Wn/shn/ရတ်ႈသျႃး ယိုဝ်းသႂ်ႇ ႁူင်းႁဵၼ်းသိုၵ်း လႄႈ ႁူင်းယႃ ယူႇၶရဵၼ်း ႁဵတ်းႁႂ်ႈ ၵူၼ်းတၢႆ 50 ၵေႃႉလိူဝ်
ဝၼ်းပုတ်ႉ၊ သႅပ်ႇထႅမ်ႇပႃႇ 4၊ 2024
_on_the_globe_(Europe_centered).svg)
ၽူႈမီးပုၼ်ႈၽွၼ်း မိူင်းယူႇၶရဵၼ်းၶဝ် လၢတ်ႈဝႃႈ မိူဝ်ႈဝၼ်းဢႃးတိတ်ႉၼၼ်ႉ ရတ်ႈသျႃး ဢဝ် မၢၵ်ႇၼူၾႆး 2 လုၵ်ႈ ယိုဝ်းသႂ်ႇ ႁူင်းႁဵၼ်းသိုၵ်း လႄႈ ႁူင်းယႃ ဢၼ်မီးႁိမ်းႁွမ်း တီႈမိူင်းယူႇၶရဵၼ်းလႄႈ ၵူၼ်းတၢႆ 50 ၵေႃႉလိူဝ် မၢတ်ႇၸဵပ်း 200 ၵေႃႉလိူဝ် ၼႆယဝ်ႉ။
မၢၵ်ႇၼူၾႆးၸိူဝ်းၼၼ်ႉ ၽတ်ႉၶဝ်ႈၵႂႃႇၼႂ်းၵၢင် ႁူင်းၵၢၼ်ၵပ်းသိုပ်ႇသိုၵ်း Poltava သေ ႁဵတ်းႁႂ်ႈ ၸၼ်ႉထၢၼ်ႈလၢႆလၢႆၸၼ်ႉ ၵူၼ်ႇပင်းၵႂႃႇ။ ဢမ်ႇႁိုင်သင် ဢၢႆၵွၼ်းၽႆးလမ် လႄႈ ၶေႃႈၵႂၢမ်း လွင်ႈဢၼ်ၵူၼ်းတၢႆၼၼ်ႉ ၽႄႈၸွတ်ႇၵႂႃႇ ၼႂ်းဝဵင်း ပွတ်းၵၢင်ဝၼ်းဢွၵ်ႇၼၼ်ႉယဝ်ႉ။
“လႆႈႁၼ်တူဝ်ၵူၼ်းမိူင်း မီးယူႇတႂ်ႈမၢၵ်ႇႁိၼ်၊ လႆႈလွတ်ႈၽေး တင်းၼမ်” ၼႆ ၸွမ်ပွင်ၸိုင်ႈ ယူႇၶရဵင်း ဝေႃႇလေႃႇတီးမႃးရ် ၸႄးလႅၼ်းသၵီး လၢတ်ႈၼႄ ၼႂ်းငဝ်းတူင်ႉ ဢၼ်မၼ်းပိုၼ်ၽႄ ၼိူဝ် ၶၢဝ်ႇငၢဝ်း တႄႇလီႇၵရမ်ႇမၼ်းၼၼ်ႉယဝ်ႉ။ မၼ်းၸီႉသင်ႇႁႂ်ႈၵူတ်ႇထတ်းလွင်ႈၼႆႉ ဝႃႈၼႆ။
ၸွမ်ပွင်ၸိုင်ႈ ၸႄးလႅၼ်းသၵီး လၢတ်ႈတီႈဢူၺ်းလီ မိူင်းဝၼ်းတူၵ်းၶဝ် ထႅင်ႈၵမ်း႞ဝႃႈ ႁႂ်ႈသူင်ႇတၢင်းၸွႆႈထႅမ် ၽၢႆႇသိုၵ်းဝႆးဝႆး၊ ယူႇၶရဵၼ်း လူဝ်ႇမၢၵ်ႇၼူၾႆး လႄႈ ၶိူင်ႈၵႅတ်ႇၵင်ႈၵၢင်ႁၢဝ် ၼႆယဝ်ႉ။ ၸႄးလႅၼ်းသၵီး တႅမ်ႈဝႆႉ ၽၢႆႇဢိင်းၵလဵတ်ႈ တီႈၼႃႈလိၵ်ႈ တူင်ႇဝူင်းၵူၼ်း တႄႇရီႇၵရမ်ႇ ဝႃႈ ယွၼ်ႉလွင်ႈသူင်ႇၶူဝ်းၶွင် တူၵ်းလိုၼ်းလႄႈ ၵူၼ်းမိူင်းလႆႈလုတၢႆမႃးယူႇ ၵူႈမိုဝ်ႉၵူႈဝၼ်း ဝႃႈၼႆယဝ်ႉ။ ၸွမ်ပွင်ၸိုင်ႈ ၸႄးလႅၼ်းသၵီး ၵေႃႈ တုၵ်းယွၼ်း ႁႂ်ႈဢူၺ်းလီၶဝ် လူတ်းယွမ်းပၼ် လွင်ႈႁၢမ်ႈတၢပ်ႈ ဢၼ်တေဢမ်ႇလႆႈဢဝ်ၵွင်ႈၵၢင်ႇ ၸိူဝ်းၸွႆႈထႅမ်ဝႆႉၼၼ်ႉ တိုၵ်းယိုဝ်းသႂ်ႇၼႂ်း မိူင်းရတ်ႈသျႃးၼၼ်ႉၼႆယဝ်ႉ။
ငိူၼ်ႈငဝ်ႈၶၢဝ်ႇ
- AP News. "Russian missiles blast Ukrainian military academy and hospital, killing more than 50, officials say" — ILLIA NOVIKOV and LORI HINNANT, September 4, 2024
- Maria Varenikova and Marc Santora. "Russian Strike Kills More Than 50 in Ukraine, Zelensky Says" — The New York Times, September 4, 2024
- Veronika Melkozerova. "Russia kills over 50 in huge strike that hit hospital, Ukraine says" — The Washington Post, September 4, 2024
- Lizzie Johnson, Tetiana Burianova, Siobhán O'Grady and Jennifer Hassan. "More than 50 killed in Russian missile strike on Ukrainian city of Poltava" — Politico, September 3, 2024
- BBC News. "Ukraine says soldiers among 51 killed in Russian missile attack on Poltava" — BBC News, September 3, 2024
