ဝၼ်းဢႃးတိတ်ႉ၊ မေႇ 26၊ 2024
ငဝ်ႈငုၼ်းသိုၵ်း ပႅၼ်ႇတၵုၼ်ႇ ပိုၼ်ၽၢဝ်ႇဝႃႈ ၽွင်းလူင်ၵၢၼ်ၵႅတ်ႇၵင်ႈ ဢမႄႇရိၵၢၼ်ႇ လႄႈ ၽွင်းလူင်ၵၢၼ်ၵႅတ်ႇၵင်ႈၶႄႇ မီးတႃႇႁူပ်ႉထူပ်းၵၼ် တီႈ ပၢင်ၵုမ် Shangri-La Dialogue ဢၼ်တေ ၸဵတ်းႁဵတ်း တီႈ မိူင်းသိင်ႇၵႃႇပူဝ်ႇ တႇဢဝ် မေႇ 31 တေႃႇ ၸုၼ်ႇ 2 ၼၼ်ႉ ဝႃႈၼႆ။
ငဝ်ႈငုၼ်းသိုၵ်း ပႅၼ်ႇတၵုၼ်ႇ လၢတ်ႈဝႃႈ တီႈပၢင်ၵုမ် Shangri-La Dialogue ဢၼ်ၸွမ်ၽွင်းလူင် ၵၢၼ်ၵႅတ်ႇၵင်ႈ တင်းလူၵ်ႈ တေမႃးၶိုၼ်ႈႁွတ်ႈၼၼ်ႉ ၽွင်းလူင် Lloyd Austin လႄႈ ၽွင်းလူင်ၵၢၼ်ၵႅတ်ႇၵင်ႈၶႄႇ ၸွမ်သိုၵ်းလူင် တပ်ႉၼမ်ႉ Dong Jun ၶဝ် တေ ႁူပ်ႉထူပ်းၵၼ် ၼႆယဝ်ႉ။
ဢၼ် ၽွင်းလူင်ၵၢၼ်ၵႅတ်ႇၵင်ႈ ဢမႄႇရိၵၢၼ်ႇ လႄႈ ၶႄႇ ၶဝ်သွင်ၵေႃႉတေထူပ်းၵၼ်ၼႆႉ ၼႂ်းၵႃႈ ၶၢဝ်းတၢင်း သိပ်းပႅတ်ႇလိူၼ်ၼၼ်ႉ ၼႆႉပဵၼ်ပွတ်ႈဢွၼ်တၢင်းသုတ်းယဝ်ႉ။ ၽွင်းလူင် ၵၢၼ်ၵႅတ်ႇၵင်ႈ ဢမႄႇရိၵၢၼ်ႇ Austin ၼႆႉ မိူဝ်ႈဢေႇပရႄႇၼၼ်ႉ လႆႈလုၵ်ႉတီႈ ဢွၼ်ႇလၢႆးသေ ၵပ်းသိုပ်ႇ ၽွင်းလူင်ၵၢၼ်ၵႅတ်ႇၵင်ႈၶႄႇ ပဵၼ်ပွၵ်ႈဢွၼ်တၢင်းသုတ်းယဝ်ႉ။
ႁွင်ႈၵၢၼ်ၵႅတ်ႇၵင်ႈ လႆႈပိုၼ်ၶၢဝ်ႇ မိူဝ်ႈဝၼ်းသုၵ်းၼၼ်ႉဝႃႈ ၽွင်းလူင်ၵၢၼ်ၵႅတ်ႇၵင်ႈ Austin ၼႆႉ တေႁူပ်ႉထူပ်းပႃး ၽွင်းလူင်ၵၢၼ်ၵႅတ်ႇၵင်ႈ ၸိူဝ်းပဵၼ် မိူင်းဢေးသျႃးၸဵင်ႇၸၢၼ်းဝၼ်းဢွၵ်ႇသေၵေႃႈ တေႁဵတ်းပႃး ပၢင်ဢုပ်ႇဢူဝ်းၵၼ် ဝႃႈၼႆယဝ်ႉ။
တီႈၼႂ်းၶေႃႈပိုၼ်ၽၢဝ်ႇၼၼ်ႉဝႃႈ ၽွင်းလူင် ၵၢၼ်ၵႅတ်ႇၵင်ႈ ဢမႄႇရိၵၢၼ်ႇၼႆႉ ပေႃးယဝ်ႉတူဝ်ႈတီႈ သိင်ႇၵႃႇပူဝ်ႇ တေၵႂႃႇ မိူင်းၵမ်ႇပေႃးတီးယႃး ဝႃႈၼႆယဝ်ႉ။
ငိူၼ်ႈငဝ်ႈတိုၼ်း
edit- Tara Copp and Didi Tang. "US Defense Secretary Austin expected to meet with Chinese counterpart in Singapore" — AP News, May 25, 2024
- Agence France-Presse. "US, Chinese defense chiefs to meet following Taiwan tension" — VOA News, May 25, 2024
- Jesse Johnson. "U.S. and Chinese defense chiefs to meet next week, as military drills around Taiwan end" — The Japan Times, May 25, 2024
- Nhk. "Defense chiefs of US, China to meet during security conference in Singapore" — NHK, May 25, 2024
