Agan̄ Ama-ibot Ido (òrere Federal Capital Territory me usem Uket-chieen̄) ìre agan̄-mkpulu eyi òkup inyi mkpulu ido [Federal govt], òkup me agan̄ etete me Naijiria. Abuja òrere ama-ibot Naijiria, ìkup me agan̄ yi. Efieek ijọn̄ me lek oka ama-mkpulu Kwara, Naija, Kaduna mè Pilatu isa ichili ama-mkpulu yi me 3 Sepitemba, 1976;<ref4> agan̄ ilile me lek ijọn̄ esabe ichili agan̄ yi ìnan̄a me lek ama-mkpulu Naija. Agan̄ yi ìkup me agan̄ inyọn̄ etete me Naijiria. Ìkup me agan̄ inyọn̄ me lek usọk-okwaan̄ eyi Okwaan̄ Naija mè Okwaan̄ Benuwe. Ama-mkpulu ìtatap ikana ọmọ ìre Naija me agan̄ ichep-ura mè agan̄ inyọn̄, Kaduna me agan̄ inyọn̄ mbum-ura, Nasarawa me agan̄ mbum-ura mè agan̄ osiki, mè Kogi me agan̄ osiki mbum-ura. Esese òkup me etete agan̄ yi mèlek ebi kè ofifi ama-mkpulu me ido yi ìre ke ama-mkpulu cha mîkaan̄ ogwu ibot ama-mkpulu egobobe sa me orirọ igobe-ene, ire, ogwu òkikpulu agan̄ keyi ìre ogwu otuchieen̄ ogwu ibot mkpulu ido ogobobe.
Mfufuk edit
Ekechili Agan̄ Ama-ibot Ido yi sa me ida-ikan [promulgation of decree] òso 6 enyibe me acha 1976. Echili ọmọ mije îkupbe me uyọt ibe eweek ere òbobọbọkọ irek ama-ibot eyi Ama-ile Legọs mije Legọs înwaan̄ [congested], ere òsisik eyi mêkọtbe inama iwele ìkayaka ìmin. Ere yi egobobe kire aya ama-ibot ìre ijọn̄ ebi Gwari mgbọ ya, lek ijọn̄ ya si ìkakup me irak otoko ita cha ìmimiin̄ ichit (ìrere Awusa, Igbo mè Yoruba). Ọmọ ore ama-mkpulu ene esebe ichit me emen me Naijiria.
Ida-ikan eyi òso 6 eyi 1976 ya înyi mkpulu ido [Federal govt] unye me lek ijọn̄ òkup me emen agan̄-mkpulu yi. Sabum mkpulu ido onibọkọ lek ijọn̄ agan̄-mkpulu ya, ebi ene mîse me agan̄ mkpulu ya mè iluk ida ibọkọ si [sparsely populated]; ene 120,000 eluk me emen asabọn ama 840; owuwa me lek kiban̄ cha ere ebi Gwari.<ref6> Mîsan̄a ebi ìkiluk me lek ijọn̄ ya ifo ebi kè ama cha ìkukup igbet agan̄ ya, kire Suleja me Ama-mkpulu Naija mè Niyu Kashi [New Kashi] me Nasarawa.
Agan̄ edit
Ebi FCTA (Federal Capital Territory Administration) ekikpulu agan̄ yi sà ebi FCDA (Federal Capital Development Authority) ekikpọ chieen̄ me lek inanama ere mè <infrastructure>.<ref9> Okike ijọn̄ Agan̄ yi okaan̄be ìre 7,315 km². Otu-ifuk ene ìluluk me emen ìrw 2,238,800 ene me acha 2016. Ìkaan̄ ama-mkpulu ijija gweregwen gaalek, ìrere:
Usem edit
Ebi kè usem ekitumube me Agan̄ Ama-ibot Ido igọọk me Ama-mkpulu ija:[1]
| Ama-mkpulu Ija | Ebi kè Usem |
|---|---|
| Abaji | Dibo; Gupa-Abawa, Ebira, Ganagana |
| Abuja | Gade; Gbagyi, Nupe, Hausa |
| Bwari | Gwandara; Ashe; Gbagyi |
| Gwagwalada | Gbari, Egibra, Awusa |
| Kuje | Gade; Gbagyi |
| Kwali | Gwandara; Gbagyi; Ebira, Kami, Ganagana, Nupe, Awusa |
Mîktumu usem Awusa iwa enenen me Agan̄ Ama-ibot Ido yi.[1]