Wp/agx/Гьерф уч хьуна кканде

< Wp‎ | agx
Wp > agx > Гьерф уч хьуна кканде

Районин ветеринарный къулугъчибири фидегьен курар, дарманар акьучира, маларикес инсанарикди кедиша бруцеллез агъа иттал тарг акьас мехIелди хьунадава, кедиша мункин- велара агьала аме. Удигь вахттари малдарвелди лихантардала иттар вейдавуйи, гьал бицIи шинуьккаракехIей иттар ве, кьацIара маларигьди гьучудушуттар. Инсанари агъа сара хье маларин духтурари вахт амии хъучавейдава, итталар дахьас маларис рубар атайдава пуна. Мишттира идефхьасе. Амма инсанди гьерти учи фикир акьуна кканде, гьавурди архьуна кканде эхIият учи акьуб лазиме пуна кедиша итталар дахьас, учи уч yxIac, учин биндиттара yxIac гьагиштин итталарифас. Хьес жаллабирис яга инсанарикес инсандикди бруцеллез агъа иттал кедишафтава, ге кедишафе иттал кея малдикес, гьамиштин итта малар андавай хьичин, инсанара иттархьасттава. Ичира хье райондиъ мехIелдис аме бруцеллез кея малар, жинар аркьай арта даруккуна, духтурари рукк агъайчира. Инсанар гъавурди архьуна кканефе, са маларин духтурарилди ме кар кIили гъас верефдава. Ме кар файшуна кканефе маишатарин хIаттари, хгурарин гьал цIае хьунае кавхабири, гьер са мал дин эйеси. Хьин хьежандин сагъвелдихъас фикир акьуна кканефе, гьерти учи уч ухIуна кканефе.