Pitom (òrere Pithom me Ebeke) ìre ama-ile òkup me Ijipiti Ukot Ikaan̄. Owuwa inu egebe òwa egebe me usem Giris ukot ikaan̄, usem Rom<ref3> mè me emen Ikpa Mbuban Eyi Iburu ofolek ama-ile yi, ire, kpechubọk iriọọn̄ achubọk ere îkupbe.
Erieen̄ ama-ile yi ìnan̄a me lek ikọ yi פיתום (Pithom) me usem Iburu, eyi ònan̄a me lek *Pi-ʔAtōm me usem Ijipiti eyi mgburudun̄ [Late Egyptian], eyi ònan̄a me lek *Par-ʔAtāma me usem Ijipiti oka mgbọ) òsisibi "Uwu kè Atum."
Pitom eyi Ikpa Mbuban edit
Ike Isisibi 1:11 otumube, Pitom ìre ge me etete ama isun̄-inu cha eyi ebi Ijeren ìkup me usun̄ enamabe inyi ogwu Fero ogwu òkitutuku ema. Ama keyilọ ìre Rameses; Sepituajinti [Septuagint] îtap òso ama ita "On, òrere Eliopọlis" isọkọ me lek ama-ile cha. Esa erieen̄ usem Iburu igwen ama chi. Me emen Ikpa Mbuban eyi Ogwu Ubọọn̄ Jemis, ekpa iwele ibe ke ama cha ìre ama ekisa isun̄ inu unye otu ewe; me Ikpa Mbuban eyi Ekpọkbe Ige ebe ke îre ama isun̄-inu. Ire, Ikpa Mbuban eyi Sepituajint ebe ke îre ama enamabe ònye kire mgban akọn̄. Ikpa Mbuban usem Obolo ibe îre ama isun̄-inu.