【2018年8月7號訊】
7月17號，香港警方去到香港民族黨召集人陳浩天屋企，遞上文件要佢簽收。保安局局長以國家安全為由，喺文件度引用《社團條例》第八條，擬禁止民族黨繼續運作，並要求陳浩天喺21日之内做出書面陳述，解釋之前嘅言論。今次係喺1997年香港主權移交以來第一次引用嗰條條例第八條。
香港民族黨批評，保安局行動係靠法律作掩飾，打壓香港獨立運動，純屬政治決定。多個團體發表聯合聲明，譴責保安局嘅做法。英國外交部亦都發表聲明，表示關注事件。另一方面，亦有團體去到警察總部遞信，表示支持保安局嚴正執法。
兩星期之後嘅31號，保安局應民族黨要求將限期由21日延長到49日（即係9月4號）。
資料來源 edit
- 香港民族黨批評政府打壓 靠法律作掩飾，《香港電台》，2018年7月17號．
- 主權移交後首引社團例第8條 保安局擬以國安理由取締民族黨 警登門通知陳浩天，《立場新聞》，2018年7月17號．
- 英國外交部關注香港民族黨事件 梁美芬歡迎警方做法，《香港電台》，2018年7月18號．
- 多個團體發聯合聲明譴責政府計劃禁止香港民族黨運作，《香港電台》，2018年7月19號．
- 保安局長將要求香港民族黨作書面申述期限延長至49天，《香港電台》，2018年7月31號．