ဝၼ်းဢင်းၵၢၼ်း၊ ၸၼ်ႇဝႃႇရီႇ 30၊ 2024
ယွၼ်ႉပိူဝ်ႈဝႃႈ ထုၵ်ႇဢဝ် တရုၼ်းသေ တိုၵ်းလႄႈ သိုၵ်းဢမႄႇရိၵၢၼ်ႇ 3 ၵေႃႉ လႆႈတၢႆၵႂႃႇ တီႈ ၵျေႃႇတၼ်ႇ လႄႈ ၵပ်းၵၢႆႇလွင်ႈၼၼ်ႉသေ ၽၢႆႇဢမႄႇရိၵၢၼ်ႇ တိုၵ်ႉႁၢင်ႈႁႅၼ်း တႃႇတွပ်ႇတႅၼ်း ဢၼ်တေမီးၽွၼ်းႁၢဝ်ႈႁႅင်းၼၼ်ႉၼႆ ႁိူၼ်းၵႅဝ်ႈၶၢဝ်ႇ ဢမႄႇရိၵၢၼ်ႇ လႆႈမွၵ်ႇလၢတ်ႈ မိူဝ်ႈဝၼ်းၸၼ်ၼၼ်ႉယဝ်ႉ။
ယွၼ်ႉပိူဝ်ႈဝႃႈ ဢဝ်တရုၼ်းသေ တိုၵ်းသႂ်ႇတီႈ ဢွင်ႈတီႈ ဢၼ် ၵူၼ်းသိုၵ်းဢမႄႇရိၵၢၼ်ႇၶဝ်ယူႇသဝ်း တီႈ ၸဵင်ႇႁွင်ႇဝၼ်းဢွၵ်ႇၵျေႃႇတၼ်ႇ တီႈ ႁိမ်းလႅၼ်လိၼ် သီးရီးယႃးၼၼ်ႉလႄႈ ၵူၼ်းသိုၵ်းဢမႄႇရိၵၢၼ်ႇ 34 ၵေႃႉ လႆႈတၢင်းၸဵပ်းမၢတ်ႇၵႂႃႇယဝ်ႉ။ ၵဵဝ်ႇၵပ်းလူၺ်ႈ လွင်ႈတိုၵ်းဢၼ်ၼႆႉသေ ၸွမ်ၸိုင်ႈဢမႄႇရိၵၢၼ်ႇ ၵျူဝ်းပၢႆႇတႅၼ်ႇ လႆႈတၢင်ႇတၢင်းၽိတ်းၼိူဝ် ၸုမ်းၵေႃႇၵၢၼ်ႁၢႆႉ ဢၼ်ဢီႇရၢၼ်းယူႇၽၢႆႇလင်သေ ၵမ်ႉဝႆႉပၼ်ၼ်ႉယဝ်ႉ။ ၽူႈမီးသုၼ်ႇလၢတ်ႇ ၶွင်ႇၸီႇၽၢႆႇႁူမ်ႇလူမ်ႈၸိူဝ်ႉၸၢတ်ႈ ၵျွၼ်ႇၶႃႇပီႇ လႆႈမွၵ်ႇလၢတ်ႈတီႈ ငဝ်းႁၢင်ႈသဵင်ၸီႇဢႅၼ်ႇဢႅၼ်ႇဝႃႈတႄႉ ၸွမ်ၸိုင်ႈပၢႆႇတႅၼ်ႇၼႆႉ မၼ်းတေ တွပ်ႇတႅၼ်းၶိုၼ်းလွင်ႈၼႆႉယူႇ ဝႃႈၼႆယဝ်ႉ။ ၵျွၼ်ႉၶႃႇပီႇ လၢတ်ႈဝႃႈတႄႉ ဢမႄႇရိၵၢၼ်ႇၼႆႉ ဢမ််ႇၶႂ်ႈပဵၼ်သိုၵ်း ၵၼ်တင်း ဢီႇရၢၼ်းသေ ၶဝ်တေ ဢမ်ႇႁဵတ်းႁႂ်ႈ လွင်ႈသုၵ်ႉယုင်ႈယႂ်ႇၵႂၢင်ႈမႃးတီႈ ပွတ်းဢွၵ်ႇတွၼ်ႈၵၢင်ၼၼ်ႉ ဝႃႈၼႆယဝ်ႉ။
ၽူႈထတ်းသၢင်ရီပတ်ႉပလီၵၢၼ်ႇ တီႈ သၽႃးတႂ်ႈတႄႉ တုၵ်းယွၼ်းၸွမ်ၸိုင်ႈတီႇမူဝ်ႇၶရႅတ်ႉ တႃႇႁႂ်ႈတိုၵ်း ဢီႇရၢၼ်းၵမ်းသိုဝ်ႈ ၼႆယဝ်ႉ။ ၽူႈမီးသုၼ်ႇလၢတ်ႈ ထၢၼ်ၽွင်းလူင်ၵၢၼ်ၼွၵ်ႈမိူင်းဢီႇရၢၼ်း ၼႃႇသႃႇၵၼႃႇၼီႇ လႆႈမွၵ်ႇတၢတ်ႈ ထၢၼ်ၶၢဝ်ႇၸိုင်ႈမိူင်းဢီႇရၢၼ်း IRNA ၼၼ်ႉဝႃႈတႄႉ ၵဵဝ်ႇၵပ်းလူၺ်ႈ လွင်ႈတႅပ်းတတ်း လွင်ႈၵမ်ႉထႅမ် မိူင်းပႃးလဵတ်ႈသတၢႆး၊ လွင်ႈၵႅတ်ႇၵင်ႈ လႄႈ လွင်ႈလုၵ်ႉၽိုၼ်ႉ ၼၼ်ႉ မိူင်းဢီႇရၢၼ်းၼႆႉ ဢမ်ႇၶဝ်ႈပႃးၼႂ်း ထၢၼ်ႈလႂ်သေဢၼ် ဝႃႈၼႆယဝ်ႉ။
ငိူၼ်ႈငဝ်ႈတိုၼ်း edit
- VOA. "“ဂျော်ဒန်မှာ ကန်စစ်သားသုံးဦးသေဆုံးမှု အပြင်းအထန်တုံ့ပြန်မည်” သမ္မတအိမ်ဖြူတော်" — VOA, January 30, 2024
- Jeff Seldin. "Confusion Over Incoming Drones May Have Led to Deadly Attack in Jordan, US Military Says" — VOA, January 29, 2024
