lunidìa 28 di sittèmmiru 2014
Traggedia ntê riservi naturali dê Macalubbi d'Arauna: morti dui fratuzzi. Ê 12,30 circa d'aieri, nu vurcaneddu di fangu dâ Riserva naturali ntigrali Macalubi d'Arauna, scattau â ntrasatta pruvucannu lu vurricamentu di n'adultu e dui picciriddi. Lu finòminu pari nun fu pricidutu di nuddu signali primunituri; sicunnu tistimoni prisenti lu fangu si susìu finu a circa 20 m dâ terra summirgennu tri cristiani, dui picciriddi e n'adultu, st'ùrtimu patri dê dui; lu ginituri fu purtatu n sarvu dê succurritura mentri la picciridda fu arritruvata morta; lu fratuzzu, ca nta na fasi nizziali risultava dispersu, fu oggettu d'arricerchi ca, cuntinuati senza abbentu, purtatu a l'arritruvamentu dô sò corpu senza vita.
Supra lu casu, la prucura di Girgenti grapìu na nchiesta p'accirtari l'esistenza di rispunzabnilità pinali evintuali. Li ndàggini sunnu ancora n cursu.
Fonti edit
- «Agrigento, esplode un vulcanello: morta una bimba, il fratello disperso» – Corriere della sera, 27 di sittèmmiru 2014