Wp/arq/أحمد بن بلة

< Wp‎ | arqWp > arq > أحمد بن بلة

.

لقادة و لمسؤولين رئيسيين نتاع لافالان ( مل يسار لليمين : محمد خيضر، مصطفى لشرف، حسين آيت أحمد ، محمد بوضياف، احمد بن بلة ) بعد ما لقاو لقبض عليهم ف 22 اكتوبر 1965.
بن بلة و جمال عبد ناصر- 1962

احمد بن بلّة زابد ف 25 ديسمبر 1916، ف مغنية حذا تلمسان فلمنطقة نتاع لغرب، فالشمال لغربي نتاع لجازاير، يسموها مستعمرة فرنسية ف هاداك لوقت ، و مات ف 11 أفريل 2012 ف دزاير [1] وكان مجاهد من اجل لاستقلال، و راجل لدولة لجازايرية اصلو ملمغرب وهو لرئيس لول لمجلس لوزارا من 1962 حتى ل 1963، و مبعدااول رئيس للجمهورية من 1963 حتى ل 1965. بن بلة هو فان واحد من لقادة تسعة تَّاريخيين نتاع للجنة ثورية للوحدة ولعمل (CRUA) لي جاية من اصل جبهة تحرير لوطني، حزب لستقلال لجازايري و وقفوه خلال ثورة نتاع لجازاير، ولكنو ساهم و لعب دور ف لِستقلال نتاع لبلاد على راس جبهة تَّحرير لوطني وولى اول رئيس ل جمهورية لجازايرية ف 15سبتمبر1963 وهو لمنصب لي يجمعو و يشغلو معا رايس لوزراء. بحيث انو يشغل هاد لمنصب من 27 سبتمبر 1962. و نحاوه مل منصب تاعو، يعني دارو عليه من خلال انقلاب نتاع 19 جوان 1965 لي قادو نايب رئيس لوزراء لكولونال هواري بومدين[2].

سيرة ذاتيةEdit

طفولة وشبابEdit

احمد بن بلة هو من اصل مغريب تابع لولديه ،ول ويهوما فلاحين و مزارعين، هاجر من منطقت مراكش لي جاية فلمغرب. [3] واعلن بنفس عل إنو تابع لْقبيلة عربية من بني حسن مكيل، في مقابلة مع قنات لجزيرة تيفي لي تابعة لقطر ،"شاهد على عصره" [4]. زاد فمغنية فل منطيقة نتع لغرب لي جاية في تلمسان، فل جزاير ، أو تاريخ ميلاد مشي معروف على وجه تحديد ( بين 1914 و 1916 )بصح تاريخ يقول بل ف 1916،و كمل لقراي نتاع ليسي ف تلمسان[5].

فوتبلارEdit

بن بلة كان يمارس لفوت في مسقط راسو، لعب ف أولمبيك مرسيليا، ف موسم 1939-1940 [6] لعب غير ماتش وحد ف كأس فرنسا كونتر نادي انتيب ( كان لفوز 9-1 ،و لي مارك فيها بن بلة بيت) و ثان فل فريق لفرنسي لعسكري ف منصب وسط ميدان بحيث إنو كان ضابط صف ،و جندوه فل حرب لعالمية ثانية .[7] .

لحرب لعالمية ثانيةEdit

فلوقت نتع لحرب لعالمية ثانية ، بن بلة كان محارب ف لقوات لمسلحة لفرنسية في لفوج لخامس نتاع لمشاة لمغريبين ، من لقسم ثان تع حراس لحدود لمغريبية . و ف 1944 شارك في معركة مونت كاسينو فل وحدة لعسكارية نتع لمشاة لفرنسية ف ايطاليا تحت قيادة ل جينرال جوان، ومبعدف تحرير فرانسا و تاني ف لعملية لعسكرية نتع لالمان 1945 فل جيش لولاني للمشاة تاع جنيرال لاتر دو تاسيني Lattre de Tassigny ، و امبعد رقاوه ضابط صف و كرموه ربع مرات منها مرتين ف رتبة نتاع لجيش ودا لميدالية لعسكرية من عند جنيرال ديغول ف أفريل 1944 ف ايطاليا

[8] .

ثورة نتع لجزايرEdit

بن بل تأثر ب مجازر سطيف و قالمة تع 8 ماي 1945 و دخل معحزب شعب لجزايري و لحركة من اجل انتصار لحريات ديمقراطية نتع مصالي لحاج و منبعد انتخبوه عضو نتع لمجلس فل مدينة تع، ف 1947 وولا عضو في لمنظمة سرية O.S ل كان يسيرها حسين ايت حمد مع رابح بيطاط و ل شارك في عملية نتع سريقة على لابوستنتع وهران ف 1949 باش يمولو لحزب [9] . وفي ماي 1950 قبضوه ف دزاير و تهموه وحكمو عليه بلحبس لمدة سبع سنين وهرب ف عام 1952 وين راح للقاهرة معا حسين ايت احمد و محمد خيضر ومن بعد شكل معاهم لوفد لخاريجي لجبهة تحرير لوطني وحبسوه مرة ثانية ف 22اكتوبر1956 كي لقوات نتع لجيش لفرنسي بدلت لمسار نتع طيارة لي كانت داياتو مل مروك لتونس مع محمد بوضياف، حسن ايت احمد ،محمد خيضر ،محمد لكبير و مصطفى شريف.

جزاير لمستقلةEdit

مقال مفصل : مجموعة وجدت و ازمة صيف 1962 بن بل تحرر ف 1962 بعد ست سنين من لحبس ولاقامة لجبرية ف فرنسا ف لوَّل ف سجن نتع صِّحَّة وامبعد ف حصن كيدو على جزيرة اكس ومبعد الى قلعة فسرديار في تيركو Turquant، وفي لاخير الى قلعة آنوي. و شارك في مؤتمر طرابلس، وين كان نزاع مع لحكومة لمؤقتة للجمهورية لجازايرية و بعد اتفاقيات ايفيان بن بل كريتيكا شرعية نتاع لحكومة لمؤقتة و اتشابك مع محمد بوضياف و كريم بلقاسم ، ورجع ل دزاير في 27 سبتمبر 1962 وعينوه رئيس للمجلس. بن بل كان باغي برجع لاشتراكية للدزاير ( يرونفورس لعلاقة مع كوبا و فرنسا ف نفس لوقت) وحفز لاصلاح زراع وأَمَّمْ تجارة و صناعة ،وسعى لتعزيز تسيير ذاتي ل لمؤسسات تم .وعلى نصائح ثورية نتاع لاشتراكي ميشال بابلو وحاوز فان لمنافسين نتاوعو مل لحزب و لجيش و لادارة كي ولى لامين لعام للمكتب سياسي في جبهة تحرير لوطني في أفريل 1963. وخليفته تم تعينه لي هو لعقيد بومدين بعد اعتماد دستور. بن بل نتخبوه في سبتمبر 1963 رايس للجمهورية لجزايرية ،و لي قلل من انتفاضات نتاع لقبايل و مختلف لمعارضات سياسية بدعم من مصر و كوبا، وقيل أنو كان جندي في حرب رمال ضد لمغرب واقتارب من لقوى شيوعية ،الصين . بن بل هو مؤيد للعروبة ومعجب بل عقيد ناصر وساهم في سياسة تعريب و تعليم و هو ل جاب لمعلمين لمصريين.

انقلاب ونفيEdit

طيحوه ف لنقلاب تاع 19 جوان 1965 فل دزاير لانقلاب تاع هواري بومدين ف 19 جوان 1955 ف دزاير و كان محبوس حتى لجويلية 1979 وامبعدا داروه تحت لإقامة لجبرية حتى طلقو صراحو ف اكتوبر 1980 وفي ذيك لفترة جوايه 1970 تزوج بزهرة سلامي، و تبناو زوج بنات وولد معوق [10] ،وزهرة سلامي توفات في باريس عام 2010 ف عمر نتاع 67 سنة . عفا عنو رئيس شاذلي بن جديد و خرج مل بلاد وراح ل سويسرا في عام 1981 وكْرِيَّا حركة من اجل ديمقراطية ف دزاير وتقرب من "قائد تاريخي" وحداخر تنفي ف ثورة لجازايرية حسين ايت احمد ، و كرجع لفرانسا، كلَّف شيوعي جيلبرت ماركيز باش يوجه مجلات لمعارضة لنظام ل جازايري و كانت هاذ لمجلات كامل محضورة من باريس لاسباب ديبلوماسية ،واغتالت لاسيكيرتي ميليتار لمحامي نتاعو علي ميسلي في 1987 . ورجع ل جزاير ف 27 سبتمبر 1990 وحضر لخطاب نتاع عبد لعزيز بوتفليقة ف 2009، و ثمن لمصالحة معا لاسلاميين فل دزاير.

لعودى من لمنفىEdit

بعد ما رجع ل دزاير ف 1990 اعتزل لحياة سياسية و اهتم بل قضايا دولي كيم فلسطين و لعراق و دخل مع لي كونتر لعولمة باش يوقف كونتر "عولمة راس مالية" و ف 1990، كان دعم و بقوة نظام نتاع صدام حسين .ودعا ل " تحالف عربي ضد لعدوان لأجنابي في لعراق" و امبعد صرح بلي «كامل لجزايريين لازم يحارب وبلي ثماك لمصالح نتاع كامل لعرب و بلي كاكلل لعرب مهددين و بلي رانا ف حملة صليبية اندارت كونتر شعوب لعربية » [11].

لوفاة ولجنازةEdit

في 4 جانفي 2012 نقلوه طوارئ لسبيطار نتع باريس [12] و ف 11افريل 2012 توفى ف دزاير و لحكومة لجزايرية اعلنت على حداد وطني لمدة 8 ايام ولجنازة تاع تابعتها سلطات لعليا لجزايرية ورؤساء و حكومات دول لي حدنا ومع ذلك صحافة لجزايرية ضمت تقارير متعلقة بصمت رسمي لفرنسا فل قلب نتاع لحملة لانتخابية رئاسية لفرنسية بحيث كانت عنهم رغبة باش يسترجعو ناخيبين نتاع ليمين لمتطرف نتاع لقدام سوداء[13]. و ندفن ف 13افريل 2012 ف دزاير في مربع شهداء في مقبرة لعاليا و عرفت مراسيم دفن نتاع لجنازة حضور نتاع لعديد من لحكومات وشخصيات و وسائل لاعلام من اجل تعازي و باش يودعوه. و ف 16افريل 2012 اعلن رئيس لجمهورية عبد لعزيز بوتفليقة عن مرسوم اعادة تسمية مطار وهران ب "مطار دولي احمد بن بلة" تكريما لرايس لول نتع لجمهورية لجزايرية احمد بن بلة [14] .

تكريماتEdit

-حرب صليب 1939-1945 [15]: اقتباس رتبتين في لجيش.

-وسام عسكري .

-بطل لاتحادسفيات في 30 افريل 1964 [16].

-جائزة لينين لسلام في 30افريل 1964.

-جائزة لقذاف لحقوق لانسان في 1995.

-لوشاح لاكبر للوسام لعلوي (لمغرب)في جانفي 2007 [17].

لمراجعEdit

  1. [http://archive.wikiwix.com/cache/?url=http%3A%2F%2Fwww.leparisien.fr%2Finternational%2Fahmed-ben-bella-premier-president-de-l-algerie-est-mort-11-04-2012-1949989.php أحمد بن بلة رايس اللول تاع دزاير توفى، جريدة لوباريزيا 11 افريل 2012 .
  2. [1]في يوم 19جوان 1965: موت امل الشعب الجزايري
  3. http://www.aljazeera.net/programs/pages/13a59a82-cf24-4e8b-bf03-790355402735 حوار ف قنات لجزيرة : "استقلال لدزاير كيم يشف احمد بن بل
  4. احمد بن بل من بني حسن ، علا سيت www.cridem.org ، ضرب عليه طل ف 20 سبتمبر 2015.
  5. بن بلة، بطل نتاع ثورة لجازايرية لي كانت ضد فرنسا، ارشيف le monde.fr نتاع 11/04/2012
  6. بن بل، لموت نتاع رجل مستقل، جريدة La nouvelle République، ارشيف 12 افريل 2012.
  7. http://www.ohaime-passion.com/effectif_425_ben-bella.html احمد بن بل كي كان يلعب مع اولمبيك مارساي .1939-1940
  8. [http://www.lexpress.fr/actualite/politique/de-gaulle-voyait-plus-loin_491159.html احمد بن بل، « De Gaulle voyait plus loin » جريدة L'Express، ارشيف ف 26 اكتوبر 1995
  9. [http://www.lexpress.fr/actualite/monde/ben-bella-premier-president-de-l-algerie-independante_1103549.html لجزاير : شكون كان احمد بن بلة، ارشيف L'Express 11 افريل 2012.
  10. [http://www.jeuneafrique.com/176533/politique/ahmed-ben-bella-une-personnalit-r-serv-e-et-pudique/ بن بل : شخصية محافظة و متواضعة، ارشيف JeuneAfrique.com,‎ 13 avril 2012.
  11. لجازاير ف حداد علا احمد بن بلة، ارشيف Le Figaro.fr ف 11 افريل 2012
  12. شادلي بن جديد و احمد بن بلة راهم اوصبيتاليز پاري، ارشيف Le Matin ف 5 جانفي 2012.
  13. لموت نتاع احمد بن بل: "صمت مزعج نتع سلطات رسمية ل فرنسية، جريدة Le Matin ف ,‎ 13 avril 2012 .
  14. [http://archive.wikiwix.com/cache/?url=http%3A%2F%2Fwww.aps.dz%2FL-aeroport-international-d-Oran.html لمطار دولي نتاع وهران سانية، سماوه علا احمد بن بلة علا سيت نتاع وكالة لانباء لجازايرية، ارشيف ضربو عليه طلة ف 16/04/2012.
  15. روبارت ميرل،احمد بن بلة، باريس ،دار ماتيريال،1965 باجة 59
  16. [http://www.warheroes.ru/hero/hero.asp?Hero_id=1069 لابطال نتاع لاتحاد سوفيات نيمير11221، ارشيف شافوه ف 7 ديسمبر 2012 علا سيس warheroes.ru.
  17. l سعيد قاسم : "محمد سادس يكرم بن بلة : بن بلة كان تلقى لوسام لعلاوي "، جريدة L'Expression ارشيف 20 جانفي 2007.