ဝၼ်းၸၼ်၊ မေႇ 13၊ 2024
.svg)
.jpg)
ၽူႈမီးပုၼ်ႈၽွၼ်းၶဝ် မွၵ်ႇလၢတ်ႈ မိူဝ်ႈ မေႇ 12 ၼၼ်ႉဝႃႈ တီႈဢၼ်လွႆၽႆးတႅၵ်ႇ တီႈ ပွတ်းတူၵ်း မိူင်းဢိၼ်ႇတူဝ်ႇၼီးသျႃးၼၼ်ႉ ၽူၼ်ၵိုင်ႉၵၢင်ႉႁႃႇယႂ်ႇသေ ၼမ်ႉလႆႈၼွင်းလူၵ်ႈသေ ဢမ်ႇၵႃး ယွၼ်ႉပိူဝ်ႈ ၼမ်ႉၼႂ်းလွႆၽႆးဢၼ်ၵတ်းလၢင်ႉၼၼ်ႉ လႆႈလူင်းမႃးလႄႈ ၵူၼ်းဢၼ်လႆႈတၢႆၵႂႃႇ တီႈဢေႇသုတ်း ဢမ်ႇယွမ်း 12 ၵေႃႉသေ၊ ဢၼ်ႁၢႆဝႆႉတႄႉ မီးယူႇ သီႇၵေႃႉဝႃႈၼႆယဝ်ႉ။
ၽူႈၽူတ်ႇၸွႆႈၶဝ် မွၵ်ႇလၢတ်ႈဝႃႈ မိူဝ်ႈဝၼ်းသဝ်ပွတ်းၶမ်ႈ မွၵ်ႈ 10 မူင်းၶိုင်ႈၼၼ်ႉ ယွၼ်ႉပိူဝ်ႈ ၽူၼ်မႃးႁႃႇယႂ်ႇ မွၵ်ႈလၢႆလၢႆၸူဝ်ႈမူင်းၼၼ်ႉလႄႈ လုၵ်ႉတီႈ လွႆၽႆး မႃႇရႃႇပီႇၼၼ်ႉသေ ၵေႃႈ ဢၼ်ပဵၼ် ၼမ်ႉလွႆၽႆး ဢၼ်ၵတ်းၼၼ်ႉ လႆႈလႆလူင်မႃးလႄႈ ၸိူဝ်းပဵၼ်ဝၢၼ်ႈ Agam လႄႈ Tanah Datar ဢၼ်မီးတီႈ ပွတ်းတူၵ်းၵုၼ်ၵျႃႇဝႃးၼၼ်ႉ လႆႈပဵၼ် လွင်ႈၼမ်ႉလူၵ်ႈၼမ်ႉယႂ်ႇမႃးဝႃႈၼႆႉယဝ်ႉ။
ၼမ်ႉလွႆၽႆး ဢၼ်ၵတ်း ဢၼ်ဝႃႈၼႆႉ - မုၼ်ႈတဝ်ႈ ဢၼ်ၵိုတ်း ဝၢႆးသေ လွႆၽႆးတႅၵ်ႇယဝ်ႉၼၼ်ႉ ၽူၼ်မႃးသေ ဢဝ်ပဵၼ်ၼင်ႇ ၼမ်ႉဢုၼ်လိၼ်သေ လႆလူင်းၸူး တႂ်ႈလွႆၼၼ်ႉယဝ်ႉ။ တေႃႇထိုင်ယၢမ်းလဵဝ်တႄႉ ၼႂ်းၵႃႈၵူၼ်းတၢႆၵႂႃႇၼၼ်ႉ ၶဝ်ႈပႃး လုၵ်ႈဢွၼ်ႇ သွင်ၵေႃႉ၊ ၵေႃႉၼိုင်ႈ ဢႃႇယု 3 ၶူပ်ႇ လႄႈ ၵေႃႉၼိုင်ႈ 8 ၶူပ်ႇ လႄႈ ၵူၼ်းထႅင်ႈ ၵဝ်ႈၵေႃႉၵေႃႈ လႆႈႁူႉဝႃႈ ၶဝ်ပဵၼ် ၽူႈလႂ်ၽႂ်ယဝ်ႉ ဝႃႈၼႆ။
ၽူႈယႂ်ႇၽၢႆႇသွၵ်ႈႁႃၽူတ်ႇၸွႆႈ တီႈၼႂ်းပိုၼ်ႉတီႈ Abdul Malik လၢတ်ႈဝႃႈ လုၵ်ႉတီႈ ၵၢၼ်ငၢၼ်းၸိူဝ်းၼႆႉသေ တေသိုပ်ႇသွၵ်ႈႁႃ ၵူၼ်းၸိူဝ်းမီးဢသၢၵ်ႈယူႇၼၼ်ႉဝႃႈၼႆယဝ်ႉ။ တီႈၸႄႈတွၼ်ႈသွင်တီႈ တီႈၼႂ်းပိုၼ်ႉတီႈၼၼ်ႉ လႆႈပိုတ်ႇဝႆႉ ပၢင်သဝ်းၵၢၼ်ၽူတ်ႇၸွႆႈၶိုၵ်ႉၶၵ်ႉသေ ႁဵတ်းၵၢၼ်ၸွႆႈထႅမ်ဝႆႉယူႇ ဝႃႈၼႆယဝ်ႉ။
တီႈမိူင်းဢိၼ်ႇတူဝ်ႇၼီးသျႃး ၼႆႉ ပေႃးထိုင်ၶၢဝ်းၽူၼ်မႃးၼႆႉ လိၼ်ၵႆႉၵူၼ်ႇ လႄႈ ၼမ်ႉၵႆႉလူင်ႈယဝ်ႉ။
မိူဝ်ႈပီ 2022 ဢၼ်ၼမ်ႉလူၵ်ႈတီႈ ၵုၼ်သုမႃးတရႃးၼၼ်ႉၵေႃႈ လႆႈၶၢႆႉၽူတ်ႇဢဝ် ၵူၼ်း 24,000 သေ လုၵ်ႈဢွၼ်ႇသွင်ၵေႃႉ လႆႈတၢႆမႃးယဝ်ႉ။ ၽူႈတူင်ႉၼိုင်ႈ သိင်ႇဝႅတ်ႉလွမ်ႉၶဝ် တၢင်ႇတၢင်းၽိတ်းၼိူဝ် ဢၼ်ပႃႇထိူၼ်ႇပႃႇမႆႉ ႁၢမ်းမႃးလႄႈ ၸင်ႇလႆႈပဵၼ်မႃး ၽေးသၽႃႇဝ ႁၢႆႉၸႃႉၸိူင်ႉၼႆဝႃႈၼႆယဝ်ႉ။
ငိူၼ်ႈငဝ်ႈတိုၼ်း edit
- Cna. "Indonesia flood death toll rises to 41 with 17 missing: Disaster agency" — CNA, May 13, 2024
- Al Jazeera. "Death toll in Indonesian floods, volcanic mud flows rises to 41" — Al Jazeera, May 13, 2024
- Huaxia. "34 killed as lava floods hit Indonesia's West Sumatra" — Xinhua, May 12, 2024
