد . و مزالت التجارة مسيطرة سيرتو مع الهند عل الپور تاع أونڥار لي خلي أمستردام شادة التجارة غير ليها مع مدن الرابطة الهانزية. ف 1345 صرات معجزة مزعومة ف كالڥشتخات رجعت أمستردام مركز تاع الصح للحج حت جا الاصلاح. (Nieuwezijde) قبل 1345 نقسمت مدينة أمستل لي هيا أمستردام عل زوج كوتيات عندهم نفس الميساحة ’’البلدة القديمة‘‘(Oudezijde) وين كاين الكنيسة(Oude Kerk) لي تبنات فل 1300، ول ’’المدينة الجديدة‘‘ (Nieuwezijde) ويين كاين الكنيسة الجديدة (Nieuwe Kerk) لي بناوها مع لول تاع القرن الخمسطاعش. و باه يضمنو العسة تاعها المدينة فيها قنوات مكملتها سقيفة (بيرڤوال) لي جاي فيها حيط في لرض جاي فوڤو حيط تاع لوح. مورا ما تبنات الحيطان الجدد ف 1385 دا الحيط جديد سم ڥوربيڤوال (الصدارة) بصح الجديد يسموه أشتغبيڤوال(الحاجز الخلفي) و هاذا ڤاع فالمدن القدم و الجدد. مزال فالسونطر تاع التاريخ كاين ربع قنوات / شوارع دايا سموات Oudezijds Voorburgwal و Oudezijds Achterburgwal و Nieuwezijds Voorburgwal و Nieuwezijds Achterburgwal (ولات ضورك Spuistraat). ف 1421 و 1452 دمرت المدينة و نحرڤت من مورا زوج حرائق كبار. بصح الزاوج دمر ڤريب ڤاع المدينة و خر ج الامبراطور شاغل كوين ف 1521 وحد القرار باه يبنو ديار جدد بالحجر ماشي بالوح كيما مقبل . النضرية لي بقات ولا ت ممنوعة نهائيا مل 1669. و ضرك راحت ڤاع، ڤاع الديار تاع اللوح في ذاك الوقت ماغير (<<Houten Huis(« Maison de bois بيڤيناج.


 
إطلالة عل أمستردام حوالي 1656تاع جايكوب فان رويسدايل

عاصمة العصر الذهبي (1584-1702)Edit

القرن السبطاعش هو العصر الذهبي لأمستردام لاخاطرش ولات في ذاك الوقت المدينة المرفهة فالعالم. كي رجع انڥار بسبت ليسپان 1585، و لي تشوف فيها فا م تاع ليسكو مبلعينهالها المقاطعات المتاحدة منعكس ب التدفق تاع البرجوازية الپروتستانتية لي جيب المعريفة و راس الدراهم. أمستردام هيا راهي فالڤلب تاع الشبكة تاع العالم ف التجارة البحرية مع دول تاع بحر البلطيق و لافريك و الماريكان تاع الشمال و ثانيك البرازيل و ذوك الجزيرات الشرقية تاع الهند. و هكا التجار تاع أمستردام عندهم ڤريب ڤاع ل أسهم تاع الشريكا لولا لي فيها بزاف جينسيات ف لعالم، و هيا شاريكاتاع لهند الشرقية و لاهولوند لي داروها ف 1602 و ثانيك منافستها شريكا تاع الهند الغربية و لاهولوند (1621). داو هاذو زوج شاريكات بزاف أقاليم من مورا البحر ولي ولات مبعد مستعمرات تاع لاهولوند. الباتاوات كي يرجعو مل أندونيسيا معمرين بالتوابل الغالية لي هيا الثروة تاع المدينة. أمستردام مشجعا في كل بلاصة ف العالم، مل كوتي تاع الفن مع رومبرانت و ڥارميرو مل كوتي تاع الدراهم كي دارو <<بونكا تاع التبادل الاجنبي>> كانت مع لول تسهل التبدال تاع الدراهم بصح بلخف ولات تعطي الدراهم للناس و الشريكات و ثانيك البورصة لولا فل 1611. و هاذا الحال لي ف الهندسة المدنية و مع البنيان تاع القنوات المعروفة و ليزوتال تاع لاڥيل لي كملت فل 1655 لي كان يشرف عليهم المهندس جايكوب ڥان كومپان لي يڤولو عليه لامسترداميون أنو هو الاعجوبة الثامنة تاع العالم.


الجغرافياEdit

التضاريس

 
لخريطة الطوبغرافية تاع أمستردام ف 2012

جاية فالغرب تاع لاهولوند ، و ثاني أمستردام جاي في شويا من المقاطعة تاع الشمال تاع لاهولوند و جاية فل المنطقة لي جاية حذا إيتخاخت و فليڥولاند. الواد تاع أمستل يسيل ف إجي (IJ) و لي هوا جزء مل القنوات لي فل المدينة. جاي عالي عل البحر ب زوج ميترات. لرض ڤاع لي جايا في ذيك المدينة مسطحا و هي كانت لرض كبيرا مستصلحينها. فل الجانوب الغربي تاع المدينة كاين أمستردامس بوس لي هيا غابة تاع بلعاني هوما صانعينها ماهي طبيعية. و ف التالي المدينة مربوطة مع لبحر تاع الشمال ب وحد القناة تاع ذاك البحر الطويلا لي تعاون الپور تاعها.

لميساحا تاع لاڥيل ’’أمستردام‘‘ 219.33 كيلومتر مربع منها 164.89 كيلومتر مربع لرض. الكثافة السوكانية تاع الصح 653 3 نسمة ف كل كيلومتر مربع بصح فالصح السكان هوما 848 كلومتر2 عل حساب لراضي لي مليحا باه يسكنو فيها، مسكنين 2408 عياة فكل كم2 . المحميات الطبيعية داية 14% مل الميساحا تاع المدينة. البلايص الخضر و لي يريحو فيها و يبدلو فيها شويا (المنتزهات و لي جاغدان و سطادات تاع السپور) 11.3% مل الميساحا ڤاع و الغابات و ثاني لرض لي غارسين فيها الشجر 2.3% .


المناخ

أمستردام عندها كليما تاع المحيط (CFB ف التصنيف تاع كوپن) مأثرا بزاف من البحر تاع الشمال لي ڤريب ليها و ثاني الغرب و ريح تاع الغرب. أمستردام المقاطعة الكبيرا ف لاهولوند جاية ف منطقة عندها صلابة تاع 8ب لي هيا درجة تاع سخانا 4.7- و 6.7- درجة مئوية هيا الدرجات السخانا تاع العام الهابطا ڤاع فل العشرين سنا التاليا. يصراالصقيع كل ما يجي الريح م الشرق ولا الشمال الشرقي مل القارة تاع لوروپ. و هاكاك هيا ڤريبا للمسطحات تاع الما الكبيرا و ثانيك تأثير تاع الجزيرات تاع السخانا الحضاريا، خطرات تهبط الدرجة تاع السخانا ف ليل تحت 5- عكس هيلڥاغسوم 12- درجة لي جاية بعيدة عليها ب 25 كيلومتر ف الجنوب الشرقي تاع أمستردام.


الديموغرافياEdit

تطور السوكان

عل حساب الرقام لي مدتها المدينة ف 2013 ، كانو السوكان تاع أمستردام 799442 نسمة زادو ب 1.2% ب نسبة ل 2012 و ب 7% ب نسبة ل 2008. و عل حساب هاذو النيمراوات السوكان الاصليين هوما غير 49.4% م السوكان، لي يعني أنو 50.6% م السوكان هوما من أصل براني مشي دوريجين مل المدينة. البيرو تاع الاحصاء ڤال أنو السوكان 801200 نسمة ف 2013.


الاقتصادEdit

أمستردام هي العاصمة تاع الدراهم و التجارة ف لاهولوند و هيا ثانيك مل المدينات المفضلة تاع لوروپ لي يديرو فيها الاعمال تاع التجارة الدولية، دات المرتبة الرابعا ف 2011 في هاذ الدومان و ما يسبقهاش غير لوندون و پارس و فرانكفورت. أمستردام فيها بزاف مقرات تاع تاع الشريكات الكبيرا و ليبونك ثانيك، كيما مجموعة إي إن خي و فيليپس و أكزونوبل و مجموعة دلتالويد و توم توم. و ل مقر تاع شريكا تاع كي بي إم جي لي ل العالمية لي جاي ف أسترڥين لي جايا حذا أمستردام، لي ولات فيها بزاف شريكات ماهيش مل لاهولوند لاخاطرش المجمعات لي جاية دايرا ب أمستردام تسمحله باه يملكو لرض ماشي كيما في أمستردام يكروها برك ميقدروش يشروها و تولي تاعهم. عل الرغم أنو بزاف مل البيراوات الصغيرا مازالت كاينا عل قنوات المدينة القديما بصح الشريكات بدلت المقرات تاعها بعيد عل و ولات زويدس (Zuidas) و النتيجا تاع هاذا المركز المالي و ل القانوني الجديد فل البلاد، و ثانيك الشريكات الخمسة الكبيرا تاع المحامات جايا فيها، و ثانيك كاين بزاف مل الفروع تاع لاهولوند للشريكات الاستيشاريا الكبيرا كيما مجموعة بوسطن الاستشارية و أكسنتور و مركز التيجاري العالمي ف أمستردام جاي ف زويدس. كاين ثلث بلايص مالية وداخرا ف أمستردام بصح ماهيش مهمة بزاف كيما ل ف زويدس: اللول هي البلاصة المحيطة بلاڤار تاع تران أمستردام سلوتيرديك لي تضم مقرات تاع الصحف تاع لاهولوند كيما دي تلڤراف بالاضافة ل مكاتب الضرائب تاع لاهولوند، و الزاوجا فل المنطقة لي دايرا ب أمستردام أرينا، و الثالثا هيا البلاصا لي دايرا بلاڤار تاع التران أمستردام أمستل لي جاي فيها البنيان الطويل قاع ف أمستردام و ثاني مقر تاع شاريكا فليپس.


السياحةEdit

أمستردام هيا وحدا مل الوجهات تاع السياحه الشعبية لي روحو ليها بزاف الحواسين ف لوروپ تستقبل كثر من 4.63 مليون حواس دوالي فل العام بلا منحسبو لي جو ليها غير عل نهار و يروحو لي هوما ڤريب 16 مليون فالعام.

التعليمEdit

كاين في أمستردام زوج جامعات جامعا أمستردام و جامعا في يو أمستردام. كيما كاين فل المدينة مؤسسات وادوخرا تاع التعليم لعالي كيما أكاميا تاع جريت ريتفيلد تاع الفنون و جامعا تاع أمستردام تاع لي سيونس التطبيقية و ليكول تاع الفنون.


السپورEdit

أجاكس أمستردام هوا الكلوب الرئيسي تاع الفوتبال فماك. هوا ثانيك إكيپ تاع الدوري تاع لاهولوند (1971، 1972، 1973 و 1995)، و ربح بكأس إنتركونتينونتال زوج خطرات (1972 و 1995). و ربح بطولة الدوري الهولاندي كثر من ڤاع لي كلوب ربح ثلاثين بوطولا.


الطرونسپورEdit

 
Combino lijn 1 Spui Amsterdam

الصوڤا ب طونوبيلات ف سونطر هومش مشجعينها بزاف و ثاني لاخاطرش لي ڥاركينڤ غاليين بزاف و كاين بزاف طورڤان أنتاردي تصوق فيهم ب طونوبيل كاين الكيران الاقليمين و شويا تاع كيران للبلايص لي جايين برا مل لاڥيل لي تابعين ل شريكا تاعع كونيكسيون و إي بي سي. كاين ف أمستردام سطاعشن خط تاع طرام و ربعا تاع ميطرو و لخط الخامس راهم يديرو فيه لي تابع ل شريكا تاع جي ڥي بي.


البيسكلات


أمستردام هيا وحدا من الولايات لي معروفة فل العالم بلي يمشو فيها بزاف البيسكلاتات و ثانيك هيا دايرينها كيما المركز تاع الثقافة تاع البيسكلات وين دايرين بزاف بلايص مليحا للي يصوقوهم كيما طريق سڥيسيال تاعهم و لي ڥاركينڤ و ماهومش غاليين . كاين ڤريب 1.2 مليون بيسكلات ف أمستردام ف 2013 لي عددها يفوت عدد السوكان لي ف أمستردام.

لمراجعEdit

1. https://web.archive.org/web/20070407193257/http://www.bma.amsterdam.nl/adam/uk/intro/topo5.html

2. https://web.archive.org/web/20070402012355/http://www.bma.amsterdam.nl/adam/uk/intro/gesch1.html

3. https://en.wikipedia.org/wiki/Amsterdam

4. https://fr.wikipedia.org/wiki/Amsterdam

  1. http://www.ons.dz/IMG/armature2016-%20FINAL(1).pdf