Kota Ambon, Barang Basudara Su Tau Deng Ambon To. Ambon ini katorang pung ibu negeri, Ambon ini kota paleng basar di Maluku.
Histori
editKota Ambon Tu Su Lama Ada, Berdasar deng banya literatur Ambon su mulai badiri Taong 1513 Tempo Orang-Orang Portugis Datang Biking Benteng Di Deka Honipopu. Wakto ito, orang-orang Spanyol da datang pula ka Ambong par susul orang Portugis yang da cari rempa-rempa macang : cengke, kuli puli deng pala, dorang ada lia dideka Portugis pung benteng ada banya orang-orang asli.
Spanyol datang ka Ambon dapa tentang dari Portugis yang su mulai bakuasa di Ambon, maka itu terjadi perang antara dorang dua yang mana orang-orang Spanyol kala deng seng bole bajual-badagang di Ambon. Mulai wakto ito, Portugis kas monopoli dagang par komoditi orang Maluku yang biking orang Maluku terutama di Ambong deng Saparua ada baku malawang deng Portugis.
Ada berapa tempo Holand lai ganti datang ka Ambon. Orang Holand kas hilang orang Portugis dari Ambon pung tana, Holand ganti jajah Ambon.
Kota Ambon
editLetak
editAmbon ito pulau (nusa) yang kacil sa. Letak e ada di pinggir selatang pulau Nusa Ina (pulau Serang). Ambon kota ada badiri di pulau bagiang selatang yang punya nama Leitimur. Dalang ilmu astoromi, Kota Ambong pung posisi yaitu : 3°-4° Lintang Selatang deng 128°-129° Bujur Timur.