Wp/apc/لايحة المعتقدات المش صحيحة

< Wp‎ | apc
Wp > apc > لايحة المعتقدات المش صحيحة

هيدي لايحة بتصحح المعتقدات المش صحيحة الشائعة. هيدي المعتقدات قسم كبير من العالم بيعتبرها صحيحة، بس بالواقع هي غلط. عادةً بتأسسها حكمات تقليدية أو صور نمطية أو الخرافة أو المغالطات أو فهم مش صحيح للعلم.

دوار الشمس بعكس إتجاه الشمس

تصحيح المعتقدات محطوطة بهيدي الليستة، مش المعتقدات المش صحيحة.

ثقافة وفنّ

edit

عمل

edit
  • مش دعايات "كوكا-كولا" يللي غيرت صورة "بابا نويل" لرجل مبسوط بيلبس روب أحمر. هيدي الصِفات كانت موجودة بصور "بابا نويل" بأواخر القرن الـ١٩. إعلانات "كوكا-كولا" يللي بَيَن فيها "بابا نوبل" بهيدي الصفات نعملت بعد القرن الـ١٩ بأكتر من ٣٠ سنة.
  • ما كانت "پيپسي كو" «سادس أقوى بحرية» بالعالم بعد إتفاق مع الإتحاد السوڤياتي. كان في إتفاق بينم بـ١٩٨٩، بدلو پيپسي بقيمة ٣ ملايين دولار مع ٢٠ سفينة حربية ما بتشتغل، ونباعت السفن قطع.

أكل

edit
  • البونبون يللي ع موز ما بقلد نكهة نوع موز بطل شائع. نكهة البونبونات يللي ع موز مختلفة كتير عن نكهة الموز لأن بس منكهة بوحدة من النكهات الكتيرة يللي موجودة بالموز: خلات الأيزو أميل.
    • فرن المايكرويڤ ما بِحَمي الأكل من جوا لبرا. المايكرويڤات الـ٢،٤٥ غيغا هرتز بس فيا تفُوت ع سنتيمتر واحد بأغلب الأكل. الأجزاء الجوانية من الأكل التخين بتحما من ورا حماوة الأجزاء يللي برّا.
    • أفران المايكرويڤ ما بتعمل سَرَطان، حتا مع التعرض لَتَسَرب أشعة أكتر بكتير من تَسَرب الأشعة العادي.
    • تسخين الأكل بفرن المايكروڤ ما بقلل من تغذيتو وفيو يحافظ عليا أكتر من غير طرق للتسخين لأن بياخد وقت أقل.

لغات

edit
  • لغات الإشارة بتختلف عالميًا. تقريبًا كل بلد عندو لغة إشارة وطنية مختلفة، وفي بلاد عندا أكتر من لغة.

قانون

edit
  • إذا حدا مفقود، مش دروري النطر ٢٤ ساعة قبلما يتقدم بلاغ عن فقدانو. إذا في دليل عن عنف أو غياب مش طبيعي، كتير مهم إنو التحقيق يبلش بسرعة. حكومة المملكة المتحدة بتنصح إنو «ما لازم تنطرو ٢٤ ساعة قبلما تتواصلو مع الشرطة». خبراء علم الإجرام بتقول إنو أول ٧٢ ساعة هي الأهم بالتحقيقات عن شخص مفقود.
     
  • الخطوط الطبشورية كتير نادرة بالتحقيقات الحديثة، مع إنا موجودة كتير بالقصص.

دِين

edit
البوذية
edit
  • ما في دليل إنو بوذا كان ناصح.

المسيحية

edit
  • مش معروف عدد المجوس التلاتة. لأن الإنجيل ذكر تلات هدايا، نفترض أنون تلات أشخاص، مع إنو الإنجيل ما ذكر عددن أو إنون كانو ملوك أو إنون إجو ع جِمال أو إنو إسمن "كاسبار" و"ملكيور" و"بلطاصر" أو شو كان لون بشرتن. الإنجيل بس بقول إنو كان في أكتر من واحد.

اليهودية

edit
 

رياضة

edit
  • بالفنون القتالية، القشاط الأسود ما بدل ع مرحلة خبيرية. نزاد ع الجودو بالقرن الـ١٩ لَيفرجي إنو في قدرة بكل التقنيات الأساسية.

ألعاب إلكترونية

edit
  • ما في دليل إنو الألعاب الإلكترونية يللي فيا عنف بتقدي يللي بيلعبا لَيسير عنيف. في دراسات ما لاقة أيا علاقة بين العنف ولعب الألعاب العنيفة، وشعبية الألعاب الإلكترونية تطابقة مع نقّص بالعنف عند الشباب.

تاريخ

edit

قديم

edit
  • مش عبيد عمرت إهرامات "غيزة". الأدلة الأثربة بتفرجي إنو العمال كانو ماهرين مخلوطين مع مزارعين فُقرا يللي شتغلو برات المواسم الزراعية.
     
    كيف معقول كانة ألوان أغسطس پريما پورتا
  • المنحوتات الرومانية واليونانية القديمة كانة ملونة، بس هني بيض اليوم لأنّ الأصباغ الأصلية تدهورة. بعد في آثار تلوين بكم تمثال محفوظ منيح.

العصور الوسطى

edit
  • مع إنو اليوم مأمول العمر أعلى بكتير من تبع العصور الوسطى وقبلا، مأمول عمر البالغين بالعصور الوسطى ما كانة بالتلاتينيات والأربعينيات. هيدا كان مأمول العمر أول ما يخلق الواحد، وهي كانة تقللّا كترة وفيات البيبيات والمراهقين. مأمول العمر عند البالغين أعلى بكتير. مثلًا، فيو يتوقع واحد عمرو ٢١ سنة بإنجلترا بالعصور الوسطى إنو يعيش للـ٦٤.
  • ما كنة تعتقد العلما الأوروبية بالعصور الوسطى إنو الأرض مسطحة. العلماء كانة تعرف إنو الأرض كروية من ٥٠٠ سنة قبل الملاد أو حتى قبل.
  • مش "كريستوفر كلومبوس" يللي كتشف إنو الأرض كروية. كان الدعم لرحلتو قليل لأن كان في قلق إنو جزر الهند الشرقية كانت أبعد مما "كريستوفر" فكر، وبالواقع "كريستوفر" قدر حجم الأرض أقل بكتير من حجما الحقيقي لأن عمل غلطتين حسابية.

الحديثة المبكرة

edit
  • "كريستوفر كلومبوس" مش أول شخص أوروپي راح ع قارة أميركا.
  • القصة المألوفة تبع كيف وقعِت التفاحة ع راس "إسحاق نيوتن" ألهمتو لَيعمل أبحاث بطبيعة الجاذبية هي تقريبًا ع الأكيد مش دقيقة. "نيوتن" بس قال إنو إجتو الفكرة هو وقاعد «بمزاج تأمُلي» و«ألهَمتو وقعت تفاحة».

الحديث

edit
  • "ناپليون" ما كان قصير بالنسبة لرجال فرنساوي بعصرو. كان طولو متوسط لرجل فرنساوي بـ١٨٠٠، بس قصير بالنسبة لأرستقراطي أو ضابط. بعد ما مات بـ١٨٢١، تسجل طولو ٥ أقضام فرنساوية وإنشين، يللي بالمقيسات الإنجليزية ٥ أقدام و٧ إنشات (متر وسبعين). في تفسيرات متنافسة لسبب تلقيبو بـ"العريف الزغير" (le Petit Caporal)، واحد من الإحتمالات هو إنو اللقب كان يستعمل كمصطلح محبب. وكمان كان "ناپليون" يضل مع حراسو، يللي كانو يتنقو من ورا طولن، فمعقول إنو ساهم هيدا بتبينو قصير نسبيًا.
 
أبو الهول

علوم وتكنولوجيا وماط

edit

علم الفلك ورحلات الفضا

edit
  • ما في ولا دليل علمي إنو حركة النجوم والكواكب وغير أجرام سماوية بتأثر ع مصايِر البشر. وتثَبَت كذا مرة إنو علم التنجيم ما بفسر ويتنبا شو رح يصير بالمستقبل.
  • رواد الفضا بالمدار ما عندن وزن يَأَنون بحالة سقوط، مش يَأَنون كتير بعاد عن الأرض فصارة جاذبيتا كتير قليلة؛ بمحطة الفضا الدولية، جاذبية الأرض تقريبًا ٩٠ بالمية من ما هي ع صطح كوكب الأرض.
  • الجانب البعيد من القمر بيتلقى نفس كمية الضو من الشمس قد الجانب القريب.
  • الثقوب السودا عندا نفس التأثير الجاذبية متل غير كتلات من نفس الأحجام. بتجذب الأجسام القريبة منا بنفس الطريقة والقوة والمسافة يللي غير أجسام بتجذب فيا — إلا بالمسافات يللي كتير قريبة من الثقب الأسود. إذا ستبدلة الشمس بثقب أسود من نفس الكتلة، ما بتتأثر مدارات الكواكب. فيو الثقب الأسود يسحب تدفقا كبيرا من المواد المحيطة، بس بس إذا كان النجم يللي تشكل منو كان أصلًا بيعمل هيك.
  • الفصول مش نتيجة قروب الأرص ع الشمس بالصيف؛ هي نتيجة تأثيرات الميل محور الأرض ٢٣,٤ درجات. بِتميل كل نص كرة نحو الشمس بالصيف تبعا (تمّوز بنص الكرة الشمالي وكانون التاني بنصف الكرة الجنوبي)، وهيدا بطَول الإيام وبزيد أشعة الشمس المباشرة، والعكس صحيح بفصل الشِتا. بتوصل الأرض للنقطة الأقرب للشمس بمدارا بكانون التاني، وبتوصل لأبعد نقطة من الشمس بتمّوز، وبالتالي إنحراف المداري عكس اتجاهات درجات الحرارة بالفصول يللي بنص الكرة الشمالي. يمكن يأثِر الإنحراف المداري على درجات الحرارة، بس هيدا التأثير كتير زغير ع الأرض.
    • الشمس بيضة، مش صفرة، بس بتبين صفرة أو أورونج أو حمرا هي وعم تشرق أو تغيب من ورا تَشَتن الغلاف الجوي.
      • نموذج الإنفجار العضيم ما بفسر بشكل كامل أصل الكون. ما بفسر كيف تسببت الطاقة والزمان والمكان؛ بفسر ظهور الكون الحالي من حالة أولية كتير كثيفة ودرجة حرارتا كتير عالية.
    • الوَطَويط مانا عمية. سبعين بالمية من أنواع الوَطَويط بتعوز تحديد المواقع بالصدى (echolocation) لتتنقل، بس كل أنواع الوَطَويط عندا عيون بتِقدَر تشوف فيا.

بيولوجي

edit
    • بعكس ما بتقول الخرافة الأخلاقية تبع الضفدع المغلي، الضفدع ما في ينطّ برات المي المغلية لأن بموت فيا قبلما يقدر ينطّ. وكمان إذا نحط الضفدع بمي عم تسخن، رح ينطّ قبلما توصل لدرجات ما في يعيش فيا.
    • الفيران ما كتير متحب الجبنة، وبس بتكلا إذا ما عندا خير أحسن. الفيران بتفضل الأكل الحلو والسكري. معقول إنو إجا هيدا الإعتقاد لأن قبل إختراع البرّادات، كانة تنحط الجبنة برا، وين كان فيا الفيران تيكيلا بسهولة.
      باز أحمر الذيل
      العقاب الرخماء
       
      العقاب الرخماء
      الصرخة الجريئة والقوية المرتبطة عادةً بالعقاب الرخماء (bald eagle) هي بالواقع صرخة باز أحمر الذيل. أصوات النسر الأصلع ناعمة أكتر، وبتشبه نداءات النورساوات.
    • النعام ما بتحط راسا بالرمل لتتخبا أو لتنام.
    • بشرة الحربائيات مش بس تطورة ليعمل كاموفلاج، ولا حتى فيا تغير بشرتا لتتناسب مع لون كل الخلفيات.
    • النبتات يللي بتاكل لحمة فيا تعيش بلا أكل، بس أكل الحشرات بتدعم نموا.
  • دوار الشمس مش ديمًا بتتجه لعند الشمس، بس بالمراحل الإبتدائيّة، قبلما تطلع روس الزهور، الفرّخ بيلحق الشمس.
  • .الفطر والعفن وغير فطريات منا نبتات، مع إنو أسلوب حياتن قريبة ع تبع النباتات. التصنيف التاريخي للفطريات كنبتات ما بقى يستعمل. بتفرجي الأدلة الجزيئية الحديثة إنو الفطريات أقرب ع الحيوانات من النباتات.
  • كلمة "نظرية" بـ"نضرية التطور" ما بتعني إنو في شك إذا التطور بِصير. بالعلم، مفاهيم النظرية والفرضية عندا معاني محددة. النظرية العلمية عندا غير معنا عن كلمة "نظرية" بالإستعمال العامي. النظرية العلمية مسطلح يستعمل لا يوسف مجموعة مبادئ يللي بتفسر ظاهرة بكلمات بدل قواعد. التطور هو نظرية بنفس الطريقة يللي نظرية الجاذبيّة ونظرية جرثومية المرض هني نظريات.
  • ما بِتجرب نظرية التطور تفسر أصل الحياة أو أصل الكون وكيف تطور. نظرية التطور بشكل رئيسي بتتعامل مع التغيّرات يللي بتصير بالأجيال الجاية مع مرور الوقت بعد ما نشأت الحياة. النموذج العلمي لأصل الكائنات الحية الأولى بيعتمد على جزيئات عضوية أو غير عضوية وبيتسمى بالتولد التلقائي، والنظرية الشائعة لشرح تطور الكون في وقت مبكر هي نموذج الانفجار العظيم.
  • التطور مش تقدم من كائنات نوعا سيء لكائنات نوعا أحسن، وكمان مش بالدروري التطور بعمل الكائنات معقدة أكتر. التطور من خلال الاصطفاء الطبيعي بيعمل الكائنات الحية متناسبة أكتر مع بيئتا.
  • بالتطور، العبارة "البقائ للأقوى" ما بتعني الأقوى جسديًا؛ القوة البيولوجية هي المقياس الكمّي للنجاح التناسلي الفردي.
  • التطور ما بخطط يحسن قدرة الكائنات الحية إنو تبقا عيشة.
  • ما تطور الإنسان من ولى نوع عايش من الشمپانزية أو القرود. تطور البشر والشمبانزي من سلف مشترك، يللي كان عايش من بين ٥ و٨ ملايين سنة.
  • الإنسان حياوان، مع إنو بالمعنا العام كلمة "حيوان" بتنعاز كعكس "إنسان".

شِيمي

edit

تكنولوجيا

edit
  • حط التلفون يللي كان بماي برز مش فعال بتظبيطو.

إقتصاد

edit
  • نسبة النمو السكاني عم بتنقص ومتوقع إنو كمية سكان العالم توصل للحد الأعلى بقرن الـ٢١. ومتوقع إنو التحسينات بالإنتاجية وبالتكنولوجا الزراعية يقدر يلبي الطلب المتزايد ع الموارد، وهيدا بيعني إنو سيناريو الإنفجار السكاني إحتمال بعيد.

علوم الأرض والبيئة

edit

جسم الإنسان والصحة

edit
  • شرب البنزين ما بعوز علاج طارئ بشكل عام، طالما فات ع المعدة ومش ع الرَوايا. إستفراغ البنزين فيو يزيد الخطورة.
  • الرجال والنساء عندا نفس كمية الأضلاع: ٢٤، أو ١٢ جوز. من المعقول إنو إجة الفكرة الخاطئة إنو النساء عندا ضلع واحد أكتر من قصة الخلق الكتابية تبع آدم وحوا.
     
    صمغ ع مساحة قطن
  • إستعمال مساحات القطن (coton-tige) بقناة الدنين ما عندو فوائد طبية وبِشَكل مَخاطر طُبية.

مرض وصحة

edit
  • الإنفلونزا والرشّح بتسببا ڤيروسات، مش الحرارة الواطية، بس السقعة فيا تضعّف قوة جهاز المناعة وإذا حدا مصاب بالإنفلونزا أو الرشح فيا تبلش تبين عوارضو بعد ما يتعرض لَحرارات واطية. في أسباب عديدة لإنتشار الڤيروسات بالشتوية، ومنا الهوا الجاف، وقلة دَوَران الهوا بالبيوت، وتَقضية وقت أكتر جوا، وقلة مستويات ڤيتامين "دي" عند البشر بالشتوية.
  • في إتّفاق علمي إنو الأكل الموجود حاليًا يللي مشتق من المحاصيل المعدلة وراثيًا (GMO) ما بشكّل خطر أكبر من الأكل التقليدي بشكّل ع صحة الإنسان.
    • مش ضروري شرب لِترين أو تلات لِترات مَي للمحافَظة ع الصُحة. كمية المَي العِيِزا كل شغص مختلفة من ورا عوامل متل الوزن والنِظام الغذائي ومستوى النشاط والملابس والحرارة والرطوبة. مش دروري تِنشَرَب المَي بشكل نقي، وفيا تجي من السوائل متل العصير والشاي والحليب والشوربة، إلى آخره، وكمان من الأطعمة، يللي بتشمل الفواكة والخضرة.
    • السِكَر ما بهيپر الولاد، حتا إذا عندن "أي دي إتش دي" (ADHD؛ إضطراب نقص الإنتباه وزيادة الحركة).
    • النظام الغذائي عند النباتية (ڤيغِن أو ڤَجِتارين) فيو يكون فيو پروتينات كافية للتغذية الكافية، بس عايز مكملات (supplements) ڤيتامين "بي ١٢"، بصير في نقص بڤيتامين "بي ١٢" لـ80 بالمية من النباتيين يللي ما بتاخد مكملات. يللي ما بياكل منتجات الحيوانات عندو خطر نقص الفيتامينات "بي ١٢" و"دي" والكالسيوم والحديد وأحماض أوميغا ٣ الدهنية، وأوقات اليود. الڤيغن معرض كمان لخطر قلة كثافة المعادن بالعظام إذا ما أخد مكملات المغذّيات المذكورة قبل.
    • العَلكة يللي بتِنبلع ما بتضل سبع سنين لتنهضم؛ بتمرق بالجهاز الهضمي بنفس معدل غير مواد.
      • الجَزَر ما بقوي النضر.

التكاثر والسكس

edit
  • سائل الحيوان المنوي المنطلق بپسين ما في يحبل حدا. المي المكلورة دغري بتقتل خلايا الحيوان المنوي (sperm) وما بتخليا تعيش وقت كافي ليفوت ع المهبل.
  • غياب الغشاء البكارة مانو دليل إنو معمول سكس إحتراقي، لأن تمزق غشاء البكارة معقول يكون نتيجة غير أحداث، وبتولد نساء بدونا.
  • حجم الإيد وحجم الإجر مش مرتبطين بحجم العضو الذكري، بس يمكن طول الأصابع مقرنتًا مع بعضا مرتبطا بحجم العضو ذكري.
  • مع إنو الحبل من سكس بين ولاد العموم والخوال عندو مخاطر عيوب خلقية (birth defects) أعلا، هيدي الخطورات مبالغة أوقات كتيرة. الخطر هو بين ٥ و٦ بالمية (متل تبع الحبالة بالأربعينيات)؛ الخطر عادةً بين ٣ و٤ بالمية. آثار انحدار زواج الأقارب، مع إنو بَعدو زغير مُقارنةً بغير عوامل (ومن هيك صعب السيطرة عليا بتجربة علمية)، بتصير واضحا أكتر إذا نعُزلة ونحفاظ عليا لكذا جيل.

الجلد والشعر

edit
  • الشعرات والظافير ما بتطول بعد الموت، بس بتبين إنو عم تطول لأن الجلدة بتجفف وبتزم من كعب الشعرات والظافير.
  • حلاقة الشعر ما بخلي يطلع أطخن أو أغمق، الشعر يللي مش مقصوص أبدًا عندو راس ناعم، وبعد القص، بسير راسو حاد وببين إنو أسمك وأخشن؛ الشعر القصير أقل مرونة (flexible) من الشعر الطويل، وهيدا كمان بساهم بهيدا التأثير.
  • ما بيطلع حَب الشباب من ورا قلة نظافة أو أكِل الأكِل المِدهن؛ بيطلع مِن ورا الوِراثة (genes)، بس معقول بتسَوِءا الأدوية أو الأنظمة الغذائية الغنية بالكربوهيدرات.
  • قِشّرة الراس مانا نتيجة قلّة نظافة، بس قلّة غسيل الشعر بيعملا ملحوظة أكتر. الأسباب الدقيقة لقشرة الراس مش مؤكدة، بس يعتقد إنو ع الأرجح عوامل وراثية وبيئية.

إختراعات

edit
  • "توماس إديسون" ما خترع اللمبَة، بس عمل أول لمبة تطبيقية بـ١٨٨٠ (بستِعمال خيوط الخيزران المتفحمة)، قبل وقت قصير من "جوزيف سوان"، يللي خترع لمبة فعالة أكتر بـ١٨٨١ (بستعمال خيوط السليلوز).
  • "هنري فورد" ما خترع لا السيارة ولا خط التجميع. كتير حسن عمية خط التجميع، وعمل الـ"فورد موديل تي"، أول سيارة كلفتا مش كتير عالية. بس "كارل بنز" (مؤسس المشارك لـ"مرسيدس بنز") خترع أول سيارة عصرية، وخط التجميع كان موجود عبر التاريخ.

ماط

edit
  • الفيلسوف اليوناني "فيثاغورس" مش أول شخص كتشف المعادلة تبع نظرية فيثاغورس (Pythagorean theorem)، بس معقول إنو هو أول شخص بِعَرف اليونانيين ع المعادلة.
  • مع إنو بتبين أقل، العلامة العشرية يللي عادةً بتنكتب كـ"…٠,٩٩٩" هي عالقد نفس الكمية قد الرقو ١، بنفس الطريقة يللي ١/٣ و"…٠,٣٣٣"هني نفس الكمية.

إضطرابات نفسية

edit
  • الطعم ما بقدي للتوحّد.
  • خلل القراية (dyslexia) مانو معَرّف ك، وما بيتشخص من ورا، الكتابة المعكوسة أو قراية الأحرف أو الكلمات بالقلب، لأن هيدي التصرفات موجودة عند كتير ولاد (مع خلل القراية وبدون) هية وعم تتعلم القراية والكتابة. خلل القراية هو إضطراب بالنمو العصبي للأشخاص يللي ذكاها متوسط أو أعلا ويللي ما بتتفسر الصعوبة يللي بلاقوّا بالذكا القليل.
  • أذى النفس بشكل عام منو تصرف بيسعى لجذب الإنتباه. عادةً يللي بيأذو نفسن واعين كتير ع جروحاتن وندوباتن وبحسو بالذنب من ورا سلوكن، فبجربو كتير إنو يخبو جروحاتن عن غيرن. أوقات بيعطو تفسيرات بديلة لَإصاباتن، أو بيخبو أثر جروحن تحت ملابسن.

دماغ

edit
  • دماغ الإنسان ما بيوصل لنضج كامل بعمر معين (متل ١٨ أو ٢١ أو ٢٥). بتوصل كم قدرة عقلية للحد الأعلا وبتبلش تنقص حول أعمار التخرج من المدرسة، وبالوقت نفسو بتوصل غبر قدرات للحد الأعلا بعد أعمار التخرج (متل الأربعينيات أو بعدا).
  • العالم ما بتستعمل بس ١٠ بالمبة من عقلا. مع إنو صحيح إنو بس أقلية زغيرة من الخلايا العصبية يللي بالدماغ منشطة، العقل الصحي بينشط كلو خلال يوم واحد، والخلايا المش ناشطة كمان مهمة. فكرة تنشيط ١٠٠ بالمية من الدماغ ليحقق شخص أعلا إمكاناتو أو يكتسب غير قدرات نفسية شي شائع بالفولكلور والقصص الخيالية، بس بالحقيقة هديا ع الأرجح بأدي لنوبة قاتلة.

حَواس

edit
  • البيبيات بتحس بالوجع.
     
    خريطة مش صحيحة للسان بتفرجي المناطق تبع الذوق المر (1) والحامض (2) والمالح (3) والحلو (4). بس بالحقيقة، فيا كل المناطق تدوق كل الذواق، وكمان في طعم أومامي يللي مانو محطوط.
  • كل الطعمات بتنداق بكل أجزاء اللسان. خريطة اللسان يللي بتفرجي غير شي مش صحيحة.
  • في أكتر من أربع أذواق أساسية. في المر والحامض والمالح والحلو وكمان الأومامي. بتتفاعل الدهون مع مستقبلات معينة بخلايا براعم الذوق، بس مش معروف إذا بتعتبر ذوق أساسي سادس.
  • الإنسان عندو أكتر من الحواس الخمسة. بتتراوح بين ٥ وأكتر من ٢٠ كمية الحواس بحثب تصنيفات مختلفة. زيادة عن النظر والشم والذوق واللمس والسمع (الحواس يللي حددا "أرسطو") فيا البشر تحس بالتوازن والتسارع، والألم، ووضع الجسم والأطراف، ودرجة الحرارة النسبية. غير حواس يللي أوقات محددة عند العالم هية أحساسن بالوقت، وتحديد الموقع بالصدى، والحكة، والضغط، والجوع، والعطش، وإمتلاء المعدة، والحاجة للتفنتر، والحاجة للخري، ومستويات ثاني أكسيد الكربون بالدم (CO2).
  • حاسة الشم عند البشر مانا ضعيفة مقرنتًا مع غير حيوانات. البشر عندن حاسة شم قريبة لحاسة شم غير ثدييات (mammals)، والبشر حثاثة لكم ريحة أكتر من الكلاب.

تَنَقل

edit
  • ما فيو مثلث "برمودا" حطام سفينات أو حالات إختفائ أكتر من أغلبية الممرات يللي بالمي.
  • ما بتنكب قصدًا زبالة كرسة الحمام يللي بالطيارة هي وعم بتطية؛ في ترانات بتكبا هي وماشية، بس الترنات الجديدة يللي بتعمل هيك بالبلاد المتقدمة قليلة.

مصدر

edit

هيدي الصفحة مترجمة من أجزاء من الصفحة الإنگليزية: [١]