ဝၼ်းဢႃးတိတ်ႉ၊ မၢတ်ႉၶျ် 17၊ 2024
.svg)
ႁွင်ႈထၢၼ် ၵၢၼ်ငိုၼ်းတွင်းဢမႄႇရိၵၢၼ်ႇ လႆႈဢဝ်လိူင်ႈ ၸုမ်းတူင်ႇသၢၼ် ဢၼ်ၶဝ်ႈပႃး ၵူၼ်း လႄႈ ၶွမ်ႇပၼီႇ ၸိူဝ်း ဢဝ် ပၢႆးၸၢင်ႈ တီႈ ၶွမ်ႇပၼီႇ ဢမႄႇရိၵၢၼ်ႇသေ သူင်ႇပၼ်တီႈ ငဝ်ႈငုၼ်းယေးငိုၼ်းဢီႇရၢၼ်း CBI လႄႈ ဢိင်ႇတၢင်းၵၢၼ်ငၢၼ်း ဢီႇရၢၼ်း ၸိူဝ်းၼၼ်ႉယဝ်ႉ။
ႁွင်ႈထၢၼ် ၵၢၼ်ငိုၼ်းတွင်းဢမႄႇရိၵၢၼ်ႇ လႆႈလၢတ်ႈဝႆႉ တီႈၼႂ်းၶေႃႈပိုၼ်ၽၢဝ်ႇ ဢၼ်ပိုၼ်ဢွၵ်ႇမိူဝ်ႈဝၼ်းသုၵ်းၼၼ်ႉဝႃႈ ဢၼ်ၶဝ်ဢဝ်လိူင်ႈၼႆႉ ပဵၼ်ၵူၼ်းၸိူဝ်းၵဵဝ်ႇၵပ်းၵွင်ႉၵၢႆႇၵၼ်တင်း ICS ၵေႃႇပူဝ်ႇရေးသျိၼ်း ဢၼ်ပၼ်ၵၢၼ်ၸွႆႈသၢင်ႈ (သႃးဝိတ်ႉ) ဢၼ်ၵဵဝ်ႇၵပ်းလူၺ်ႈ ပၢႆးၸၢင်ႈ ၶွင် ငဝ်ႈငုၼ်းယေးငိုၼ်းဢီႇရၢၼ်းၼၼ်ႉ ဝႃႈၼႆယဝ်ႉ။
ဢၼ်ထုၵ်ႇဢဝ်လိူင်ႈၼႆႉ ပဵၼ် ၵူၼ်းသွင်ၵေႃႉ လႄႈ Pouria Mirdamadi ဢၼ်ပဵၼ် ၵူၼ်းမိူင်းသွင်မိူင်း ၾရၢင်ႇသဵတ်ႈ-ဢီႇရၢၼ်း ဢၼ်ၵွင်ႉၵၢႆႇၵၼ်တင်း ၶွမ်ႇပၼီႇ ISC ဢၼ်တင်ႈဝႆႉတီႈ မိူင်း တိူဝ်ႇၵီႇ လႄႈ မိူင်းႁူမ်ႈတုမ် ၸဝ်ႈၾႃႉ ဢႃႇရၢပ်ႈ UAE ၼၼ်ႉယဝ်ႉ။
ငဝ်ႈငုၼ်းယေးငိုၼ်းဢီႇရၢၼ်း CBI ၼႆႉ ၶဝ်ၵမ်ႉထႅမ်ငိုၼ်းတွင်းပၼ် ၸုမ်းၵေႃႇၵၢၼ်ႁၢႆႉ ႁႅတ်ႇꩡ်ပူဝ်ႇလႃႇ ဢၼ်မီးတီႈ လႄႇပႃႇၼွၼ်ႇ လႄႈ တပ်ႉၸုမ်းလုၵ်ႉၽိုၼ်ႉဢိသလၢမ် ဢီႇရၢၼ်း လႄႈ တပ်ႉၸုမ်းၼွၵ်ႈမိူင်းယူႇၼႆ ၵႅမ်ၽွင်းလူင် Brian Nelson ၽၢႆႇႁွင်ႈထၢၼ်ၵၢၼ်ၸွပ်ႇ လွင်ႈငိုၼ်းတွင်းလႄႈ လွင်ႈၵေႃႇၵၢၼ်ႁၢႆႉ ဢမႄႇရိၵၢၼ်ႇ လႆႈမွၵ်ႇလၢတ်ႈဝႃႈၼၼ်ယဝ်ႉ။
တွၼ်ႈတႃႇတေၵႅတ်ႇၵင်ႈႁႄႉႁၢမ်ႈလႆႈ လွင်ႈဢၼ် ဢီႇရၢၼ်းၶဝ် ၶတ်းၸႂ်တႃႇဢဝ်လႆႈ ပၢႆးၸၢင်ႈဢမႄႇရိၵၢၼ်ႇ ဢၼ်လမ်ႇလွင်ႈ လႄႈ ၵၢၼ်ငၢၼ်းဢမႄႇရိၵၢၼ်ႇ ဢမ်ႇၶဝ်ႈပဵၼ်တၢင်းၵၢၼ်ၼၼ်ႉ ၽၢႆႇဢမႄႇရိၵၢၼ်ႇ တေသိုပ်ႇႁဵတ်းသၢင်ႈၵႂႃႇ ဝႃႈၼႆယဝ်ႉ။
ငိူၼ်ႈငဝ်ႈတိုၼ်း
- Agence France-Presse. "US Sanctions Network Smuggling American Tech to Iran's Central Bank" — VOA News, March 16, 2024
- Associated Press. "အီရန်အတွက် ကန် နည်းပညာ လွှဲပြောင်းပေးသူတွေကို ကန်အရေးယူ" — VOA News, March 17, 2024
