Wp/aae/Juli Variboba

Juli Variboba (lëtisht Giulio Variboba, shqip Jul Variboba) u le në vitin 1725 e u vdiq në vitin 1788. Variboba ish një puet arbëresh çë shërbej shum pë literaturën arbëreshe.

Gjella

Familja

Variboba u le në Mbuzati, një katund arbëresh te Kozenxa, në një familja origjinalment ka Malakastra në u sud di l'Albania.

Të mësuarit

Studhjarti te seminari Korsini në Shën Benedhiti, ku mësojën zotërat e kljishës arbëreshe. Ki seminari u stis në vitin 1732 ka Papa Klementi 12 bëri shum shurbëtirë pë zvilupin kulturali të arbëreshëvet të Kalavrijës te sekulli 18 si e bërën te seminari i Palermës për arbëreshët siçilljanëra.

Aherna ai i përqej shum ritin lëti e jo ritin bizantin, e dej t'e ndrroj. Alura nëng ish shum populari. Mëtardu pse supurtarjë ritin lëti zëhej me kljishën në Rusani, partikularment kur shkruajti Papaut në Vatikani, ai jiki më para te Kampanja, Napulë, e pran në vitin 1761 rrij Romë finà kur vdiq.

Të shkruajturit

Dhopu se jarruri Romë në vitin 1762, shkruajti puemën "Gjella e Shën Mërisë Vigjër" (Ghiella e Shën Mëriis Virghiër). Qeu i vetmi libër arbëresh çë u publikarti në sekullin 18. Puemja të ti ka 4717 linja, e shkruajtur gjith në dialetin e Mbuzatit me shum fjalë me origjini kalavro-siçilljanë. Flet pë gjellën e Shëmbrisë di kur leu finà l'asuncjoni. Storia e puetit ish plot me atitudini polemiçi pë Kljishën, e mënd pincojëm se ka jetë plot me spiritualità e kontemplacjon, mënò puemja është shum lexhu e uzar temët e Kalavrijës pë shenat e Natallëvet e gjindet jan më shum lexhu se sa ato të Vangjelit.

Artikulla të lidhur

Xhirolami De Radhës