Urọk kè Esòp ìre tiin̄tiin̄ [collection] asabọn urọk egwenbe ibak Esòp, ogwu òkore ogwu usun̄ mè usọ òkpa urọk me Giris Ukot Ikaan̄, ogwu òluk ugwem me etete 620 mè 564 SK.
Asabọn urọk chi, etitiin̄ inan̄a me orọmijọn̄ ikọ-otu [oral traditions]. Kpetitiin̄ urọk chi mege inu òso efit acha ita orakabe me lek mkpa kan̄. Ike mgbọ orakabe ikeyi, ebi ene mîbene ikigwen esese esese mbele mè urọk [proverbs] ibak ọmọ, ubọk geelek îrebe ke usini inu cha ekigwen ibak ọmọ îwuulek ikup sabum ọmọ oniman, sà usini onan̄a me ebi kè ofifi ido mè orọmijọn̄ ikarege eyi ebi Giris. Mege inire cherekeyi, ebi ene ekpọkpọ ikitap urọk isọkọ ibe ke îre ọmọ oto, ubọk geelek usini echi ekitap isọkọ chi kpewuwuulek ikup sabum emen 1300 re 1500 cha [Late Middle Ages]. Ebi ene ekpọkpọ ikitap urọk isọkọ, ubọk geelek usini urọk cha esibibe egwe inen mè inen chi gaalek, mèlek si, usini urọk cha mîriọọn̄ ebi ìgege.
Nrọnnye