【2010年1月15號訊】
續1月8號，今日香港立法會三節六個鐘辯論高鐵撥款，民主派議員就各大細事項問咗好多嘢，其由包括好多市民即場傳入嘅問題[1][2]，相關官員好多都答唔出，但承認669億都未必埋到單。場外10000幾反對者同100高鐵支持者各自集會。余若薇預料今晚未必表決，但聽朝就好可能通過。有個絶食旁聽者喺開會時暈低；會議暫停。休會後警察同反高鐵示威者衝突。絶食者同大會羣衆（估計過千人）一齊行去行政長官邸禮賓府唱歌同埋叫曾蔭權出來傾偈，打算集會到十二點。現場有攤檔，有水有嘢食。財委散會時亦有人包圍停車場要求對話。本來打算收工嘅電子媒體都留低。
