Wn/yue/特朗普：美國取消對香港嘅優惠待遇

【2020年07月15號訊】

當勞·特朗普簽署法案

美國總統特朗普簽署咗《香港自治法案》，並發佈行政命令，取消美國對香港嘅優惠待遇。特朗普表示，咁嘅決定係為咗懲罰中國對香港人民嘅壓迫行為。

特朗普話：「香港嘅待遇而家就同中國大陸一樣，冇特權，冇特殊經濟待遇，冇（美國）進口敏感技術。」佢預測，香港失去咗喺自由市場嘅競爭力。

港府指，特區政府會認真研究美國採取的措施是否違反世貿組織規則，不排除按照世貿組織規則採取行動，以維護香港的利益。重申，條例草案及行政命令的措施對香港的金融機構並無法律效力。律政司司長鄭若驊就批評咁嘅做法違反國際慣例，行政會議成員葉劉淑儀批評美國態度粗暴，侵犯香港高度自治。

喺北京，外交部強烈譴責美國嘅行為涉嫌嚴重干涉中國內政，中方將會對美方人員同其他相關人員進行制裁。

資料來源

• 特朗普簽署《香港自治法》 中方指將制裁美方相關人員，《無綫新聞》，2020年7月15號．
• 美國取消香港特殊待遇地位 鄭若驊批違反國際慣例，《無綫新聞》，2020年7月15號．
• 【港版國安法】特朗普簽行政命令改特區護照特殊待遇 促查封「破壞香港民主決策者」在美財產，《蘋果日報》，2020年7月15號．
• 美國取消對港優惠待遇包括出口許可豁免和特區護照優待，《Now新聞台》，2020年7月15號．
• 特朗普：視《香港自治法》條文不具法律約束力，《Now新聞台》，2020年7月15號．
• 特朗普簽署行政命令　取消香港特區護照持有人特殊待遇，《香港電台》，2020年7月15號．
• 律政司司長會見傳媒談話內容（只有中文），《香港特別行政區政府新聞公報》，2020年7月15號．
• 特區政府堅決反對香港自治法成為美國法律，《香港特別行政區政府新聞公報》，2020年7月15號．
• 香港自治法｜外交部反對《香港自治法》　稱將制裁美方人員，《明報》，2020年7月15號．
• 外交部声明，《中华人民共和国外交部》，2020年7月15號．