Akpatan̄ nden̄ ìre okwukwut ikwaan̄ òkisa <electronics> ibọkọ nkwa-etip [data] itap, mè ikisi ikwaan̄ me lek, mè isun̄ inwọn mè ìre isan̄a isibi ijeen̄. Nkwa-etip ìre asabọn etip kubọk ifuk [numbers], ikọ, mè onineen̄ inu [list]. Akpatan̄ nden̄ ibọbọkọ nkwa-etip itap ìre ifufuk asabọn etip inan̄a me lek akpọk-nge, mè ìre òbeme-etip [storage device] kubọk <hard drive> mè ìre ògban̄-ere [sensor]. Akpatan̄ nden̄ ìkirọ ikwaan̄ me lek nkwa-etip igọọk me lek nteme òkup me emen ekwu.
Nteme akpatan̄ nden̄ ìre onineen̄ ebi kè nteme [instructions] eyi akpatan̄ nden̄ okigọọk mgbọ ibonwene nkwa-etip. Nteme chi okitap ubọk inyi akpatan̄ nden̄ irọ ifuk, mè ìre inwene nkwa-etip mè ìre iben ema inan̄a me ere ge isi isun̄ me ufi ere. Isirọ isan̄a, môsun̄ nkwa-etip ya inwọn me emen òbeme etip, mè ìre isan̄a ijeen̄ me isi akpatan̄ nden̄ mè ìre iria ijet ufi akpatan̄ nden̄. Mêkọt igugọbọ [connect] owuwa akpatan̄ nden̄ isun̄ ge isa iman <network> kire <internet>. Eyi mônenirọ ibe ikup mfufet akpatan̄ nden̄ cha ikekikpa usem ge mè ge.
Òsi-ikwaan̄ [processor] òkup me akpatan̄ nden̄, ekisa <integrated circuit (chips)> òkaan̄ owuwa <transistors>, irom. Owuwa akpatan̄ nden̄ ìre <digital>, eyi òsibi ibe ke ema ekisa nkwa ifuk eyi ebon iba ijeen̄ etip. Akpatan̄ nden̄ ìkup me esese esese mbet mè oke, igọọk me lek ike erombe [model] mè inu erombe inyi. Mîkaan̄ echi asabọn kubọk ọkpọk etip òriọọn̄ inu mè akpatan̄ nden̄ inyọn̄ ukot; mè ikaan̄ si echi ilile kubọk akpatan̄ nden̄ òkaan̄ unye [supercomputers].