Wp/apc/الصفحة الرئيسية

ويكيبيديا شامي هو مشروع موسوعة حرة أي حدا ممكن يساهم بكتابتها.

سياسات و إرشادات ● نقاش المجتمع ● مقدمة ● توحيد الكتابة ● فضي الكاش

لتاريخ اليوم, ٢١ كانون الأول ٢٠٢٤ ميلادي فيه ٢٬٧٠٥ مقالة ع ويكيبيديا شامي مكتوبة بالشامي.

فيه إحتمال إنو الصفحة اللى عم تدور عليها موجودة, لهيك ممكن تدور عليها أو تعملها إذا مالقيتها.

ممكن تعمل مقالة جديده هون

بالأخبار

مسار إعصار شيدو

بفرنسا، دومينيك بيليكوت و 50 واحد تاني تم إدانتون بجريمة اغتصاب جماعي بحق طليقتو جيزيل بيليكوت.
زلزال بقوة 7.3 ضرب عاصمة فانواتو، بورت فيلا، و إتسبب بمقتل على القليل 16 شخص.
إعصار شيدو (مسارو بالصورة) قتل على القليل 123 شخص بجنوب أفريقيا.
رئيس كوريا الجنوبية يون سوك يول تم عزله بعد ما أعلن حالة الطوارئ العسكرية.

أرشيف الأخبار

بهاد اليوم

21 كانون الأول

طاقم أبولو 8

1620 – الحجاج على متن سفينة "مايفلاور" وصلو للمكان اللي هو اليوم بلدة بليموث، ماساتشوستس، لحتى يأسسو مستعمرة بليموث.
1963 – محاولة من الشرطة القبرصية اليونانية لتفتيش شوية نساء قبرصيات تركيات بنيقوسيا صارت أزمة و إتصاعدت لعنف بكل الجزيرة، و أدى لمقتل 538 شخص و تهجير تقريباً 27 ألف شخص.
1968 – أبولو 8 انطلقت من مركز كينيدي الفضائي بفلوريدا باتجاه القمر، و طاقمها (بالصورة) صارو أول بشر بيزورو جسم سماوي تاني.
1988 – قنبلة انفجرت على متن طيارة بان آم الرحلة 103 فوق بلدة لوكربي، سكوتلندا، و قتلت 270 شخص.
2018 – عناصر من وحدة القوارب الخاصة البريطانية دخلو على سفينة الشحن "غراند تيما" بمصب نهر التايمز لحتى يقبضو على أربع متسللين هددو الطاقم.

بهاد الشهر

بلاد الشام أو سوريا القديمة، أو سوريا الطبيعة (باليوناني: Σύρια)؛ و (باللاتيني: Syria)؛ بنقول عليها سيريا، هي اسم قديم لمنطقة من بلاد الشام بتطل على البحر المتوسط و لحد بلاد الرافدين.

اليونانيين كانو بيقولو "سورية" على المنطقة اللي على البحر المتوسط، و بتشمل كل بلاد ما بين النهرين و المنطقة الخضرا كلها و شوي لحد أرمينيا. حتى الروماني فلينيوس كتب عن هالشي. و اسم سورية بيجي من كلمة "آسورية" متل ما قالو العلما اليونان و الرومان، و حتى العلما اليوم بيقولو هيك.

بعد ما الفرس سيطرو على بلاد ما بين النهرين، صارو يقولو "سورية" على المنطقة اللي كانت تحت حكم السلوقيين و الرومان، يعني من البحر المتوسط للفرات. و هيك عرفها العرب من زمان قبل الإسلام و لغاية اليوم.

اليوم الناس كلن بيفكرو إنو الشام هي سوريا و لبنان و الأردن و فلسطين، و مناطق تانية متل اسكندرون اللي صارت بتركيا. بس أنطون سعادة بيقول إن الشام أكبر من هيك، بيقول إنها كل المنطقة الخضرا و سينا و قبرص كمان. أما العرب من زمان كانو بيقولو إنو الشام بتبلش من دومة الجندل.

بلاد الشام

شو هي ويكيبيديا؟

ويكيبيديا هي موسوعة رقمية، بتشتغل بأكتر من لغة، و محتواها مفتوح و مجاني. أي حدا بيقدر يعدّل فيها حتى بدون ما يسجل حساب، و أي حدا بيقدر يستفيد من المحتوى و يستخدمه لأغراض تجارية أو مو تجارية حسب رخصة الموسوعة. فيه منها 317 نسخة بلغات مختلفة. آلاف الزوار من كل أنحاء العالم بيعملو تعديلات، و بينشئو مقالات جديدة بشكل يومي.

ويكيبيديا (بتنلفظ [wi:ki:bi:dija:] و بيلحنوها أحياناً ‎[wikipi:dia]‎) هي كلمة جاي من مقطعين: "ويكي" من لغة هاواي اللي معناها "سريع"، و "بيديا" من كلمة "موسوعة" بالإنجليزية "encyclopedia". ويكيبيديا هي موسوعة متعددة اللغات مبنية عالإنترنت، و محتواها حر. بيشغلها مؤسسة ويكيميديا، اللي هي منظمة مو ربحية. ويكيبيديا هي موسوعة مفتوحة، يعني أي حدا بيقدر يعدل، يحرر، و يضيف مقالات جديدة.

بدأ مشروع ويكيبيديا بـ 15 كانون التاني 2001 ليكون مكمل لمشروع تاني اسمه نيوبيديا، اللي كان بيشتغل عليه محررين خبرا. بس بسبب بطء تطور نيوبيديا، قرر جيمي ويلز و لاري سانجر إنو يعملو مشروع مفتوح جديد لدعمه، و هو ويكيبيديا.

ويكيبيديا

النسخة هي من ويكيبيديا مكتوبة بالشامي, في نسخ تانية كتير من ويكيبيديا بلغات تانية و النسخ الأكبر هي: