lunidìa 15 di dicèmmiru 2008
Rubbertu Alagna, (1963) è nu cantanti lìricu francisi di urìggini siciliana. Tinuri tra li cchiù apprizzati a liveddu ntirnazziunali, cantau già nti diversi tiatra pristiggiusi. Â Scala di Milanu ntô 2006 fu prutagunista di na pulèmica chî luggiunisti, rifiutànnusi di cantari lu restu di Aida ntô rolu di Radames. Alagna è attuarmenti prutagunista di nu finòminu musicali assai urigginali. Pubbricau nu CD, Sicilien, di canzuni 'n sicilianu chi agghicau ô secunnu postu dâ classìfica dî disca cchiù vinnuti n Francia.