lunidìa 30 d'aprili 2012
Lu còmicu, nunchì funnaturi dô Muvimentu 5 stiddi, Beppi Grillo torna a fari discùtiri a sèguitu d'arcuni sò frasi rilativi â mafia.
L'attivista ginuvisi, a màrgini d'un cumizziu a Palermu pressu lu quali avìa jutu pi sustèniri la candidatura di Riccardu Nuti a l'elizzioni amministrativi, dichiarau ca «la mafia non ha mai strangolato il proprio cliente, la mafia prende il pizzo, il 10 per cento. Qui siamo nella mafia che ha preso un'altra dimensione, strangola la propria vittima», arrifirènnusi — pi zocch'arriguarda l'ùrtima frasi — ô munnu dâ pulìtica.
Duri li riazzioni, nun sulu di parti di l'espunenti pulìtici: nu membru dâ sicritarìa di Sinistra Ecologia e Libertà, Clàudiu Fava, figghiu dô giurnalista Giuseppi Fava, vìttima di Cosa Nostra, nun firriau attornu a l'argumentu e affirmau ca «Grillo parla come un mafioso senza essere nemmeno originale. Gli stessi argomenti prima di lui li hanno già utilizzati Vito Ciancimino e Tano Badalamenti. E come l'ultimo dei mafiosi non ha nemmeno il coraggio di confrontarsi pubblicamente sulle sue patetiche provocazioni».
Puru l'assuciazzioni Addiopizzo cummintau nigativamenti la nisciuta di Beppi Grillo. Sicunnu l'assuciazzioni frasi sìmili nun sunnu giustificàbbili mancu si ditti n chiavi pruvucatoria, â luci dô fattu ca la sirità di l'argumentu mpidisci ca pozza èssiri strummintalizzatu a fini elitturali. Nun ammancau mancu la rèbbica dâ vìdua di Libberu Grassi, mprinnituri ammazzatu dâ mafia, Pina Maisano, ca fici nutari, facennu nu rifirimentu evidenti â vicenna dô maritu, comu la mafia ammazzau puru chiddi ca nun avìanu ntinzioni di paiari lu pizzu.
Dô stissu tinuri midemma la dichiarazzioni d'Àncila Ogliastro, soru di Sarafinu Ogliastro, pulizziottu talianu puru iddu vìttima dâ mafia. Giuvanna Maggiani Chelli, prisidintissa di l'Associazione familiari vittime della strage di via dei Georgofili, cummintau l'affirmazzioni di Grillo rilivannu ca «la mafia ha strangolato un sacco di persone, penso per esempio al piccolo Giuseppe Di Matteo». Cchiù dràsticu lu còmicu e showman Fiorello, ca dichiarau ca Grillo «ha detto una cazzata».
A sèguitu dâ dichiarazzioni di Grillo nun ammancau tuttavìa la pricisazzioni dô stissu Riccardu Nuti, lu quali lamintau ca la frasi dô sò leader fu pritistuusamenti estrapulata «da un ragionamento più ampio». Nuti arricurdau appoi ca l'azzioni dô muvimentu sunnu tisi a cuntrastari la mafia, ritinuta dô M5S un càncaru.
Fonti edit
- Giuseppi Pipitone «Per Beppe Grillo la politica strangola, Cosa nostra no. “Parole da mafioso “» – il Fatto Quotidiano, 30 aprile 2012
- «Mafia, Fiorello a Grillo: Hai detto una cazzata» – la Repubblica, 30 aprile 2012
- «Mafia: vedova Grassi,Grillo dimentica che cosa nostra uccide» – ANSA,