Wp/aii/ܝܫܘܥ

ܝܫܘܥ ܡܫܝܚܐ ܐܝܟ ܪܥܝܐ ܛܒܐ

ܝܫܘܥ ܡܫܝܚܐ ܐܘ ܝܫܘܥ ܢܨܪܝܐ ܝܠܗ ܦܪܨܘܦܐ ܩܢܛܪܘܢܝܐ ܕܬܘܕܝܬܐ ܕܡܫܝܚܝܘܬܐ، ܡܫܝܚܝ̈ܐ ܟܐ ܡܗ̈ܝܡܢܝܢ ܕܝܫܘܥ ܝܠܗ ܐܠܗܐ ܕܠܒܝܫ ܠܗ ܦܓܪܐ ܕܒܪܢܫܐ، ܝܫܘܥ ܝܗܘܕܝܐ ܗܘܐ ܗܘܐ ܒܫܪܒܬܗ ܘ ܝܠܝܕ ܡܢ ܡܪܬܝ ܡܪܝܡ ܘܐܬܐ ܠܗ ܡܢ ܡܕܝܢܬܐ ܕܢܨܪܬ ܒܓܠܝܠܐ ܘܥܡܝܕ ܠܗ ܒܐܝܕ̈ܬܐ ܕܝܘܚܢܢ ܡܥܡܕܢܐ ܘܨܠܝܒ ܥܠ ܙܩܝܦܐ ܒܐܘܪܫܠܡ ܒܙܒܢܐ ܕܫܠܝܛܐ ܪܗܘܡܝܐ ܦܢܛܝܘܣ ܦܝܠܛܘܣ ܘܩܝܡ ܠܗ ܡܢ ܡܘܬܐ ܘܐܣܝܩ ܠܗ ܠܫܡܝܐ ܘܝܬܝܒ ܠܗ ܥܠ ܝܡܢܐ ܕܒܒܗ܀

ܫܪܫܐ ܕܫܡܐ

ܫܡܐ ܕܝܫܘܥ ܐܬܝܐ ܝܠܗ ܡܢ ܠܫܢܐ ܐܪܡܝܐ ܘܥܒܪܝܐ ܘܣܘܟܠܗ ܝܠܗ ܐܠܗܐ ܦܪܘܩܐ، ܒܕܝܬܝܩܝ ܚܕܬܐ ܘܒܐܘܢܓܠܝܘܢ ܕܠܘܩܐ (1؛26-33)، ܡܠܐܟܐ ܓܒܪܐܝܠ ܟܐ ܐܡܪ ܠܡܪܬܝ ܡܪܝܡ ܕܕܪܝܐ ܫܡܐ ܕܝܫܘܥ ܥܠ ܒܪܘܢܗ، ܘܒܐܘܢܓܠܝܘܢ ܕܡܬܝ (1؛21) ܚܕ ܡܠܐܟܐ ܟܐ ܐܡܪ ܠܡܪܝ ܝܘܣܦ "ܘܠܐ ܕܕܪܝܬ ܠܗ ܫܡܗ ܝܫܘܥ ܡܛܠ ܕܒܕ ܦܪܩ ܥܠܡܐ ܡܢ ܚܛܝ̈ܬܗ".

ܡܫܝܚܐ ܣܘܟܠܗ ܝܠܗ ܗܘ ܕܡܫܝܚ ܘܡܪܝ ܦܛܪܘܣ ܒܐܘܢܓܠܝܘܢ ܕܡܬܝ (16؛16) ܟܐ ܡܘܕܐ ܘܟܐ ܐܡܪ "ܐܢܬ ܝܘܬ ܡܫܝܚܐ ܒܪܘܢܐ ܕܐܠܗܐ ܚܝܐ".

ܫܫܠܬܐ ܙܒܢܢܝܬܐ ܕܚܝܐ ܕܝܫܘܥ

ܫܢܬܐ ܕܝܠܕܬܐ

ܣܓܝ ܡܠܦܢ̈ܐ ܟܐ ܡܣܙܓܪܝܢ ܥܠ ܫܢܬܐ ܕܝܠܕܘܬܗ ܕܝܫܘܥ ܕܗܘܝܐ ܒܝܢ ܫܢ̈ܐ ܕ6 ܘ4 ܩܡ܊.

ܫܢ̈ܐ ܕܣܒܪܬܐ

ܐܝܬ ܣܘܙܓܪܐ ܕܝܫܘܥ ܡܫܘܪܐ ܠܗ ܣܒܪܬܗ ܐܝܡܬܝ (ܐܝܡܢ) ܕܥܘܡܪܗ ܝܗܘܐ ܬܠܬܝܢ ܫܢ̈ܐ ܘܗܠ ܡܘܬܗ ܠܡܬܚܐ ܕܬܠܬܐ ܫܢ̈ܐ.

ܫܢܬܐ ܕܡܘܬܐ

ܝܫܘܥ ܦܝܫ ܠܗ ܨܠܝܒ݂ܐ ܒܓܓ݂ܘܠܬܐ ܒܝܘܡܬ̈ܐ ܕܦܢܛܝܘܣ ܦܝܠܛܘܣ ܒܝܢܬ (ܒܝܠ) ܫܢ̈ܐ ܕ33 ܘ36 ܠܡܫܝܚܐ.

ܚܝܐ ܘܡܠܦܢܘܬܐ

ܐܪܒܥܐ ܣܒ݂ܪ̈ܬܐ (ܐܘܢܓܠܝܘܢ ܕܡܬܝ ܘܕܡܪܩܘܣ ܘܕܠܘܩܐ ܘܕܝܘܚܢܢ ) ܝܠܗ̈ܝ ܡܒܘܥܐ ܪܫܝܐ ܕܚܝ̈ܐ ܕܝܫܘܥ، ܡܢܬ̈ܐ (ܣܗܡ̈ܐ) ܐܚܪ̈ܢܐ ܕܕܝܬܝܩܝ ܚܕܬܐ ܐܝܟ݂ ܐܓܪ̈ܝܬܐ ܕܦܘܠܘܣ ܫܠܝܚܐ ܟܐ ܚܒ݂ܫܝ̈ܢ ܚܠܩܝܬ̈ܐ ܐܢܢܩܝ̈ܐ ܡܢ ܚܝ̈ܐ ܕܝܫܘܥ ܐܝܟ݂ Wp/aii/ܚܫܡܝܬܐ ܐܚܪܝܬܐ (ܐܟ݂ܠܪܡܫܐ ܐܚܪܝܐ).

ܒܝܬܝܘܬܐ ܘܡܘܠܕܐ

ܒܝܬܝܘܬܐ ܘܡܘܠܕܐ ܕܝܫܘܥ ܦܝܫ ܠܗ ܕܟ݂ܝܪܐ ܒܐܘܢܓܠܝܘܢ ܕܡܬܝ ܘܕܠܘܩܐ.

ܐܘܢܓܠܝܘܢ ܕܡܬܝ ܟܐ ܡܫܪܐ ܒܕܟ݂ܪܐ ܕܒܝܬܝܘܬܐ ܕܝܫܘܥ ܘܟܐ ܡܕܟ݂ܪܗ ܒܝܬܝܘܬܐ ܕܝܫܘܥ ܡܢ ܐܒ݂ܪܗܡ، ܐܠܐ ܐܘܢܓܠܝܘܢ ܕܠܘܩܐ ܟܐ ܡܕܟ݂ܪ ܒܝܬܝܘܬܐ ܗܕܐ ܒܩܦܠܘܢ ܕܬܠܬܐ ܘܟܐ ܡܫܪܐ ܡܢ ܐܕܡ.

ܐܘܢܓܠܝܘܢ ܕܠܘܩܐ ܟܐ ܡܫܪܐ ܡܢ ܩܕܡ ܡܘܠܕܐ ܕܝܫܘܥ ܘܟܐ ܡܬܒ݂ ܡܪܝܡ ܐܝܟ݂ ܩܢܛܪܘܢ ܕܡܘܠܕܐ، ܐܠܐ ܐܘܢܓܠܝܘܢ ܕܡܬܝ ܟܐ ܟܬܒ݂ ܥܠ ܓܕܫ̈ܐ ܡܢ ܡܘܠܕܐ ܘܒܬܪܗ، ܠܦܘܬ ܐܢ ܬܪܝܢ ܐܘܢܓܠܣܛ̈ܐ ܝܫܘܥ ܦܝܫ ܠܗ ܝܠܝܕܐ ܡܢ ܝܘܣܦ ܘܡܪܝܡ ܛܠܒܬܗ ܒܡܕܝܢܬܐ ܕܐܘܪܫܠܡ ܘܡܪܝܡ ܝܗܘܐ ܒܬܘܠܬܐ ܘܦܝܫ ܠܗ ܒܛܢܬܐ ܡܢ ܪܘܚܐ ܕܩܘܕܫܐ.

ܫܒܪܘܬܐ ܘܫܘܓܠܐ

ܡܕܝܢܬܐ ܕܢܨܪܬ ܒܓܠܝܠܐ ܝܠܗ ܡܕܝܢܬܐ ܕܪܒ݂ܠܗ (ܓܘܪܘܣܠܗ) ܒܗ ܝܫܘܥ ܐܝܟ݂ ܐܘܢܓܠܝܘܢ ܕܡܬܝ ܘܕܠܘܩܐ، ܦܝܫ ܠܗ ܕܟ݂ܝܪܐ ܝܘܣܦ ܓܒ݂ܪܗ ܕܡܪܝܡ ܒܝܠܕܘܬܐ ܕܝܫܘܥ ܐܠܐ ܠܐ ܦܝܫ ܠܗ ܕܟ݂ܝܪܐ ܒܬܪ ܟܢ (ܗܕܟ݂ܐ݂)، ܝܘܣܦ ܝܕܝܥܐ ܝܗܘܐ ܒܨܢܥܬܐ ܕܢܓܪܘܬܐ. ܐܘܢܓܠܝܘܢ ܕܠܘܩܐ (6؛3) ܟܐ ܕܟ݂ܪ ܝܫܘܥ ܐܝܟ ܢܓܪܐ ܘܒܥܝܕܐ ܕܕܪ̈ܐ ܩܕܡܝ̈ܐ ܦܝܫ ܠܗ ܝܫܘܥ ܐܣܝܪܐ ܥܡ ܫܘܓܠܐ ܕܩܝܣܐ ܘܟܐ ܕܟ݂ܪ ܩܕܝܫܐ ܝܘܣܬܢ ܣܗܕܐ ܕܝܫܘܥ ܥܒܕ ܗܘܐ ܢܝܪ̈ܐ ܘܩܩܢ̈ܐ.

ܡܥܡܘܕܝܬܐ ܘܢܣܝܘܢܐ

ܐܡܝܢܐܝܬ (ܒܟܘܠ ܥܕܢ̈ܐ) ܟܐ ܦܝܫ ܕܟ݂ܝܪܐ ܝܘܚܢܢ ܡܥܡܕܢܐ ܘ ܬܫܡܫܬܗ ܩܕܡ ܡܥܡܘܕܝܬܐ ܕ ܝܫܘܥ ܒ ܐܘܢܓܠܝܘܢ̈ܐ، ܝܘܚܢܢ ܟܐ ܡܟܪܙ ܗܘܐ ܠ ܐܢܫ̈ܐ ܠ ܬܝܒܘܬܐ ܘ ܥܘܝܢܐ (ܗܝܪܬܐ) ܕ ܦܩܝܪ̈ܐ (ܡܣܟܢ̈ܐ) ܟܕ ܗܘܐ ܗܘܐ ܡܥܡܘܕܐ ܐܢܫܐ ܥܠ ܢܗܪܐ ܕܝܘܪܕܢܢ ܘ ܡܣܒܪ (ܡܫܚܕ) ܗܘܐ ܒ ܐܝܬܝܬܐ ܕ ܝܫܘܥ ܟܕ ܐܡܪ ܗܘܐ ܕ ܚܕ ܒܘܫ ܚܝܠܢܐ ܡܢܝ ܒܕ ܐܬܐ ܕܠܐ ܛܐܒܢ (ܕܩܪܢ) ܕ ܛܥܢܢ ܡܣܐܢܗ (ܨܘܠܗ)، ܒܬܪ ܦܠܛܐ ܕ ܝܫܘܥ ܡܢ ܡܝܐ ܫܡܝܐ ܟܐ ܦܬܚܐ ܘ ܚܕ ܩܠܐ ܡܢ ܫܡܝܐ ܟܐ ܐܡܪ "ܗܢܐ ܝܠܗ ܒܪܘܢܝ ܚܒܝܒܐ ܕܒܗ ܐܢܐ ܦܨܚ ܠܝ (ܚܕܝ ܠܝ)" ܘ ܪܘܚܐ ܕܩܘܕܫܐ ܢܚܬ (ܨܠܐ) ܠܗ ܥܠ ܝܫܘܥ ܐܝܟ ܝܘܢܐ. ܒܬܪ ܥܡܕܐ ܕ ܝܫܘܥ، ܐܘܢܓܠܝܘܢ̈ܐ ܟܐ ܡܚܟܝ (ܗܡܙܡܝ) ܥܠ ܦܠܛܗ ܠ ܡܕܒܪܐ (ܒܪܝܐ) ܘ ܬܡܢ ܨܡܠܗ ܐܪܒܥܝܢ ܝܘܡ̈ܐ ܡܢ ܡܐܟܘܠܬܐ ܘ ܫܬܝܬܐ، ܘ ܡܢ ܒܬܪ ܗܕܟܐ ܐܬܝ ܠܗ ܣܛܢܐ ܠ ܥܒܕܐ ܕ ܚܕ ܢܣܝܘܢܐ (ܓܘܪܒܐ).

ܣܒܪܬܐ

ܝܫܘܥ ܥܘܡܪܗ ܗܘܐ ܩܘܪܒܐ ܕ ܬܠܬܝܢ ܫܢ̈ܐ ܐܝܡܢ ܕ ܡܫܘܪܐ ܠܗ ܣܒܪܬܗ ܐܝܟ ܐܘܢܓܠܝܘܢ ܕܠܘܩܐ، ܘܣܓܝ ܚܫܒܝ ܕ ܗܕܐ ܗܘܐ ܒܝܢܬ ܫܢ̈ܐ ܕ 27 ܘ29 ܠܡܫܝܚܐ، ܘܦܪܩ ܠܗ ܣܒܪܬܐ ܗܕܐ ܒܝܢܬ ܫܢ̈ܐ ܕ 30 ܘ 36 ܠܡܫܝܚܐ. ܡܫܘܪܐ ܠܗ ܝܫܘܥ ܠ ܣܒܪܬܗ ܒ ܝܗܘܕܐ ܩܘܪܒܐ ܕ ܢܗܪܐ ܕ ܝܘܪܕܢܢ ܒ ܡܥܡܘܕܐ ܕ ܝܘܚܢܢ ܡܥܡܕܢܐ ܘܫܠܡ ܠܗܿ (ܦܪܩܠܗܿ) ܒ ܚܫܡܝܬܐ ܐܚܪܝܬܐ (ܐܟ݂ܠܪܡܫܐ ܐܚܪܝܐ) ܡܢ ܬܠܡܝܕ̈ܘܗܝ ܒ ܐܘܪܫܠܡ.

ܡܠܦܢܘܬܐ ܘܟܪܘܙܘܬܐ

ܡܘܕܥܢܘܬܐ ܘܚܙܘܐ

ܫܒܬܐ ܐܚܪܝܬܐ، ܕܒܩܬܐ ܘܕܝܢܬܐ ܘܡܘܬܐ

ܩܝܡܬܐ ܡܢ ܒܝܢܬ ܡܝܬ̈ܐ ܘܣܠܩܬܐ ܠܫܡܝܐ