Anambira (òrere Anambra me ubọk ige-inu eyi Uket-chieen̄) ìre ama-mkpulu ge òkup me agan̄ osiki mbum-ura me ido Naijiria. <ref3> Echili ama-mkpulu yi me 27 Ọgọs 1991. <ref4> Ama-mkpulu ìkukup ikana ọmọ ìre Delita me agan̄ ichep-ura, Imo me agan̄ osiki, Enugu me agan̄ mbum-ura, mè Kogi me agan̄ inyọn̄ <ref5>
Sa me etip ònan̄a me lek orirọ ifuk-ene eyi acha 2006, otu-ifuk ene ìluluk me ama-mkpulu yi mîwa iraka efie 4.1. Erom ama-mkpulu yi isibi me oka Ama-mkpulu Etete agan̄ Mbum-ura. Egwen ọmọ ibak Okwaan̄ Omambala, okwaan̄ òkilibi itibi me emen ama-mkpulu yi.
Anambra ìre ike ekigwen erieen̄ okwaan̄ ya me otu usem ebi Uket-chieen̄.<ref 7,8> Ama-ibot kan̄ ìre Ọọka [Awka], ama-ile òkigwat lek itibi imin eyi otu-ifuk ebi ìluk me emen otibibe imin inan̄a me inu môsobe 300,000 isi ire inu òwawa ìraka efie ene ita me etete acha 2006 mè 2020. Ama-ile Ọnicha, òkore ama mgba-uji akarake emen mgbọ mkpulu usun̄, ìkpọkpọ ikire ebon mbubek òsibi isi me ama-mkpulu yi. <ref 9>