ဝၼ်းၸၼ်၊ ဢေႃးၵၢတ်ႉ 12၊ 2024
လွင်ႈဢၼ်ၾႆးမႆႈ ႁူင်းၸၢၵ်ႈၼိဝ်ႇၵလီးယႃး Zaporizhzhia ဢၼ်ရတ်ႈသျႃးသိမ်းဝႆႉ တီႈမိူင်းယူႇၶရဵၼ်း ပွတ်းၸၢၼ်း မိူဝ်ႈၶမ်ႈဝၼ်းဢႃးတိတ်ႉၼၼ်ႉ ရတ်ႈသျႃးလႄႈ ယူႇၶရဵၼ်း ၶဵင်ႇၼႄးၵၼ်ဝႆႉယူႇ။ တီႈႁူင်းၸၢၵ်ႈၼိဝ်ႇၵလီးယႃး ဢၼ်ယႂ်ႇသေပိူၼ်ႈ တီႈယူးရူပ်ႉၼၼ်ႉ မီးလွင်ႈၾႆးမႆႈယူႇသေတႃႉ တင်းသွင်ၽၢႆႇတႄႉ လၢတ်ႈဝႃႈ ဢမ်ႇမီးလွင်ႈထၢတ်ႈႁိူဝ်ႈလႅင်း ဢၼ်ႁႅင်းယႂ်ႇၼႆယဝ်ႉ။
ၽူႈလူင်ႉလႅၼ်ႇ ၸုမ်းၸၢတ်ႈၸိုင်ႈလုမ်ႈၾႃႉ ၽၢႆႇႁႅင်းထၢတ်ႈဢႅတ်ႇထမ်ႇ ၸၼ်ႉလုမ်ႈၾႃႉ (IAEA) ၶဝ်တႄႉ လၢတ်ႈဝႃႈ လွင်ႈဢၼ်မၢၵ်ႇတႅၵ်ႇၼၼ်ႉ ပဵၼ်တီႈ ႁူင်းၸၢၵ်ႈ ဢၼ်မီး ႁူင်းၸၢၵ်ႈၼိဝ်ႇၵလီးယႃး 6 ဢၼ်ၼၼ်ႉသေ လႆႈႁၼ် ၵွၼ်းၽႆးလမ် ၶိုၼ်ႈမႃး ၸွမ်းႁိမ်းႁွမ်း ၽၢႆႇႁွင်ႇႁူင်းၸၢၵ်ႈၼၼ်ႉယူႇ ၼႆယဝ်ႉ။ ၶၢဝ်ႇငၢဝ်း TASS လႄႈ RIA ဢိင်ၼိူဝ် ဢၼ်ပဵၼ် ၶွမ်ႇပၼီႇ ၼိဝ်ႇၵလီးယႃး Rosatom ၼၼ်ႉ လၢတ်ႈဝႃႈ ၾႆးဢၼ်မႆႈ မိူဝ်ႈဝၼ်းဢႃးတိတ်ႉၼၼ်ႉ မိူဝ်ႈပႆႇထိုင် တႅင်ႈၶိုၼ်း လႆႈမွတ်ႇၵႂႃႇယဝ်ႉ ဝႃႈၼႆ။
လွင်ႈဢၼ်ၾႆးမႆႈတီႈႁူင်းၸၢၵ်ႈၼိဝ်ႇၵလီးယႃးၼၼ်ႉတႄႉ ဝၢႆးသေ တပ်ႉသိုၵ်းယူႇၶရဵၼ်းၶဝ် ၶဝ်ႈတိုၵ်းၼႂ်းၼႃႈလိၼ် ရတ်ႈသျႃးယဝ်ႉ ဢမ်ႇတဵမ်ၼိုင်ႈဝူင်ႈ လႆႈပဵၼ်မႃးၼင်ႇၼႆ။ ၶွမ်ႇပၼီႇ ၼိဝ်ႇၵလီးယႃး မိူင်းယူႇၶရဵၼ်း Energoatom တႅမ်ႈဝႆႉ တီႈၼႂ်း Telegram ဝႃႈ ႁေႃၼၢင်လူမ်းၵတ်းဢၼ်ၼိုင်ႈ လႄႈ ၶိူင်ႈၸၢၵ်ႈတၢင်ႇၸိူဝ်း လႆႈလူႉလႅဝ်ၵႂႃႇၼႆယဝ်ႉ။ ႁေႃၼၢင်လူမ်းၵတ်းဢၼ်ၼႆႉ ပဵၼ်ဢွင်ႈတီႈ ဢမ်ႇၸႂ်ႉတိုဝ်းယဝ်ႉ ၼႆ ၶၢဝ်ႇ TASS မိူင်းရတ်ႈသျႃး ဢွၵ်ႇဝႆႉၼင်ႇၼႆ။
ငိူၼ်ႈငဝ်ႈၶၢဝ်ႇ
- Reuters. "Nuclear plant fire: Ukraine and Russia trade blame" — Reuters, August 12, 2024
- Sofia Ferreira Santos. "Ukraine and Russia trade blame over fire at Zaporizhzhia nuclear plant" — BBC News, August 12, 2024
- Reuters. "Ukraine, Russia trade accusations over fire at occupied nuclear plant" — VOA News, August 12, 2024
- AFP. "Ukraine, Russia Trade Barbs Over Fire at Zaporizhzhia Nuclear Plant" — The Moscow Times, August 12, 2024
- france24. "Ukraine and Russia trade blame for fire at occupied Zaporizhzhia nuclear plant" — france24, August 12, 2024
- Euronews with AP. "Ukraine and Russia trade accusations over Zaporizhzhia nuclear power plant fire" — Euronews, August 12, 2024
- The Straits Times. "Ukraine and Russia trade blame over fire at cooling tower of Zaporizhzhia nuclear plant" — The Straits Times, August 12, 2024
- Thomson Reuters. "Moscow, Kyiv trade blame for blaze at Russian-occupied Zaporizhzhia nuclear power plant" — CBC News, August 11, 2024
