"أكر آ ميس أومازيغ" هو نشيد وطني تع لهوية الامازيغية الجزايرية، كتبوا بلقبايلية محند ادير ايت عمران في 23 جانفي 1945 و معناه "نوض يا وليد الامازيغ" ضد الاستعمار.
ترجمة النشيد :
نوض يا وليد الامازيغ, الشمس تعنا شرقت, عندي بزاف و ما شفتهاش، خويا جا وقتنا
أجري روح قول لماسينيسا : بلادو راهي ناضت ليوم، و لي ما يحبش يمشي، واحد برك منا خير من السبع
أجري روح قول ليوغرطة : ولادك ما نساوكش، درك إخلفولك الثار، و يخرجوا أسمك من تحت لرض
للكهينة تع الشاوية : لي ڨيدت الرجال، قلها : الوعد لي خلاتهولنى، جامي ننساوه
درك نعيشو بلوغتنا، غدوة اكون خير مل بارح، تمازيغت درك تكبر و تتوسع، هي أساس التطور
الدعوة جات ملجبال، رحنا للقتال، درك درك مبقاتش حيرة، نميلوا و ما نطيحوش
جزاير بلادنا لعزيزة ، نفديك بدمي، السماء تاعك بانت بشمس الحرية
يا النسر طاير حر، سلم على خاوتنا، من الساڨية الحمرا حتى لسيوى، عندنا نفس الدم