امازيغ (و لجمع تعها ايمازغن) (بـ تيفيناغ:ⵉⵎⴰⵣⵉⵖⵏ) هي تسمية الشعب تاع شمال افريقيا لي يتكلم الامازيغية, لي تسميتهم القديمة كانت البربر.
الأمازيغ كاينين في: الجزاير، المروك،تونس، ليبيا، نيجر،موريطانيا،الغرب تاع مالي، جزر الكناري و في واحة سيوة في مصر.
يهدرو الامازيغية و اللي هي لغة من عائلة اللغات الافرو-اسياوية. فيها عدت لغات: الشلحية، الشاوية، القبايلية، التارڤية،المزابية.
الأمازيغ يكتبو ب تيفيناغ.
أصل كلمة أمازيغ edit
سكان شمال إفريقيا، في العصور القديمة كانوا اسموهم بربر، هاد التسمية جات من ليونانيين لقدم لي كانوا اسميو كل أجنبي ب إسم "بربر"، و حتى العرب حكموا هاد التسمية, لي قعدت قرون.
في الربعينات (1940) و أزمة الهوية و البربرية في صفوف الحركة الوطنية الجزايرية، قرروا بعض المفكرين البربر تغير التسمية، لكان فيها نوع من التميز العنصري و معناه "مش متحضر"، إلى أمازيغ. خيرو كلمة أمازيغ بعد ما حوسو في القاموس الامازيغي، و لقاو بلي كان ملك قديم تع شمال افرقيا كان اسمو مازيغ، و بلي في الصحراء اسميو الاولياء الصالحين ب إسم أمازيغ و النبلاء الطوارق إسمهوم "إماجغن" مالا خيرو كلمة أمازيغ و ستعملوهى أول خطرة في النشيد الوطني "أكر آ ميس أومازيغ" (1945) معناها "نوض يا وليد الامازيغ" ضد الاستعمار الفرنسي.