Akọn̄ ofiik (1947-1991) ìre emen mgbọ cha etim okupbe me etete Mgbanriaak Amerika mè ebi ìkirọ ọmọ inye me agan̄ ge; mè Mgbanriaak Sọviet mè ebi ìkiro ọmọ inye me agan̄ keyilọ. Inu yi ìmono irek me mgbọ Akọn̄ Linyọn̄ 2 otabe, mè mgbọ Mgbanriaak Sọviet orọn̄be.< ref 1, 2> Egwen ibe îre Akọn̄ Ofiik mije mgbaan̄-nrọ eyi ebi Mgbanriaak Amerika mè ebi Mgbanriaak Sọviet îjijaka ire lek ema metimbe akọn̄, ire, ema kpechubọk itim akọn̄ isi-me-isi. Kpan̄asi ikeya, ema ekup me irak ikibeen̄ ebi ufi ife inye ibe etim akọn̄ ya, ire, ema kperia achubọk ebi akọn̄ kiban̄ isibi isi akọn̄. Me emen mgbọ Ofiik Akọn̄ yi, agan̄ iba chi mînama urum akọn̄ kiban̄ inye mè isan̄a owuwa ayaya nroon̄ akọn̄ mè usọ-ikwaan̄ òkukup inye igak eyi adasi mgbọ. Ema agan̄ iba mîje enun̄unun̄ ikikpọ lek kiban̄, mè ikitap ukpook me lek kiban̄.