Mapuce pigekey kom pu ce azmogekelu femgeci pu mapuce ñi femmeken, tvfaci azmogen kuyfi ka fanten mew nvxamkantuyekey ñi yafvluwkayael ka fey taiñ kvme rekvluwkvleael, feymew mvley kecu rume kvme rakizuam taiñ konvmpayael taiñ kvme mogeael, ka taiñ jakomogeael, femgeci pu ce ñi kvm cegerkeael mvley ñi kvme cegeael, mvley ñi nor cegeael, mvley ñi lif cegeael, mvley ñi newen cegeael, ka mvley ñi kim cegeael, feymew xemkelu faci azmogen piwke mew, pvjv mew kvme miawkey.
Pu mapuce ñi azmogen wefpay ka petu mvlekay ti Puelmapu mew (fewla ponwi Arkentina) ka ti Ngulumapu mew (fewla ponwi Chile). Faci mogen, ixokom kujiñ ka anvmka ñi mogen kuyfi azelkvnueyew may pu mapuce, feymew rume kaley kiñeke mew ka niey kizu ñi femgen.
Mapuce ñi zvgun, "mapuzugun" kam "cesugun" pingey, ka fey pu mapuche kim wingkadunguy.