هاي اسئله هواي اكو ناس يسئلون بيهه عله ويكيبيديا، واحنه جاوبنه عليهه.
بشكل عام
editيا ويكي هاذه؟
editالويكي مواقع علنت تخلي الناس يعدلون عله شغلات عالموقع. ويكيبيديا تشتغل عالويكي.
شني هاي ويكيبيديا؟
editويكيبيديا موسوعه مجانيه الناس كلهه تطور بيهه، عله قواعد معينه. اكو ويكيبيديا بهواي لغات، بمحتوى مختلف وقواعد مختلفه.
استخدام ويكيبيديا
editشلون ادور شغلات بويكيبيديا؟
editهواي ناس يروحون لويكيبيديا ويروحون عاليسره يلكه حقل البحث. ونضام الصنوف بيه فايده، راح تلكه جوه المقاله الصنوف اللي تنتميلهه المقالات.
اكدر اعدل؟
editاي، هله بيكم. قبل لا تعدل، كلش نوصيك تقره القواعد العامه واساسيات التعديل، ونوصيك تسوي حساب. اكو مرات يجي واحد يسوي تعديل، بس وراهه يلكه تعديله ماكو محذوف - يمكن تعديله مو غلط بس مخالف القواعد مالت ويكيبيديا.
اكدر احمل ويكيبيديا؟
editاي، اذه تريد تستخدم ويكيبيديا بدون نت. اكو طريقتين، وحده تنزلهه من متجر كوكل واذه عدك ايفون يعني اب ستور، ثاني وحده تنزلهه ملف. بالنسبة للنفرات الماعدهم خبره، هاي يمكن تصير شغله صعبه. راجع عمليات تفريغ البيانات بموقع ميتا.
شلون اسوي اقتباسات؟
editعاليسره (جوه "الشغلات") تلكه الرابط "مقاله اقتباس" الذي ينطيك مقترحات شلون تقتبس. اهم شي تذكر المقاله اللي تقتبسهه، ومو بس الاسم، الاصدار يتحدد حسب التاريخ.
اكدر استخدم المحتوه مال ويكيبيديا عله الموقع مالي (لو استخدمه بغير شغله)؟
editاي، بس لازم تذكر المكان الحصلت من عده المحتوه. بمعظم الحالات، يصير شي منطقي تربط من الموقع مالك لويكيبيديا.
الحكوك
editمنو مالك ويكيبيديا؟
editنطاق النت واسم "ويكيبيديا" والحاسبات اليتخزن بيهه كلشي كلهه عد مؤسسه ويكيميديا. هذه المنظمه المو ربحيه مسجله بولاية فلوريدا. المحتوه (مثلا الكتابات بالمقاله) ببلاش، ويخلي الناس كلهه تستخدمه عله ظروف معينه.
منو يدفع فلوس لويكيبيديا؟
editمحد، بس الناس اليردون يتبرعون خل يتبرعون.
منو الرئيس بهاي ويكيبيديا؟
editاصدارات ويكيبيديا تتمتع بالاستقلاليه. ذولي الناس السوو وطورو هاي ال١٣٠ مقاله بهاي ويكيبيديا، يكدرون يصوتون منو يصير اداري من عدهم. الاداري نوع من المسؤولين يكدر مثلا يحظر نفر اخلاقه مو زينه و يكدر يحذف مقالات. الاداري ما عده حكوك خاصه عالمحتوى.
منو عده مسئوليه عالمقالات؟
editتاريخ المقالة يخلينه نعرف منو كتب هيج ويمته كتب وشكتب. الاداريين يكدرون يتعرفون عالمستخدم اللي ما عده اخلاق ويهين ويخلي شغلات محميه بحقوق الطبع والنشر كل مره مره بدون محد يدري ويعاقبونه. مؤسسه ويكيميديا ما عدهه مسئوليه، لان توفر بس المنصه.
شنو الدور التلعب بيه ويكيبيديا العراقيه؟
editالفصول مستقله عله مؤسسه ويكيميديا. فرعنه المحلي العراقي يدعم ويكيبيديا من ترتيب اللقاءات والاعمال الترويجيه، بس مو مسئول عله محتوه ويكيبيديا، ولا مسئول علمحتوه الموجود بويكيبيديا العراقيه.
الجوده والموثوقيه
editاكو شغلات غلط بويكيبيديا؟
editصحيح، يمكن هم اكو شغلات غلط بمقالات ويكيبيديا. راح تلكه بالكتب، بالموسوعات المطبوعه، بالصحيفات. لا تصدك اي شي مكتوب، لا بويكيبيديا ولا بأي مكان ثاني. لهاذه السبب صار اكو شي بويكيبيديا اسمه "لازم تذكر المصدر اللي كتبت من عده معلوماتك".
منو يتحكم بمقالات ويكيبيديا؟
editويكيبيديا. مرات اليكتب مقاله يخليهه "بقائمه المراقبه" مالته. يجي واحد ثاني يعدل بيهه، هوه ذاك الكتب المقاله راح يلاحظ ويروح يشوف. هاي التجربه تخلي هالشي يشتغل زين. مو ضروري تتحقق من هالشي وتروح "تزوبل" بالمقاله - هاذه نسميه تخريب، و يمكن راح تنحظر لو تنطرد.
صحيح انتم همين تحذفون مقالات؟
editاي. مرات ما تتطابق المقاله (الجديده) وي القواعد. الناس حكهه تخليلهه نقاش عله حذف المقاله والاداري يقرر لو يحذفهه لو يخليهه. اكثريه المقالات التنحذف يسوونهه ناس عدهم نيه يخربون.