Usem Akadi (òrere Akkadian language me uket-chieen̄) ìre Usem ebi Sem agan̄ Mbum-ura [Eastern Semitic language] eyi òchechep (kpeyaka ikitumu chereyi), eyi mgbọ ekitumube me Mesopotemia ukot ikaan̄ (me Akadi, Asiria, Isin, Lasa mè Babilọnia) bene me òso mileniọm ita SK mege inire emen òso senturi jeeta SK mgbọ Oka Usem Aram [Old Aramaic] onibọkọ irek usem Akadi yi me etete ebi Mesopotemia.
Usem Akadi okan ichit me etete ebi kè usem ebi Sem ekọtbe irọ inye ibe ke mîkup me atikọ [earliest attested Semitic language]<ref3>. Ekisa ubọk abichi Kunifọm ige. Kunifọm yi, edasi isa ige Usem Sumà eyi kpeyaka ikitumu chereyi. Egwen usem Akadi ibak Akadi, òrere isi-isi ere ichili-chieen̄ eyi Mesopotemia okigba iyak [centre of civilisation] me emen mgbọ Ijọn̄ Ubọọn̄ Akadi (i.ò. 2334–2154 SK) osìkbe ikup.