ဝၼ်းပုတ်ႉ၊ မၢတ်ႉၶျ် 6၊ 2024
တီႈပၢင်လိူၵ်ႈတင်း ၼႂ်းပႃႇတီႇ တႃႇလိူၵ်ႈၼေႃႇၸွမ်ၸိုင်ႈ ပႃႇတီႇရီႇပပ်ႇပလီႇၵၢၼ်ႇ ဢၼ်ၸတ်းႁဵတ်း မိူဝ်ႈဝၼ်းဢင်းၵၢၼ်း တီႈလၵ်းၸဵင်ၶၢဝ်းယၢမ်း ဢမႄႇရိၵၢၼ်ႇ ၼၼ်ႉ ထရၢမ်ႉ လႅပ်ႈတေ ၶွတ်ႇယွတ်ႈမၼ်းယူႇ။ သုမ်ႉပၼ်ၵၢင်ၸႂ်လိုၼ်းသုတ်းၼႆႉ တေဢိုတ်း ဝၼ်းဢင်းၵၢၼ်း ၵၢင်ၶမ်ႈ 7 မူင်း ပေႃးဢဝ် လၵ်းၸဵင်ၶၢဝ်းယၢမ်းမျၢၼ်ႇမႃႇဝႃႈ ဝၼ်းပုတ်ႉ ၵၢင်ၼႂ် 6 မူင်းၵိုင်ႇၼၼ်ႉယဝ်ႉ။
ၽၢႆႇပႃႇတီႇတီႇမူဝ်ႇၶရႅတ်ႉတႄႉ ၵျူဝ်းပၢႆႇတႅၼ်ႇ ဢၼ်ပဵၼ်ၸွမ်ၸိုင်ႈယၢမ်းလဵဝ်ၼႆႉၵူၺ်းၼင်ႇၵဝ်ႇ ၼႄႉၼွၼ်း တႃႇပဵၼ်ၶိုၼ်း ၼေႃႇၸွမ်ၸိုင်ႈ။ ႁူဝ်ၼႃႈတႅၼ်းၽွၼ်း ရီႇပပ်ႇပလီႇၵၢၼ်ႇၵမ်ႉၼမ် တီႈ သၽႃးၼိူဝ် ဢၼ်ပဵၼ် မိသ်ႉမႅၵ်ႇၵေႃႇၼႄႇလ်တႄႉ လႆႈၵမ်ႉထႅမ် တေႃႇၼႄႇထရၢမ်ႉဝႆႉယဝ်ႉ။ ၸွမ်ၸိုင်ႈၵဝ်ႇ ထရၢမ်ႉၼႆႉ မၼ်းလႆႈဝႆႉ တႅၼ်းၽွင်း 273 ၵေႃႉ တွၼ်ႈတႃႇ ပၢင်ၵုမ် ဢၼ်တေလိူၵ်ႈၼေႃႇၸွမ်ၸိုင်ႈ လိုၼ်းသုတ်းၼၼ်ႉသေ ၽၢႆႇၶႄႉၶဵင်ႇမၼ်း ဢၼ်ပဵၼ် မိတ်ႉသ်ၼိၵ်ႇၵီႇႁေလီ ဢၼ်ပဵၼ် ၽွင်းမိူင်းဢမႄႇရိၵၢၼ်ႇ တီႈ ၸုမ်းၸၢတ်ႈၸိုင်ႈလုမ်ႈၾႃႉၼၼ်ႉတႄႉ လႆႈဝႆႉ တႅၼ်းၽွင်း 43 ၵေႃႉယဝ်ႉ။
တွၼ်ႈတႃႇ ၶွတ်ႇယွတ်ႈ လွင်ႈၶႄႉၶဵင်ႇၵၼ် သွင်ၵေႃႉၼႆႉ ၽၢႆႇထရၢမ်ႉၼႆႉ လူဝ်ႇတႅၼ်းၽွင်း 1,215 ၵေႃႉယဝ်ႉ။ ၼႆႉ မၼ်းပဵၼ် 50% ႁူဝ်ၼပ်ႉတႅၼ်းၽွင်းတင်းသဵင်း ဢၼ်လူဝ်ႇလႆႈမီး တႃႇပဵၼ် ၼေႃႇၸွမ်ၸိုင်ႈၼၼ်ႉယဝ်ႉ။ တႅၼ်းၽွင်း တႃႇပၢင်လိူၵ်ႈတင်ႈ ၼေႃႇၸွမ်ၸိုင်ႈ ပႃႇတီႇရီႇပလီႇၵၢၼ်ႇၼႆႉ မီးဝႆႉ 2,429 ၵေႃႉသေ တီႈပၢင်လိူၵ်ႈတင်ႈ ဝၼ်းဢင်းၵၢၼ်းၼၼ်ႉ မိတ်ႇသတႃႇထရၢမ်ႉ လႄႈ မိတ်ႉသ်ၼိၵ်ႇၵီႇႁေတီ ၶဝ် တေလႆႈၽႄၵၼ်ဢဝ် တႃႇ 874 ၵေႃႉယဝ်ႉ။
ၽူႈထတ်းသၢင်ၶဝ် လၢတ်ႈ တီႈသိုဝ်ႇၶၢဝ်ႇ ဢမႄႇရိၵၢၼ်ႇၶဝ်ဝႃႈတႄႉ မိူဝ်ႈဝၼ်းဢင်းၵၢၼ်းၼၼ်ႉ ယွၼ်ႉပိူဝ်ႈႁဵတ်းပၢင်လိူၵ်ႈတင်ႈ တီႈ ၸႄႈမိူင်း 15 ဢၼ်လႄႈ တီႈ ၼႃႈလိၼ်ဢမႄႇရိၵၢၼ်ႇၽွင်းငမ်း ဢၼ်ၼိုင်ႈလႄႈ ၸွမ်ၸိုင်ႈၵဝ်ႇထရၢမ်ႉၼႆႉ မၼ်းတိူဝ်းတေၸၢင်ႈပဵၼ်လႆႈ တႃႇလႆႈ 1,215 ၵေႃႉၼၼ်ႉ ဝႃႈၼႆယဝ်ႉ။
ငိူၼ်ႈငဝ်ႈတိုၼ်း edit
- VOA News. "အင်္ဂါနေ့ ကန် - ပါတီတွင်းရွေးကောက်ပွဲ နောက်ဆုံးအခြေအနေ" — VOA News, March 6, 2024
- The New York Times. "Super Tuesday Results: Key Races to Watch" — The New York Times, March 6, 2024
