تونس، رسميا الجمهورية التونسية، هي دولة عربية جاية في شمال افريعيا في منطقت المغرب الاكبر وتحل عالبحر المتوسط. تونس عندها حدود مع الجزاير مالغرب ومع ليبيا مالشرق، وعندها زادا حدود بحرية مع اطاليا ومالطا في الشمال الشرقي. تونس عندها مواقع اثرية تاريخية ترجع للعهد القرطاجي في القرن السادس قبل الميلاد، وفما زادا برشا بلايص يرجعو للعهد الروماني، ووحيد اخرين تعملو في العهد الاسلامي ومنها جامع الزيتونة في تونس العاصمة وجامع عقبة بن نافع في القيروان. تونس مساحتها 163610 كيلومتر مربع، وعدد السكان هو قرابت 12.1 مليون. تونس فيها الطرف الشرقي للجبال الاطلس والطرف الشمالي متاع الصحرا الكبرا اللي تغطي جز كبير من جنوب البلاد، و باقي الاراضي متاع تونس صالحة للزراعة. الساحل متاع تونس اللي طولو قرابت 1300 كيلومتر هو الاقتران بين الجز الشرقي والجز الغربي متاع البحر المتوسط. تونس فيها اكثر نقطة شمال في افريقيا وهي راس انجلة في ولاية بنزرت. عاصمة تونس واكبر مدينة هي تونس العاصمة اللي فيها اكثر من مليون ساكن. اللغة الرسمية متاع تونس هي العربي، اما اكثر لغة يستعملوها هي التونسي، واللغة الفرنساوية مستعملة زادا برشا في التعليم والادارة.