ᱵᱟᱦᱟ ᱯᱚᱨᱚᱵ ᱫᱚ ᱦᱚᱲ ᱦᱚᱯᱚᱱᱟᱜ ᱫᱚᱥᱟᱨ ᱢᱟᱨᱟᱝ ᱯᱚᱨᱚᱵ ᱠᱟᱱᱟ ᱾ ᱯᱷᱟᱹᱜᱩᱱ ᱪᱟᱸᱫᱚ ᱠᱩᱱᱟᱹᱢᱤ ᱠᱮᱪᱟᱜ ᱦᱤᱞᱚᱜ ᱠᱷᱚᱱ ᱱᱤᱭᱟᱹ ᱯᱚᱨᱚᱵ ᱫᱚ ᱦᱩᱭᱩᱜᱼᱟ ᱾
ᱵᱟᱦᱟ ᱯᱚᱨᱚᱵᱽ ᱨᱮᱱᱟᱜ ᱱᱤᱭᱟᱹᱢ ᱟᱹᱱᱟᱹᱨᱤ edit
ᱡᱟᱦᱮᱨ ᱛᱷᱟᱱᱨᱮ ᱵᱟᱦᱟ ᱵᱚᱝᱜᱟ ᱫᱚ ᱦᱩᱭᱩᱜᱼᱟ; ᱵᱟᱦᱟ ᱯᱚᱨᱚᱵᱽ ᱨᱮᱱᱟᱜ ᱫᱤᱱ ᱫᱚ ᱦᱩᱭᱩᱜ ᱠᱟᱱᱟ ᱯᱷᱟᱹᱜᱩᱱ ᱵᱚᱝᱜᱟ ᱨᱮᱭᱟᱜ ᱢᱩᱞᱩᱜ ᱢᱚᱬᱮ ᱢᱟᱦᱟ ᱦᱤᱞᱚᱜ ᱵᱟᱦᱟ ᱯᱚᱨᱚᱵᱽ ᱫᱚ ᱯᱮ ᱫᱤᱱ ᱦᱩᱭᱩᱜᱼᱟ ᱾ ᱯᱟᱹᱦᱤᱞ ᱫᱤᱱ ᱫᱚᱠᱚ ᱢᱮᱛᱟᱜᱼᱟ ᱩᱢ ᱢᱟᱦᱟ, ᱫᱚᱥᱟᱨ ᱫᱤᱱ ᱫᱚᱠᱚ ᱢᱮᱛᱟᱜᱼᱟ ᱵᱟᱦᱟ ᱥᱟᱹᱨᱫᱤ ᱢᱟᱦᱟᱸ ᱛᱮᱥᱟᱨ ᱢᱟᱦᱟ ᱫᱚ ᱦᱩᱭᱩᱜ ᱠᱟᱱᱟ ᱵᱟᱦᱟ ᱡᱟᱞᱮ ᱾
ᱩᱢ ᱢᱟᱦᱟ edit
ᱟᱹᱛᱩ ᱨᱤᱱ ᱱᱟᱭᱠᱮ ᱵᱟᱵᱟ ᱩᱢ ᱢᱟᱦᱟᱸ ᱦᱤᱞᱚᱜ ᱱᱟᱣᱟ ᱠᱤᱪᱨᱤᱪ ᱞᱩᱝᱜᱤ ᱫᱷᱩᱛᱤ ᱦᱚᱨᱚᱜ ᱠᱟᱛᱮᱫ ᱡᱟᱦᱮᱨ ᱛᱷᱟᱱ ᱨᱮᱭ ᱵᱚᱝᱜᱟᱭᱟ ᱾ ᱠᱟᱸᱥᱟ ᱛᱷᱟᱹᱨᱤ ᱛᱮ ᱜᱩᱨᱤᱡ, ᱥᱤᱱᱫᱩᱨ, ᱫᱷᱩᱯ ᱟᱨ ᱥᱨᱤᱡᱚᱱ ᱨᱮᱱᱟᱜ ᱱᱟᱣᱟ ᱵᱟᱦᱟ ᱠᱚ ᱥᱟᱡᱟᱣ ᱠᱟᱛᱮᱫ ᱡᱟᱦᱮᱨ ᱛᱷᱟᱱ ᱨᱮᱭ ᱵᱚᱝᱜᱟᱭᱟ ᱾ ᱵᱚᱝᱜᱟᱭ ᱞᱟᱦᱟ ᱨᱮ ᱜᱩᱨᱤᱪ ᱛᱮ ᱡᱟᱦᱮᱨ ᱛᱷᱟᱱᱮ ᱯᱚᱛᱟᱣ ᱞᱟᱦᱟᱭᱟ ᱾ ᱚᱱᱟ ᱛᱟᱭᱚᱢ ᱵᱚᱸᱜᱟ ᱵᱟᱲᱟ ᱠᱟᱛᱮ ᱟᱹᱛᱩ ᱛᱮᱭ ᱨᱩᱭᱟᱹᱲᱚᱜᱼᱟ ᱾ᱱᱟᱭᱠᱮ ᱟᱹᱛᱩ ᱨᱮ ᱨᱩᱣᱟᱹᱲ ᱠᱟᱛᱮᱫ ᱠᱚᱲᱟ ᱜᱤᱫᱽᱨᱟᱹ ᱠᱚ ᱥᱮᱱᱫᱽᱨᱟᱹ ᱠᱚ ᱪᱟᱞᱟᱜᱼᱟ ᱾ ᱧᱩᱦᱩᱢ ᱞᱟᱦᱟᱨᱮ ᱥᱮᱱᱫᱽᱨᱟ ᱠᱷᱚᱱ ᱨᱩᱣᱟᱹᱲ ᱠᱟᱛᱮᱫ ᱡᱚᱛᱚ ᱠᱚᱜᱮ ᱱᱟᱭᱠᱮ ᱭᱟᱜ ᱚᱲᱟᱜ ᱠᱚ ᱪᱟᱞᱟᱜᱼᱟ ᱾ ᱟᱫᱚ ᱮᱱᱮᱪ ᱥᱮᱨᱮᱧ ᱮᱦᱚᱵᱼᱮᱱ ᱠᱷᱟᱱ ᱡᱟᱦᱮᱨ ᱮᱨᱟ, ᱢᱟᱨᱟᱝ ᱵᱩᱨᱩ ᱟᱨ ᱯᱟᱨᱜᱟᱱᱟ ᱵᱚᱝᱜᱟ ᱯᱮᱭᱟ ᱠᱚᱲᱟ ᱴᱷᱮᱱ ᱠᱚ ᱨᱩᱢᱩᱜᱼᱟ ᱾ᱟᱫᱚ ᱡᱟᱦᱮᱨ ᱮᱨᱟ ᱱᱟᱭᱠᱮ ᱴᱷᱮᱱ ᱥᱟᱠᱚᱢ, ᱢᱟᱨᱟᱝ ᱵᱩᱨᱩ ᱟᱜ ᱥᱟᱨ ᱟᱨ ᱯᱟᱨᱜᱟᱱᱟ ᱵᱚᱝᱜᱟ ᱰᱟᱹᱞᱤᱡ ᱟᱨ ᱡᱚᱱᱚᱜᱼᱮ ᱠᱷᱚᱡᱚᱜᱼᱟ ᱾ ᱤᱱᱟᱹ ᱛᱟᱭᱚᱢ ᱡᱚᱛᱚ ᱠᱚᱜᱮ ᱡᱟᱦᱮᱨ ᱴᱟᱺᱰᱤ ᱨᱮᱠᱚ ᱪᱟᱞᱟᱜᱼᱟ ᱾ᱯᱟᱨᱜᱟᱱᱟ ᱵᱚᱝᱜᱟ ᱡᱚᱜ ᱥᱟᱯᱷᱟᱭᱟᱭ, ᱡᱟᱦᱮᱨ ᱮᱨᱟ ᱜᱮᱡ ᱜᱩᱨᱤᱡᱟᱭ ᱟᱨ ᱢᱟᱨᱟᱝ ᱵᱩᱨᱩ ᱫᱚ ᱟᱜᱼᱥᱟᱨ ᱱᱤᱭᱟᱹᱛᱮ ᱯᱟᱨᱦᱟᱭᱟᱭ ᱾ ᱠᱟᱹᱢᱤ ᱢᱩᱪᱟᱹᱫ ᱠᱟᱛᱮᱫ ᱟᱹᱛᱩ ᱨᱮ ᱨᱩᱣᱟᱹᱲ ᱠᱟᱛᱮᱫ ᱡᱟᱹᱲᱠᱚ ᱞᱟᱹᱭ ᱠᱚᱣᱟ ᱾ ᱱᱟᱭᱠᱮ ᱵᱟᱵᱟ ᱯᱮᱭᱟ ᱵᱚᱝᱜᱟᱭ ᱠᱩᱞᱤ ᱠᱚᱭᱟ ᱱᱤᱭᱟ ᱥᱮᱨᱢᱟ ᱨᱩᱣᱟᱹ ᱦᱟᱥᱩ, ᱫᱟᱜ ᱡᱟᱹᱯᱩᱫ, ᱟᱵᱟᱫᱽ ᱥᱩᱵᱟᱫ ᱪᱮᱫᱞᱮᱠᱟ ᱦᱩᱭᱩᱜᱼᱟ ᱾ ᱟᱫᱚ ᱩᱱᱠᱩ ᱚᱱᱟ ᱡᱚᱛᱚ ᱠᱩᱠᱞᱤ ᱨᱮᱭᱟᱜ ᱛᱮᱞᱟᱠᱚ ᱨᱩᱣᱟᱹᱲᱟ ᱟᱨ ᱛᱟᱭᱚᱢ ᱫᱟᱨᱟᱢ ᱪᱮᱫᱞᱮᱠᱟ ᱪᱟᱞᱟᱜ ᱦᱩᱭᱩᱜᱼᱟ ᱚᱱᱟ ᱠᱚᱠᱚ ᱞᱟᱹᱭ ᱥᱚᱫᱚᱨᱟ ᱾ ᱤᱱᱟ ᱛᱟᱭᱚᱢ ᱥᱟᱨᱟ ᱧᱤᱫᱟᱹ ᱮᱱᱮᱡ ᱥᱮᱨᱮᱧ ᱞᱮᱛᱟᱲᱚᱜᱼᱟ ᱿
ᱵᱟᱦᱟ ᱥᱮᱨᱮᱧ ᱠᱚ ᱥᱮᱨᱮᱧᱟ ᱱᱚᱝᱠᱟ :
"ᱵᱟᱦᱟ ᱵᱚᱝᱜᱟ ᱯᱤᱨᱤᱞ ᱯᱤᱨᱤᱞ
ᱪᱟᱱᱫᱚᱭ ᱢᱩᱞᱩᱜᱼᱮᱱ
ᱵᱟᱦᱟ ᱡᱚᱛᱮ ᱯᱚᱨᱚᱭ ᱯᱚᱨᱚᱭ
ᱫᱤᱥᱚᱢ ᱯᱩᱞᱩᱜᱼᱮᱱ᱾
ᱦᱟᱞᱟᱭ ᱫᱟᱞᱟᱭ ᱵᱟᱦᱟᱭᱮᱱᱟ
ᱥᱟᱹᱨᱤ ᱥᱟᱨᱡᱚᱢ
ᱫᱟᱨᱮ ᱯᱮᱨᱮᱡ ᱜᱮᱞᱮᱭᱮᱱᱟ
ᱠᱷᱚᱫᱮ ᱢᱟᱛᱠᱚᱢ᱿"
ᱵᱟᱦᱟ ᱥᱟᱹᱨᱫᱤ ᱢᱟᱦᱟᱸ edit
ᱪᱤᱛᱟᱹᱨ edit
ᱵᱟᱨᱦᱮ ᱡᱚᱱᱚᱲ edit
https://web.archive.org/web/20220911114417/https://indiantribalheritage.org/?p=21797%7Ctitle=Slideshow - Baha Parab, the Santal Flower Festival "celebrating Man’s Communion with Nature" – West Bengal
ᱥᱟ.ᱠᱷᱭᱟ.ᱛ edit
