Wp/ann/Erumfaka Orọmijọn̄ Afirika

< Wp‎ | ann
Wp > ann > Erumfaka Orọmijọn̄ Afirika

Erumfaka Orọmijọn̄ Afirika (òrere African Traditional Religion me usem Ebeke) ìre esese esese òjelek nchieek [beliefs] mè ubọk irọ-inu ebi Afirika, echi ògbaan̄ me lek ike ema ekisa ifaka mfaka mè iriaak awaji kiban̄. Ubọk irọ-inu me emen erumfaka chi îwene me otoko re otoko; owuwa kiban̄ si ìre erumfaka otoko [ethnic religions]. Me owuwa ere, erumfaka chi kpekaan̄ ikpa mbuban [scripture], kpan̄asi ikeya, ekisa otu otu – me urọk, okwà mè ijọk – ijeen̄ orọmijọn̄ ìkup me emen erumfaka chi inan̄a me ukot ire ukot. Ema echieek me lek owuwa awaji echi asabọn mè ilile, usini erumfaka mîchieek me lek òrom òkakaan̄ unye ichit, mè ìre unye òbebene ichit, ichieek me lek ekwukwu, ikinyi ebi ìkwakwaan̄ umin, ikisa <magic> irọ inu, mè ikisa <traditional African medicine> igwa orukan̄.


Nrọnnye edit