Kombiiteri yaanam gommodmaliyyô oyta culussuh, gexsitiiy, kobxisiyyaa kee yayyaaqoonuh edde yantifiqe maashini. oyti xaagi axcih ixximaamiiy, qangor kee rorsitte. oyti culma yaanam xaagi keyboardik kawsaanama, kobxissoh yahaaz kafin diraayiv innah, hinnay qarramtu. Kompiter gexsit hinnay oyti milaagah softiweer porograamih addat tan miracsentitte katayak. Kompiter porograam yaanam kompiter xayyoysam faxximta miracsentitte rorsa. Taddiiraari xeflih cisab cisaabitte, oyti yaysiiseenim, akkek dariifal yangayyeenim abta. oyti kobxissoh yahaazal daanimele, xayyoowul yanbulle, hinnay gersi kompiiter fan ruuba. Kompiiter ittat yangooroweenim retteemat axcih interneet, kompiiter ittat yangooroweenim xiqsissa.
Kompiiter gexsiise mango tiranzisteritte addat le maroytitte (chips) bicsaanam. Mango kompiiteritte xiyitaal kinni, toh yaanam nammaytakkoh ixximat xoqoysimak xaagi awlisan. Kompiiter baxaabaxsale weeloola kee giddakkiino le, birandiiy, ceelol kee hadafal rakitak. Oson qunxa kompiiteritte, axcih tayse silkittee kee laptoppitte, kaxxa kompiiteritte, axcih supper kompiiteritte fanah gexan.