غرب اسيا هي اقصى غرب منطقة في قارة اسيا، انفصل من افريقا من قناة سويس ومن اوروبا من مضيق البسفور وجبال القوقاز الكبرى. مع انّه حدودها بالشرق مش محدودة بالتحديد، بعتبرو انّه اسيا الوسطى بتبلّش من شمال شرق ايران واسيا الجنوبية بتبلّش من جنوب شرق ايران. في غرب اسيا فيه كمان عدة مناطق ازغر اللي هي الأناضول، القوقاز، بلاد الشام، بلاد الرافدين والجزيرة العربية. البحور حوال غرب اسيا هي البحر المتوسط، البحر الأسود، البحر الأحمر، بحر قزوين، بحر العرب وخليج فارس. مع انّه غرب اسيا بوسع الدول اللي عادًة بعتبروها كمنطقة الشرق الأوسط، كمان بوسع دول بعتبروها غير الشرق الأوسط، اللي بكل الأحوال اسم غامض معناه تغيّر عبر التاريخ، بينما غرب اسيا تعيين جغرافي تحديد.
حجم كامل غرب اسيا تقريبا 6 ملايين كيلومتر مربّع وعدد السكّان فيها تقريبا 313 مليون. الدول اللي بعتبروها موجودة بغرب اسيا هي تركيا، جورجيا، ارمينيا، اذربيجان، ايران، العراق، الكويت، سوريا، لبنان، فلسطين، الأردن، السعودية، قطر، الإمارات، عُمان، اليمن، بلدين جزريين اللي همّه قبرص والبحرين، واخيرًا مصر عشان شبه جزيرة السناء. اكبر دولة بالمنطقة هي السعودية والتانية ايران، بس بالنسبة لعدد السكّان اكبر دولتين همّه ايران وتركيا اللي التنين عندهم 83 مليون بالزبط. ازغر دولة بالمنطقة البحرين و بعدين قبرص، بس بالنسبة لعدد السكّان البحرين (1.6 مليون) عندها اكتر شوي من قبرض اللي عنده اقل عدد بالمنطقة (1.2 مليون).