Wp/apc/الولايات المتحدة

< Wp‎ | apc
Wp > apc > الولايات المتحدة

الولايات المتحدة الأميركانية، أو إختصارًا أميركا (بالإنجليزية: United States of America)، هي جُمهُورِيّة دُستُورِيّة إتِحادِية فيا ٥٠ وِلاية. بتوقع مُعظمها للولايات المتحدة بوسط أَميركا الشمالِيَّة، وين في ٤٨ وِلاية، والعاصِمة وَاشِنطُن بين المُحِيط الهادِئ، والمُحِيط الأطلسي، وبتحدا كندا منالشمال والمَكسِيك منالجنوب. بتوقع وِلاية أَلاسْكا بالشّمال الغربِيّ من القارّة، وبتحِدا كندا منالشرق ورُوسيَا منالغرب من خلال مَضِيق بيِرينغ، بسّ وِلاية هاواي، يلي تُعتَبَر أرْخَبيل، بتوقع بوسط المُحِيط الهادِئ، كمان بتضُم الدّولة عدد من اَلأَراضِي والجُزُر بالكاريبي والمُحِيط الهادِئ.

الوِلايات المتحدة تالِت أكبر دولة مَساحةً (٩.٨٣ مَليون كم٢)، وتالت أكتر دولة بحثب عدد السكان (٣٠٧ مَليون). وبتتميَّز الوِلايات المتّحدة بتنوُّعا العِرقي والثَّقافة الكبير، وهيدا نَتِيجة الهِجرة الكبيرة عليها من بِلدان مِختلفة.

الإقتِصَاد الأميركاني يُعتبَرُ أكبَر إقتِصَاد وطَنِي بالعالَم: بيتقدر الناتج المحلي الإجمالي (GDP) لَـ٢٠٢٠ بــ٢٠.٣ تريليون دولَار أمركاني (١٥.٩٣ بالميّة من المَجموع العالمِيّ لَـ٢٠١٩).

سكن الإنسان المنطَقة الجغرافيّة يلي بتشَكل هلأ الوِلايات المتحدة الأميركانية لأوّل مرّة بأواخِر العَصر الجليدي الأخير أو بعدو بفَترة قصيرة، بعد ما عبرت قبايل بتنتمي للعُنصُر المُغُولِيّ، أو الأصفر، مَضِيق بيِرينغ من شمال آسيا بواسطة أَلاسكا واتجهت للجنوب هي وعم بتأمِن حَياتها، وشكّلو هني الأمِركانيين الأصليين. الإستعمار الأوروبي الجديد بلش أولًا مع الإسبان، بعدين إنتقل للإنجليز، يلي بلشو يفكرو بإستعمار المناطق يلي اليوم بتشكل الساحل الشرقي للولايات المتحدة بعهد الملكة إليزابيث الأولى، يلي حكمة بالنص التاني من القرن الـ١٦ كلو، وخاصةً بعد تدمير الأسطول الإسباني الجبّار بـ١٥٨٨.

مصدر

edit

الصفحة مترجمة من أول جزء من صفحة ويكيبيديا العربي النحوي للولايات المتحدة: ٢٥ أيلول ٢٠٢٣ [١]