ဝၼ်းသုၵ်း၊ ဢေႇပရႄႇ 19၊ 2024
.svg)
တီႈႁွင်ႈၵၢၼ်ၶၢဝ်ႇၸိုင်ႈမိူင်းဢီႇရၢၼ်း လႆႈမွၵ်ႇလၢတ်ႈဝႃႈ ၸႄႈမိူင်းဢိသ်ႉၾႃႁၢၼ်၊ မိူင်းဢီႇရၢၼ်း လႆႈထုၵ်ႇဢဝ် မၢၵ်ႇမိသ်ႉသၢႆးလ်သေ တိုၵ်းတေႃး ဝႃႈၼႆသေ၊ တီႈၶၢဝ်ႇဢမႄႇရိၵၢၼ်ႇၶဝ်လၢတ်ႈဝႃႈတႄႉ ဢၢင်ႈဢိင်ၼိူဝ် ၽူႈမီးပုၼ်ႈၽွၼ်းၶဝ်သေ လၢတ်ႈဝႃႈ ၽၢႆႇဢိတ်ႇသရေးၶဝ် တွပ်ႇတႅၼ်းၶိုၼ်း ဝႃႈၼႆယဝ်ႉ။ မိူဝ်ႈဝူင်ႈပူၼ်ႉၼၼ်ႉ ယွၼ်ႉ ဢီႇရၢၼ်းၶဝ် ဢဝ် တရုၼ်း 300 ပၢႆ လႄႈ မၢၵ်ႇမိသ်ႉသၢႆးလ်ၸိူဝ်းၼႆႉ ယိုဝ်းသႂ်ႇ ဢိတ်ႇသရေးလႄႈ ဢိတ်ႇသရေးၸင်ႇလႆႈ တွပ်ႇတႅၼ်းၶိုၼ်းၼင်ႇၼႆ ဝႃးၼႆ။ တီႈၶၢဝ်ႇ ၶွင်ၸိုင်ႈမိူင်းဢီႇရၢၼ်း IRNA လၢတ်ႈဝႃႈတႄႉ တီႈႁိမ်းပၢင်သဝ်း တပ်ႉၵၢင်ႁၢဝ် တီႈ ဝဵင်းဢိသ်ႉၾႃႁၢၼ် ၼၼ်ႉ လႆႈငိၼ်းသဵင်ႈတႅၵ်ႇသေ တီႈတွၼ်ႈၸဝ်ႉ ဝၼ်းသုၵ်းၼၼ်ႉ ဢီႇရၢၼ်းၶဝ် လႆႈဢဝ်တင်း ၶိူင်ႈမိသ်ႉသၢႆးလ် ၵႅတ်ႇၵင်ႈသၢႆၵၢၼ်မိၼ်သေ ပိုတ်းယိုဝ်းမႃး ဝႃႈၼႆယဝ်ႉ။
ၽူႈမီးၸၼ်ႉဢမႄႇရိၵၢၼ်ႇၶဝ် လႆႈယိုၼ်ယၼ် ႁွင်ႈၵၢၼ်ၶၢဝ်ႇ CNN ဝႃႈ မိူဝ်ႈဢိတ်ႇသရေးၶဝ် ပႆႇတိုၵ်းတေႃးၼၼ်ႉ ၶဝ်ႈလႆႈပွင်ႇၶၢဝ်ႇ ဢမႄႇရိၵၢၼ်ႇမႃး ဝႃႈၼႆယဝ်ႉ။ တီႈၼႂ်းၶၢဝ်ႇပိုၼ်ႉတီႈလၢတ်ႈဝႃႈတႄႉ လႆႈဢိုတ်းဝႆႉ သၢႆၵၢၼ်မိၼ် တီႈၼႂ်းဢီႇရၢၼ်း ဝႃႈၼႆယဝ်ႉ။ ၸိူဝ်းပဵၼ် သၢႆၵၢၼ်မိၼ် Emirates ဢၼ်ပၵ်းသဝ်းတီႈ ပိုၼ်ႉတီႈ UAE လႄႈ ႁိူဝ်းမိၼ်ၵမ်ႈၽွင်ႈၼႆႉ တႄႇဢဝ် တွၼ်ႈၸဝ်ႈ 4 မူင်းမႃးၼၼ်ႉ လႆႈဝႄႈ ၵၢင်ႁၢဝ်ပွတ်းတူၵ်း ဢီႇရၢၼ်းသေ လွင်ႈဝႃႈ ဢိုတ်းဝႆႉ သုၼ်ႇႁိူဝ်းမိၼ် မိၼ် ႁိုဝ် ဢမ်ႇဢိုတ်း ဢၼ်ဝႃႈၼၼ်ႉတႄႉ ဢမ်ႇႁၼ်လႆႈပၼ်ဝႆႉ လွင်ႈတၢင်း ဢၼ်ၼႄႉၼွၼ်းသင်ၼင်ႇၵဝ်ႇ။
တီႈထုင်ႉ ဢိသ်ႉၾႃႁၢၼ် မိူင်းဢီႇရၢၼ်း ဢၼ်လႆႈထုၵ်ႇတိုၵ်းတေႃးယၢမ်းလဵဝ်ၼႆႉ မၼ်းဢွင်ႈတီႈ ဢၼ်မီးႁူင်းၵၢၼ်ၸၢၵ်ႈ ဢၼ်ဢီႇရၢၼ်းၶဝ် ၶတ်းၸႂ် တႃႇႁဵတ်းဢွၵ်ႇ ၼိဝ်ႇၵလီးယႃးၼၼ်ႉယဝ်ႉ။ ၽၢႆႇဢီႇရၢၼ်းၶဝ် လႆႈပၼ်ၽၢင်ႉ မိူဝ်ႈဝၼ်းၽတ်းၼၼ်ႉဝႃႈ သင်ၸိူဝ်ႉ တိုၵ်းတေႃးမႃး ႁူင်းၵၢၼ်ၸၢၵ်ႈၼိဝ်ႇၵလီးယႃး မိူင်းဢီႇရၢၼ်းၼႆၸိုင် တေတိုၵ်းတေႃးၶိုၼ်း ယိူင်းမၢႆၼိဝ်ႇၵလီးယႃး ဢိတ်ႇသရေး ဝႃႈၼႆယဝ်ႉ။
မိူဝ်ႈပႆႇပဵၼ် လွင်ႈတိုၵ်းတေႃးၼႆႉ လူင်ႈၼႃႈ လၢႆလၢႆၸူဝ်ႈမူင်းၼၼ်ႉ ၽွင်းလူင်ၵၢၼ်ၼွၵ်ႈမိူင်း ဢီႇရၢၼ်း လႆႈႁူပ်ႉထူပ်းတွင်ႈထၢမ်ၵၼ်တင်း CNN သေ မၼ်းလၢတ်ႈဝႃႈ သင်တိုၵ်းတေႃးဢီႇရၢၼ်းမႃးၼႆ တေတွပ်ႇတႅၼ်းၵမ်းလဵဝ်ဝႃႈၼႆယဝ်ႉ။
ငိူၼ်ႈငဝ်ႈတိုၼ်း edit
- Jon Gambrell. "Iran fires at apparent Israeli attack drones near Isfahan air base and nuclear site" — Associated Press, April 19, 2024
- Michael Holmes လႄႈ Elizabeth Wolfe. "Iran targeted in aerial attack" — CNN, April 19, 2024
- Raffi Berg လႄႈ BBC security correspondent Frank Gardner. "Israeli missile hits Iran, US officials say, as blasts heard" — BBC, April 19, 2024
- Al Jazeera Staff. "Has Israel attacked Iran’s Isfahan province? What we know so far" — Al Jazeera, April 19, 2024
